Éxodo 23:8 - Qheshwa Biblia DC

⁸ Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.

DIOSPA QHELQACHISQAN DEUTEROCANONICAL

⁸ Ama lluk'ichikunkichu, imaraykuchus lluk'i jap'ikoyqa allin sonqoyoj runata pierdechin, jinallataj mana juchayojta, juchayojta rikhurichin.

DIOSPA QHELQACHISQ

⁸ Ama lluk'ichikunkichu, imaraykuchus lluk'i jap'ikoyqa allin sonqoyoj runata pierdechin, jinallataj mana juchayojta, juchayojta rikhurichin.

Éxodo 23:8 Iomraidhean Croise

Salmos 15:5

Pichus qolqenta manun mana interesniyojta. Pichus mana rantichikunchu pillawampis, llimphu sonqoyoj contrampi. Jinata ruwaj runaqa ni jayk'aj urmanqachu.

Salmos 26:10

Paykunaj makisninkoqa junt'a kashan, sajra kaywan, lluk'iykunawan.

Proverbios 15:27

Kapushajtin waj imastapis astawan munapayajqa wasillantataj urmachin; pichus lluk'iykuchikuyta qhesachajrí, kausanqa.

Proverbios 17:23

Sajra runaqa pakaypi lluk'ichikun, cheqan ruwakunan kashajtin q'ewichinampaj.

Proverbios 17:8

Pichus lluk'iyta yachajqa, yuyakun sumaj atiyniyoj kasqanta, ima ruwaypipis paytaqa allillampuni rin.

Proverbios 19:4

Qhapajyayqa ashkha kausaqesta apamun; uj wajchatarí kausaqesnin saqerparinku.

Eclesiastés 7:7

Cheqamanta sajra ruwaykunaqa yachayniyojta wampuykachachin; lluk'iykunataj sonqonta waj jinayachin.

Isaías 1:13

Ama apamuwaychejchu mana walej rikuchikustaqa; millachikuniña chaykunaj q'osñinta. Qankuna tukuy runasta wajyankichej, qankuna tukuy runasta wajyankichej killa qallarikuy fiestata ruwanaykichejpaj, samakuna p'unchaytapis waqaychanaykichejpaj. Noqarí mana munanipunichu chaykunatawan, sajra imastawan ujllapi ruwanaykichejta.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Isaías 33:15

Pichus cheqanta ruwaspa purin, cheqantataj parlan, qhasimanta qolqe jap'inata chejnikun, mana qolqewan lluk'iykuchikuspa rantichikunchu, runata wañuchimuna nejtinkupis ningrinta wisq'aykun, sajra imastapis rikushaspa mana rikojman tukun.

Isaías 5:22

Ay, qankunamanta vinota ujyanapaj wapu kajkuna, qankunataqa ni pipis ujyanasta wakichiypeqa atipasunkichejchu.

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

1 Samuel 12:3

Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.