Éxodo 21:1 - Qheshwa Biblia DC

¹ Kay leyesta qonki:

DIOSPA QHELQACHISQAN DEUTEROCANONICAL

¹ Tata Dios Moisesta kay jinata nerqa: Kay kamachisqakunata israelitakunaman rejsichinki.

DIOSPA QHELQACHISQ

¹ Tata Dios Moisesta kay jinata nerqa: Kay kamachisqakunata israelitakunaman rejsichinki.

Éxodo 21:1 Iomraidhean Croise

2 Crónicas 19:10

Ima pleitollatapis llajta masisniykichej llajtaspi tiyakojkunamanta apamusunkichejman, chaypitaj nisunkichejman, wañucheyqa juchachus kasqanta manachus chayta, chayri junt'achinaykichejpaj leykunata, yachachiykunata, kamachiykunata, nisqakunatawan, chayqa, allintapuni k'amiychej, ama Señorpa contrampi juchallinankupaj, Señor ama qankunawan, nitaj paykunawan phiñakunampaj. Chayta qankunaqa ruwaychej, manataj qankunaj juchaykichejchu kanqa.

Salmos 147:19

Pay Jacobman palabranta willarqa. Kamachiykunasninta, yachachiykunasnintapis Israelman sut'incharqa.

Éxodo 19:7

Chaymanta uraykuspa Moisesqa tantacherqa tukuy kurajkunata, paykunamantaj willarqa imastachus Señor nerqa chaykunata.

Ezequiel 20:11

Chaypi leyesniyta paykunaman qorqani, kamachisqasniytapis rejsicherqani, chaykunata pillapis junt'ajqa kausanampaj.

Ezequiel 20:25

Chayrayku noqapis paykunaman qorqani, mana allin kamachiykunata, mana kausayta atinankupaj jina kamachisqastataj.

Levítico 18:26

Qankunaqa israelitas, jinallataj qankunawan tiyakoj karu llajtayojkunapis kamachiykunasniyta, imastachus nisqasniytapis kasukunkichej. Qankunaqa ama ni mayqen kay millay juchasta ruwankichejchu.

Levítico 18:5

Nisqasniyta, kamachisqasniytapis kasunkichej. Pillapis chaykunata junt'ajqa kausanqa. Noqamin Señorqa kani.

Levítico 19:37

Ajinaqa, tukuy kamachiykunasniyta, imastachus nisqasniyta allinta ruwaspa cheqanta junt'aychej. Noqamin Señorqa kani.

Levítico 20:22

Tukuy kamachiykunasniyta, imastachus nisqasniytawan kasuychej, junt'aychejtaj. Ajinamanta chay jallp'aqa mana wijch'usonqachejchu, maymanchus tiyakunaykichejpaj chayachisqaykichej chaymanta.

Malaquías 4:4

Horeb nisqa orqopi, kamachiy Moisés kamachiyniykunata qorqani, chaykunamanta yuyarikuychej. Chay kamachisqasniytaqa tukuynin Israel runas junt'ananku karqa.

Números 36:13

Kay ruwankunata, kamachiykunata ima Señorqa israelitasman kamacherqa Moisesnejta, Moab pampaspi Jordán mayu cantopi, Jericó llajtaj chimpampi.

Deuteronomio 15:12

Sichus chay hebreo llajta masiykichejmanta, qharipis, chayri warmipis qankunawan rantichikuspa wata kamachiykichejpaj yaykupunman chayqa, sojta watallata kamachiykichejmanta kanqa, qanchis watapeqa kacharipunkichej.

Deuteronomio 4:14

Noqamantaj niwarqa chay yachachiykunasta, kamachiykunastawan yachachinayta, qankunataj chayta kasuspa junt'anaykichejta, mayqen jallp'atachus jap'ikapunkichej chaypi.

Deuteronomio 4:45

Kaykuna kanku: Yachachiykunas, kamachiykunas ima, mayqenkunatachus ruwanapaj Moisesqa israelitasman nerqa Egiptomanta llojsimusqankutawan.

Deuteronomio 4:5

Noqa yachacherqaykichej Señorpa kamachisqasninta, imatachus nisqasninta. Chaykunata Señor Diosniy kamachiwarqa qankunaman yachachinayta, qankuna chaykunata ruwanaykichejpaj, mayqen jallp'atachus jap'ikapunkichej chaypi.

Deuteronomio 4:8

Mana mayqen jatun naciompallatapis kapunchu cheqan kamachiykunasqa, yachachiykunaspis qankunaman qoykichej jinaqa.

Deuteronomio 5:1

Moisesqa tukuy israelitasta tantachispa nerqa: Israelitas, uyariychej, kamachiykunasta, imastachus ruwana kasqanta, chaykunamanta kunan willasqaykichej. Allinta yachaychej, waqaychaychejtaj chaykunaman jina imatapis allinta ruwaspa.

Deuteronomio 5:31

Qanrí kayllapi noqawan qhepakuy. Nisqaykitaj tukuy kamachiykunasniymanta, leyesmanta, imastachus nisqasniymantawan paykunaman yachachimunaykipaj. Paykunataj chayta ruwanankupaj ima jallp'atachus qosqaykichej chaypi.

Deuteronomio 6:1

Kaykuna kanku kamachiykunas, leyes, imachus ruwana, Señor Diosniykichej niwasqasnin qankunaman yachachinaypaj, chaykunata ruwanaykichejpaj ima jallp'atachus jap'ikunkichej chaypi.

Deuteronomio 6:20

Mayk'ajllapis wawasniykichej tapusojtiykichejqa: Imatataj niyta munan kay kamachiykunas, leyes, imastachus Señorpa nisqasnin, chayri Señorpa kamachiwasqasninchejri?, nispa chayqa, qankuna ninkichej: Noqanchejqa Egiptopi faraompa kamachisnin karqanchej, chaymanta Señorqa jatun atiyninwan orqhomuwarqanchej.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.