Éxodo 20:24 - Qheshwa Biblia DC

²⁴ T'urumanta altarta ruwapuwankichej, chay patapi ruphachina rikuchikusta jaywawankichej, allinyanakuy ofrendata, wakasta, ovejasta ima apamuwasqaykichejta. Maypichari kay jinasta ruwaspa sutiymanta yuyarikunkichej chayqa, chayman jamuspa bendicisqaykichej.

DIOSPA QHELQACHISQAN DEUTEROCANONICAL

²⁴ Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

DIOSPA QHELQACHISQ

²⁴ Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

Éxodo 20:24 Iomraidhean Croise

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

2 Samuel 6:12

Davidan willarqanku Señorpa trato ruwasqa cajonninrayku, Obed-edompa ayllunta tukuy paypa kapuynintawan Señorqa mayta bendicisqanta, Davidqa rispa jatun kusiywan Obed-edompamanta Señorpa trato ruwasqa cajonninta apakamporqa Davidpa llajtanman.

1 Reyes 8:29

Tuta p'unchay kay wasita qhawarispa, ñawisniyki kicharisqa kachun, kay wasimanta qanqa nerqanki: Noqaj sutiy chaypi kanqa, nispa. Uyariytaj kay kamachiykej mañakuyninta kay wasipi.

1 Reyes 9:3

Señortaj payman nerqa: Noqaj ñaupaqeypi mayta mañakuwasqaykita uyariykiña. Kay ruwapuwasqayki wasitapis llimphuchaniña, chaypi sutiy wiñaypaj kanampaj, chayllapitaj ñawisniy sonqoypis tukuy p'unchay kanqa.

2 Reyes 5:17

Chantataj Naamanqa nillarqataj: Jina kajtenqa kunan kayta mañakuyki: Iskay mulas apayta atisqanta kay jallp'aykimanta qoriway ari. Kunanmanta jaqaymanqa kay kamachiykeqa manaña ima waj dioskunapaj q'olachisajchu, nitaj ima uywa ñak'asqastapis jaywasajchu, manachayqa Señorllamanña qosaj.

2 Crónicas 12:13

Rey Roboamqa Jerusalempi astawan kallpachakorqa, kamachillarqapunitaj. Kamachiyta qallarishajtenqa tawa chunka ujniyoj watasniyoj karqa, Jerusalempitaj chunka qanchisniyoj watasta kamacherqa. Chay llajtataqa Señor ajllarqa tukuynin Israel ayllu ukhumanta chaypi tiyakunampaj. Roboampa mamanqa Naama sutiyoj karqa. Payqa Amón nacionmanta karqa.

2 Crónicas 6:6

Astawampis Jerusalenta ajllarqani, sutiy chaypi kanampaj, aylluy israelitasta kamachinampajtaj Davidta ajllarqani.

2 Crónicas 7:16

Kunan yupaychana wasita ajllani, llimphuchanitaj, chaypi wiñaypaj sutiy kanampaj. Waqaychallasajpuni, yuyayniymantataj mana llojsenqachu.

Esdras 6:12

Mayqen reychus, chayri llajtachus, Jerusalempi kashan chay temploj contrampi mana allinta ruwayta munajtaqa, tiyakunampaj Jerusalenta ajllakoj Dios t'unaykuchun! Noqa Darío kaytaqa kamachini. Kay nisqayqa kikimpuni junt'akuchun, nispa.

Nehemías 1:9

Sitajchus qanman kutirikamuspa kamachiykunasniykita junt'aykuman, nisqasniykitataj ruwaykuman chayqa, kay pachaj k'uchusninmampis ch'eqerasqas kaykuman chaypis, qan chaykunamanta kutichimuspa, maypichus sutiyki jatunchasqa kanampaj ajllakorqanki chay cheqaman watejmanta tantaykunawaykuta.

Salmos 101:2

Cheqanta kausayta munani. Mayk'ajtaj noqaman jamunkiri? Kausayniy mana ima nina kanqa, jatun palaciopi kajtiypis.

Salmos 122:2

Jerusalén, jatun llajta, punkusniyki ukhupiña kayku.

Salmos 128:5

Señorqa Sionmantapacha bendicisuchun, Jerusalempa allin kayninta rikunaykipa, sapa p'unchay kausayniyki tukukunankama.

Salmos 134:3

Diosninchej janaj pachata kay pachatawan ruwajqa, Sión orqomantapacha bendicisuchun.

Salmos 74:7

Santo wasiykimantaj ninawan jap'iykucherqanku. Kikin wasiykita qhesachanku, pampaman tukuchinankukama t'unarqanku.

Salmos 76:2

Santo wasenqa Sión orqopi kashan, chaytaj Jerusalempi.

Salmos 78:68

Ajllarqataj Judá aylluta, munakusqan Sión orqotawan.

Éxodo 10:25

Moisestaj kuticherqa: Qan kikiyki qonawayku tiyan uywasta rikuchikuta jaywaspa Señor Diosniykuman ruphachimunaykupaj.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Éxodo 20:25

Sichus rumismanta altarta ruwankichej chayqa, ama runaj llusk'achasqan rumismanta ruwapuwankichejchu. Sichus ima herramientawan chay rumista ch'eqonkichej chayqa, uj lantita jinaña qankunaqa ruwashankichej.

Éxodo 24:4

Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Éxodo 27:1

Ruwallankitaj altarta acacia maderamanta cuadradota, sapa ladonman kanqa iskay metro iskay chunka phishqayoj centimetrosniyoj, patamantaj uj metro iskay chunka phishqayoj centimetrosniyoj.

Isaías 64:5

Pikunachus qampa nisqaykita cheqanta ruwanku chaykunamanta, qanqa jark'akoj kanki, may purisqankupipis qanmanta yuyarikusoj kanku chaykunamanta ima. Juchallikusqaykumanta qanqa phiñakorqanki; chay juchasniykupi noqaykoqa unay watasta karqayku. Chay juchasniykumanta salvasqas kayta atiykumanchu?

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

San Mateo 18:20

Maypichá iskay, chayrí kinsa, noqaj sutiypi tantakunku chayqa, chaypi paykunaj chaupinkupi kani.

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.

Deuteronomio 12:21

Sichus Señorpa ajllakusqan cheqaqa sutinta churanampaj qankunamanta karupiraj kanman chayqa, Señorpa qosusqaykichej chay wakasta, chay ovejastawan atinkichej ñak'ayta munasqaykichejman jina mikhunaykichejpaj, maypichus tiyakushankichej chaypi, imaynatachus kamacherqaykichej chayman jina.

Deuteronomio 12:5

Señorqa ayllusniykichej ukhupi uj cheqata mask'anqa, qankuna chaypi sutinta yupaychanaykichejpaj.

Deuteronomio 14:23

Chayqa kanqa trigomanta, vinomanta, aceitemanta, kuraj kaj waka uñasmanta, kuraj kaj oveja uñasmanta ima. Chaykunata qankunaqa mikhunkichej Señor Diosniykichejpa ñaupaqempi, may cheqatachus sutin kanampaj ajllakorqa chay cheqapi, Señor Diosniykichejta tuta p'unchay yupaychayta yachanaykichejpaj.

Deuteronomio 16:11

Chay kusikuykunataqa Señor Diosniykichejpa ñaupaqempi ruwankichej, maypichus Pay uj cheqata ajllakorqa, chaypi. Chaytataj ruwankichej wawasniykichejwan, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmisapaswan ima.

Deuteronomio 7:13

Qankunata munakusonqachej, bendicisonqachej, ashkhastataj mirachisonqachej. Bendicillanqataj wawasniykichejta, cosechasniykichejta, trigosniykichejta, vinoykichejta, aceiteykichejta, waka uñasniykichejta, oveja uñasniykichejtapis, ima jallp'atachus ñaupa tatasniykichejman juraspa qosqaykichej nerqa, chaypi.

1 Timoteo 2:8

Chayrayku munani tukuynejpi qharis Diosmanta mañakunankuta, llimphu makista oqharispa, mana phiñakuspa, nitaj churanakuspa.