Éxodo 20:8 - Qheshwa Biblia DC

⁸ Ama qonqankichu samarikuna diamanta, chay diapi Diosmanta yuyarikunaykipaj.

DIOSPA QHELQACHISQAN DEUTEROCANONICAL

⁸ Samarina p'unchayta ama qonqankichu, noqapaj t'aqasqa p'unchayniy kasqanrayku.

DIOSPA QHELQACHISQ

⁸ Samarina p'unchayta ama qonqankichu, noqapaj t'aqasqa p'unchayniy kasqanrayku.

Éxodo 20:8 Iomraidhean Croise

Génesis 2:2

Qanchis kaj diapi, Diospa tukuy ima ruwanasnin tukusqaña kajtin, samarikorqa.

Génesis 2:3

Chaymanta qanchis kaj diata Dios bendicerqa, churanoqarqataj samarikuna diata, imaraykuchus Pay chay p'unchaypi samarikorqa tukuy imata ruwasqanmanta.

Nehemías 13:15

Chay p'unchaykunapi rikullarqanitaj Judá ayllu ukhupi wakin runas samakuna p'unchaypi uvasta sarunaspi sarushasqankuta vinota ruwanankupaj, trigo q'apistapis marq'ashasqankuta. Rikullarqanitaj burrostapis vino chajnasqasniyojta uvas t'isnusniyojta, higokunasniyojta, tukuy laya q'epis chajnasqasniyojta qhatirikuspa Jerusalén llajtaman samakuna p'unchaypi apashajta. Chaypacha k'amerqani chay samakuna p'unchaypi vendenasninkuta vendemushasqankumanta.

Nehemías 9:14

Yachachillarqankitaj samakuna p'unchayniykita qampaj t'aqayta. Qollarqankitaj kamachiykunasta, leyesta, yachachiykunastawan kamachiyki Moisesnejta.

Éxodo 23:12

Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.

Éxodo 31:12

Ujtawan Señorqa Moisesman parlallarqataj: Israelitasman willanki kay jinata: Cheqamanta qankunaqa waqaychankichej samarikuna p'unchayniyta; imaraykuchus chay p'unchayqa uj señal noqawan qankunawan mirayniykichejwan ima uj tratota ruwasqanchejmanta, yachanaykichejpaj noqa Señor qankunata ajllasqayta.

Éxodo 35:1

Moisesqa tukuynin israelitasta tantachispa paykunaman nerqa: Kay jinata Señorqa kamachiwan, kay jinata ruwakunanta:

Isaías 56:2

Kay imasta ruwaj runaqa kusikuyniyojmin, tukuy sonqo kamachisqasta junt'aj, samakuna p'unchayta mana ch'ichichajtaj, tukuy sajra kaj ruwanamantataj allinta qhawakojpis.

Isaías 58:13

Sichus samakuna p'unchaypi mana purinkichu, nitaj ajllakusqay p'unchaypi munayniykita ruwankichu, ninkitaj chay p'unchayqa Señorpa sumaj p'unchaynin kasqanta; chay p'unchaypichus payta yupaychanki, mana imatachus munasqaykita ruwaspa, mana qampa munasqaykita mask'aspa, manataj qampa palabrasnillaykitachu parlaspa kanki chayqa, may kusisqa tarikunki Señorman parlaspa; chay jallp'aj jatuchaj orqosninman noqa wicharichisqayki. Noqa mikhuchisqayki tataykej Jacobpa chayaqen jallp'api. Kaytaqa kikin Señorman nisunki.

Jeremías 17:21

Señorqa nin: Kausayniykichejta khuyaspa, ama apaychejchu cargasta, nitaj Jerusalempa punkusninnejta samakuna p'unchaypeqa apaykuychejchu.

Jeremías 17:22

Amallataj samakuna p'unchaypeqa wasisniykichejmanta cargasta orqhoychejchu, amataj imatapis chay p'unchaypeqa ruwaychejchu. Chay samakuna p'unchaypeqa noqata yupaychawaychej, imaynatachus ñaupa tatasniykichejman kamacherqani ajinata.

Jeremías 17:24

Señor nillantaj: Cheqamanta kasuwaychej, amapuni samakuna p'unchaypeqa kay llajta punkusnejta cargasta apaychejchu. Chay p'unchaypeqa yupaychawaychej, t'aqasta kachun, amataj ima ruwana kajtapis ruwaychejchu.

Ezequiel 20:20

Samakuna p'unchaykunasniytaqa waqaychaychej, qankunawan tratota ruwasqaymanta uj señal kanampaj, ajinamanta yachanaykichejpaj noqa Señor Diosniykichej kasqayta.

Levítico 19:3

Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

Levítico 19:30

Samarikuna p'unchaykunasniyta waqaychaychej. Tiyakunay cheqatapis llimphupaj qhawaychej. Noqamin Señorqa kani.

Levítico 23:3

Sojta p'unchayta llank'anki, qanchis kaj p'unchaypitaj mana imatapis ruwankichu. Chay p'unchayqa qampaj uj sumaj p'unchay kanqa samarikunaykipaj. Sumaj tantakuytaj kanqa. Maypichá tiyakunki chaypi chay diaqa samarikunaykipaj, Señorta jatunchanaykipajtaj kanqa.

Levítico 26:2

Samarikuna p'unchaykunasniyta waqaychaychej, maypichus tiyakunay chaytapis allimpaj qhawaychej. Noqamin Señorqa kani.

Números 15:32

Ch'in pampapi kashaspa israelitasqa uj runata samarikuna p'unchaypi llant'ata pallashajta tarerqanku.

Deuteronomio 5:12

Samakuna p'unchayta sumajta waqaychanki, chaypi Señorta yupaychanaykipaj, imaynatachus Señor Diosniyki kamachisusqanman jina.