Éxodo 23:2 - Qheshwa Biblia DC

² Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa.

DIOSPA QHELQACHISQAN DEUTEROCANONICAL

² Ama mana allin kajta ruwanaykipaj ashkha runaj nisqanta qhatinkichu. Amallataj quejapi ashkha runaj nisqankuwan apachikunkichu, imachus cheqan kajta q'ewinaykipaj.

DIOSPA QHELQACHISQ

² Ama mana allin kajta ruwanaykipaj ashkha runaj nisqanta qhatinkichu. Amallataj quejapi ashkha runaj nisqankuwan apachikunkichu, imachus cheqan kajta q'ewinaykipaj.

Éxodo 23:2 Iomraidhean Croise

Génesis 19:4

Manaraj puñushajtinku, tukuy Sodoma llajtayoj qharis maltun waynas, machu runasnintin Lotpa wasinta muyuykorqanku.

Génesis 6:12

Runasqa juchapi pejtusqas karqanku. Chayrayku Dios chay jina millay juchararasta rikuspa, nerqa Noeman: Noqa tukuchisaj kay runasta. Paykunaj juchallikusqankurayku imaymana jucha mundoman junt'an. Chayrayku tukuchisaj paykunata tukuy jallp'antinta.

Génesis 7:1

Señorqa Noeman nerqa: Arcaman yaykuy tukuy aylluykiwan; imaraykuchus qanlla allinta purinki ñaupaqeypi tukuy kay tiempo runasmanta nisqaqa.

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

Job 31:34

Runasta manchachikusqayrayku, paykuna qhesachanawankuta, wasiyllapi wisq'asqa ch'inmanta mana kakojchu kani.

Salmos 72:2

Pay cheqan kayniykiwan kamachenqa, wajchastataj cheqan nisqaykiwan.

Proverbios 1:15

Paykunawanqa amapuni purinkichu, wawáy, chay sajra ñanninkumanta karunchakuy.

Proverbios 18:5

Mana allinchu cheqanchajkuna juchasapasman kutikunankoqa, mana juchayojtataj qhasimanta juchachanankupis.

Proverbios 4:14

Ama sajra runaspa qhepanta riychu, ama sajra ruwasqankuta ruwaychu.

Jeremías 37:15

Kay runasqa manchayta Jeremiaspaj phiñakorqanku, kamacherqankutaj maqanankuta, Jonatampa wasinmantaj wisq'aykamunankuta. Jonatanqa reypa qelqerin karqa, paypa wasinta carcelman tukuchisqanku.

Jeremías 37:21

Chaypacha rey Sedequiasqa Jeremías carcelpa patiompi qhepakunanta kamacherqa, sapa p'unchaytaj t'antata apanankuta, t'anta ruwajkuna callemanta. Kayta ruwarqanku chay llajtapi t'anta kanankama. Jinamanta Jeremiasqa carcelpa patiompi qhepakorqa.

Jeremías 38:9

Sumaj reyníy. Chay runasqa Jeremiaspaj mana allintachu ruwanku. Uj yaku pujyuman wijch'uykunku, chaypitaj yarqhaymanta ch'ayñashan, imaraykuchus llajtapi t'antaqa mana kanñachu.

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Levítico 19:15

Sichus qan juez kanki chayqa, cheqanta ruwanki, ama wajchaman sayakuspa, nitaj qhapajman sayakuspa. Cheqan juiciota qanqa ruwanki.

Hageo 1:4

Qankunaqa sumaj ruwasqa wasispi tiyakunaykichejpaj tiempo kashan. Kay wasiytaj chaykama thuñisqa kashan, icharí?

Marcos 15:15

Pilatotaj runasman allin rijch'ananrayku, Barrabasta kacharerqa; Jesusta jasut'ichispataj soldadosman qorqa chakatanankupaj.

San Lucas 23:51

Kay Joseqa suyasharqa Diospa reinonta; chaynejta mana arí nerqachu juntaj yuyasqanta, nitaj ruwasqantapis.

Hechos 24:27

Iskay watamantaj, Felixpa cuentanmanta Porcio Festo kamachinampaj yaykorqa. Felixtaj, judiosman allin rijch'ayta munaspa, Pablota presota saqerqa.

Hechos 25:9

Festotaj judiosman allinta rijch'ayta munaspa, Pablota taporqa: Munawajchu Jerusalenman riyta, chaypitaj kay imasmanta noqa juzgasunayta?

Romanos 1:32

Pikunachus Diospa juicionta yachashaspa, chaykunata ruwajkunaqa wañunanku tiyan. Chantá mana paykunallachu ruwanku, astawanqa chay juchasta ruwajkunawan kusikunku.

Deuteronomio 1:17

Justiciata ruwaspaqa ama wakillanman kutikunkichejchu; juch'uymampis jatunmampis uj rejta ruwaychej. Ama pitapis manchachikuychejchu. Uj rejta cheqanchaj juezqa Dioslla. Sichus wakin imasta mana ruwayta atinkichejchu chayqa, noqaman kachamuwaychej. Noqa chaytaqa cheqanchasaj.

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

Deuteronomio 24:17

Ama karu llajtayojpajqa imachus mana cheqan kajtaqa ruwapunkichejchu, ni wajcha wawaspajpis, nitaj warmi sapasmantapis p'achasninkuta prendapaj jap'ikapunkichejchu.

Josué 24:15

Sichus Señorpa nisqanta mana ruwayta munankichejchu chayqa, kunampacha ajllakuychej pitachus yupaychanaykichejta; ñaupa tatasniykichej mayu chimpapi kashaspa yupaycharqanku chay dioskunatachu, chayri tiyakushankichej chaypi tiyarqanku chay amorreospa dioskunasninkutachu. Noqarí, tukuy aylluywampis Señortapuni yupaychasqayku.

1 Samuel 15:24

Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.

1 Samuel 15:9

Chaywampis Saul soldadosninwan imaqa mana wañucherqankuchu rey Agagtaqa, allichaj ovejasnin kajta, nitaj torostapis, nillataj wira waka uñasnintapis, nitaj corderostapis, nitaj chay sumachaj kaj imastapis. Imastachus phirirarqanku chaykunaqa karqanku mana walej, nitaj valorniyoj imasllamanta.