Éxodo 23:24 - Qheshwa Biblia DC

²⁴ Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki.

DIOSPA QHELQACHISQAN DEUTEROCANONICAL

²⁴ Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

DIOSPA QHELQACHISQ

²⁴ Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 23:24 Iomraidhean Croise

2 Reyes 17:11

Chaykunapi inciensota q'osñicherqanku, ñaupaqenkumanta Señorqa qharqorqa, chay runas ruphachej kanku ajinata. Israelitasqa ancha sajratapuni ruwarqanku, chay jinamanta Señorta phiñachispa.

2 Reyes 17:8

Paykunaqa mayqen nacionestachus Señorqa qharqorqa ñaupaqenkumanta chaykunaj ususninkupi purerqanku, imastawanchus Israelmanta reyespis nerqanku chaykunapiwan.

2 Reyes 18:4

Payqa loma patapi altaresta chinkacherqa, rumi lantistapis t'unarqa, Aseraj lantisnintapis t'unararqa, Moisespa broncemanta ruwasqan kataristapis t'unamucharqa. Israelmanta runasqa chay tiempokama inciensota q'osñichillajpuni kanku. Chayta suticharqa Nehustán, nispa.

2 Reyes 3:2

Señorpa ñaupaqempitaj sajrallatapuni ruwarqa, manapis tatan, maman jinapunichu; imaraykuchus payqa tatampa ruwasqan Baal lantista wijch'orqa.

2 Crónicas 14:2

Asaj ruwasqasnenqa allintaj cheqantaj Señor Diosnimpa rikuynimpi karqa.

2 Crónicas 25:14

Amasiastaj, Edonmanta kajkunata atipasqanmanta kutimpushaspa Seirpa dioskunasninta apakamorqa; paypa dioskunasnimpaj jinataj jap'erqa, yupaycharqataj, inciensotapis q'osñicherqa.

2 Crónicas 33:2

Payqa Señorpa naupaqempi sajra imasta ruwarqa, chay waj nacionespi millay ruwasqasninkuman jina; chaykunatarí Señorqa israelitaspa ñaupaqenmanta wijch'orqa.

2 Crónicas 33:9

Manasesqa, Judamanta Jerusalenmantawan runasta sajra ñanman aysaykorqa, astawan sajrata ruwachispa chay nacionesmanta. Chaykunataqa Señor tukucherqa israelitaspa ñaupaqenkumanta.

Salmos 101:3

Ni jayk'ajpis qhawasajchu sajra runastaqa. Diosta mana kasojkunaj ruwasqanta chejnikuni, mana jayk'ajpis chaykunataqa qayllaykuchikamusajchu.

Éxodo 20:3

Noqamanta astawan waj dioskunataqa ama yupaychankichu.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Éxodo 23:13

Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

Éxodo 23:32

Ama paykunawanqa ni ima tratota ruwankichu, nitaj dioskunasninkuwampis.

Éxodo 23:33

Chantaqa ama chay jallp'aykipi kakojta saqenkichu, ama chaykuna juchallichisunankupaj noqaj contrayta dioskunasninkuta yupaychaspa, chaytaj qampajqa mana allinchu kanqa.

Éxodo 32:20

Waka uña lanti ruwasqankutataj jap'iytawan ninaman wijch'uykorqa; chaymantataj lantitaqa ñut'uta kutacherqa. Jinaspataj yakuman jich'aykamorqa chay kutasqata, israelitasmantaj chay yakuta ujyacherqa.

Ezequiel 16:47

Qantaj mana paykuna jinallapis purerqankichu, nitaj paykuna jina purisqasniykiwampis contentakuspa aswan millayta purerqanki.

Oseas 10:2

Israelpata sonqonqa iskayman t'aqasqa kashan, kunantaj juchasninrayku paganqa. Chay altaresninta Señor phirenqa, chay t'aqasqanku k'acha rumistataj q'alata urmaykuchenqa.

Levítico 18:3

Egiptopi maypichus qankuna tiyakorqankichej, imastachus paykuna ruwanku chaykunata ama ruwankichejchu. Mayqenmanchus pusasqaykichej chay Canaán sutiyoj jallp'aj ususnintapis ama ruwankichejchu, nitaj kamachiykunasnintapis ruwankichejchu.

Levítico 26:1

Ama ruwakunkichejchu ima lantitapis, nitaj imaman rijch'akojtapis. Llajtaykichejpeqa yupaychana rumitapis ama sayachinkichejchu, nitaj rumispipis warawasta ruwankichejchu. Chantaqa ama chaykunaman qonqorikunkichejchu, imaraykuchus noqamin kani qankunaj Señor Diosniykichej.

Números 25:2

Chay warmis pusarqanku lantisninkuman uywa wañuchisqasta jaywasharqanku chaykunaman. Israelitastaj chay mikhuykunasta mikhuysikorqanku, yupaycharqankutaj moabitaspa lantisninkuta.

Deuteronomio 12:3

Altaresninkuta thuñinkichej, yupaychana rumisninkuta p'akinkichej, yupaychana k'ullusninkuta ninawan q'olaykuchinkichej; dioskunasninkoj lantisnintarí p'akirankichej. Ajinamanta sutisninkupis manaña rejsisqasñachu kanqanku.

Deuteronomio 7:5

Kay jinata ruwankichej: Altaresninkuta thuñinkichej, yupaychana rumisninkuta, yupaychana k'ullusninkutawan p'akinkichej. Jinallataj lantisninkutapis ninawan ruphaykuchinkichej.