Éxodo 23:25 - Qheshwa Biblia DC

²⁵ Señor Diosniykita yupaychanki. Pay bendicenqa t'antaykita, yakuykitawan. Noqa tukuy onqoykunata qankuna ukhumanta orqhosaj.

DIOSPA QHELQACHISQAN DEUTEROCANONICAL

²⁵ Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

DIOSPA QHELQACHISQ

²⁵ Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Éxodo 23:25 Iomraidhean Croise

Salmos 103:3

Paypuni tukuy sajra ruwasqasninmanta perdonawan, onqoypipis pay thañichiwan.

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Eclesiastés 5:20

Dios chay jinatapuni kusichisqanrayku runaqa mana anchata kausayninmanta dakunchu.

Isaías 33:16

Chaymá patapeqa wiñaypaj kausanqa; pakakunampis chhankapi kanqa, mikhunanwan, ujyanan yakuwanqa mana tukukoj kanqa.

Isaías 33:24

Mana pipis ima nenqachu: Onqosqa kani nispaqa. Sión llajtapi tiyakojkunaj juchasninkuta Diosqa pampachanqa.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Daniel (hebreo) 1:15

Chunka p'unchay pasasqanmantawan, paykuna karqanku aswan sanos, aswan sinch'istaj, palaciopi reypa mikhunanmanta mikhojkuna tukuynin waynasmanta nisqaqa.

Levítico 26:3

Sichus leyesniypi purinkichej, allintataj waqaychankichej kamachisqasniyta, chaykunatataj kasunkichej chayqa, jallp'aykichejman parachimusaj maychus tiempompi. Jallp'aykichejqa sumajta poqonqa, poqoy sach'asniykichejpis sumaj poqoyniyoj kanqa.

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

Deuteronomio 10:12

Kunanqa israelitas, imatataj mañakusunkichej Señor Diosniykichejri? Payqa munan Payta manchachikunaykichejta, Paypa ñannintataj purinaykichejta. Munallantaj payta yupaychanaykichejta tukuy sonqoykichejwan, tukuy almaykichejwan ima.

Deuteronomio 10:20

Señor Diosniykichejta manchachikuychej, pay sapallanta yupaychaychej. Payman sayasqas kaychej. Juramentotapis ruwanaykichej kajtenqa Paypa sutimpi ruwaychej.

Deuteronomio 13:4

Qankunaqa Señor Diosniykichejpa qhepantapuni puriychej. Payta manchachikuychej, kamachiykunasninta junt'aychej. Paypa parlasqanta uyariychej; Payta yupaychaychej; Paywampuni ujchasqas kaychej.

Deuteronomio 6:13

Señor Diosniykichejta manchachikuychej. Pay sapallanta yupaychaychej. Juraspapis Señorpa sutillanta oqhariychej.

Deuteronomio 7:13

Qankunata munakusonqachej, bendicisonqachej, ashkhastataj mirachisonqachej. Bendicillanqataj wawasniykichejta, cosechasniykichejta, trigosniykichejta, vinoykichejta, aceiteykichejta, waka uñasniykichejta, oveja uñasniykichejtapis, ima jallp'atachus ñaupa tatasniykichejman juraspa qosqaykichej nerqa, chaypi.

Deuteronomio 7:15

Señorqa qankunaj ñaupaqeykichejmanta tukuy laya onqoykunata ayqechenqa, Egiptoman apachimorqa chay jasut'iykunata, qankuna chayta yachankichej. Manachayqa chaywan enemigosniykichejta chaykunawan ñak'arichimonqa.

Josué 22:5

Kunanqa kayllata mañakuykichej, kamachiykunata, Señorpa kamachin Moisés ima kamachiytachus qosorqachej chaykunata sumajtapuni junt'aychej. Niyta munani, Señor Diosniykichejta munakuychejpuni, ñankunasnintapuni puriychej, kamachisqasninta kasuychejpuni. Payta qhatiychejpuni, tukuy sonqowan, tukuy almawantaj kamachisusqaykichejta ruwaychej.

Josué 24:21

Israelitastaj nerqanku: Chaytaqa mana ruwasqaykuchu, Señortapuni yupaychasqayku.

Josué 24:24

Israelitastaj Josueman nerqanku: Noqaykoqa Señor Diosniykoj kamachisqantapuni ruwasqayku, imatachus niwasqaykutataj ruwasqayku.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa sajrata ruwarqankichej, kunantaj Señormantaqa amaña t'aqakuychejchu, manachayqa tukuy sonqowan Señorta yupaychaychej.

1 Samuel 12:24

Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.