Éxodo 22:21 - Qheshwa Biblia DC

²¹ Waj llajtayoj runastaqa ama ch'aukiyankichu, nitaj llakichinkichu, imaraykuchus qankunapis Egiptopi waj llajtayojllataj karqankichej.

DIOSPA QHELQACHISQAN DEUTEROCANONICAL

²¹ 21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

DIOSPA QHELQACHISQ

²¹ 21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

Éxodo 22:21 Iomraidhean Croise

Job 6:27

Qankunaqa wajcha runaj kausayninman pujllakunkichej, uj t'oqotataj kausaqaykichejpaj allankichej!

Salmos 146:9

Señorqa karu llajtayojkunata qhawan. Yanapantaj viudasta, wajcha wawastapis. Sajra runaspa ñanninta wist'uyachin.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 23:9

Waj llajtayojta ama llakichinkichu; qankunapis Egiptopi waj llajtayojllataj tiyakorqankichej. Chayrayku yachallankichej runaj llajtampi imaynachus tiyakuna kasqantaqa.

Isaías 1:17

Yachaychej allin kajta ruwayta, kallpachakuychej cheqan kajta ruwayta, yanapaychej sarusqa kajta. Wajcha wawapaj cheqanta ruwaychej, viudaman kutikuychej.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Ezequiel 22:7

Kay llajtapeqa, tatasninkuta, mamasninkutapis mana kasuta ruwankuchu. Waj llajtamanta jamoj runasta ñak'arichinku. Wajcha wawasmanta, viuda warmismantataj lluch'unku.

Levítico 19:13

Ama runa masiykita maytapuni llakichinkichu, nitaj paypata kajtapis suwankichu. Ama peonniykej pagonta q'ayantinkama waqaychakunkichu.

Levítico 19:33

Qankuna ukhupi tiyakoj karu llajtayojkunata ama llakichinkichejchu.

Levítico 19:34

Paykunata qankuna kikiykichejta jina qhawaychej, paykunata munakuychej, imaraykuchus qankuna kikillantaj. Qankunapis yuyarikuychej, karu llajtayoj jinallataj Egipto jallp'api tiyakusqaykichejta. Noqamin Señor Diosniykichejqa kani.

Levítico 25:35

Mayqen llajta masillaykipis pisichikapunman, qanmantaj jamusunkiman chayqa, qan yanapanayki tiyan karu llajtayojta jina, wasiykipitaj qanwan tiyakonqa.

Zacarías 7:10

Ama ñak'arichiychejchu warmi sapasta nitaj wajcha wawasta, nitaj waj llajtayojkunata, nillataj wajchastapis. Ama yuyallaychejpischu ujkuna ujkunata ima sajratapis ruwanakuytaqa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Deuteronomio 1:16

Chaypachallataj nerqani chay juezkunaman kay imasta: Tukuy imamanta tukuyninkuta uyariychej cheqanta imamantapis ruwaychej, ayllu masiykichej israelitasta, jinallataj karu llajtayojkunatapis.

Deuteronomio 10:18

Payqa cheqanta ruwan wajcha wawaspaj, warmi sapaspajpis. Chanta munakun, mikhunatataj qon, p'achallichintaj qankunawan kaj karu llajtayoj runaman.

Deuteronomio 10:19

Qankunaqa karu llajtayojta munakuychej ari, yachaspa qankunapis karu llajtayojllataj kasqaykichejta Egiptopi kashaspa.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Deuteronomio 23:16

Chay kamachitaqa saqeychej qankunawan kakojta may llajtapichá tiyakuyta munan chaypi. Amataj pipis payta llakichichunchu.

Deuteronomio 23:7

Edomitastaqa ama chejnikunkichejchu, imaraykuchus paykunaqa qankunaj ayllullaykichejtaj. Nitaj egipciostapís chejninkichejchu, imaraykuchus paykunaj llajtankupi karu llajtayoj runas jina tiyakorqankichej.

Deuteronomio 24:17

Ama karu llajtayojpajqa imachus mana cheqan kajtaqa ruwapunkichejchu, ni wajcha wawaspajpis, nitaj warmi sapasmantapis p'achasninkuta prendapaj jap'ikapunkichejchu.

Deuteronomio 27:19

Maldicisqa kachun juiciopi runaspaj mana cheqanta ruwajqa, karu llajtayojpaj, chayri warmi sapapaj, chayri wajcha wawaspaj ima. Tukuy israelitastaj nenqanku: Ajina kachun, nispa.