Éxodo 20:23 - Qheshwa Biblia DC

²³ Noqaj ñaupaqeypi ama lantista ruwankichejchu qolqemanta, nitaj qorimantapis, chaykunatapis yupaychanaykichejpaj.

DIOSPA QHELQACHISQAN DEUTEROCANONICAL

²³ Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

DIOSPA QHELQACHISQ

²³ Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 20:23 Iomraidhean Croise

2 Reyes 17:33

Señorta manchachikoj kanku, chaywampis lantisninkuta yupaychaj kanku, imaynatachus llajtankupi ruwaj kanku ajinallatapuni chaypipis ruwaspa.

2 Reyes 17:41

Chay runasqa Señorta manchachikoj kanku, chanta lantisninkutapis yupaychallajtaj kanku. Wawasninku, allchhisninkupis, imaynatachus tatasninku ruwaj kanku, ajinallatapuni kunankamapis ruwakushanku.

Éxodo 32:31

Ajinamanta Moisesqa kutirerqa maypichus Señor kasharqa chayman, chaypitaj Señorman nerqa: Cheqamanta kay israelitasqa uj jatun juchata ruwanku, qorimanta uj lantita ruwaspa diosninku kanampaj.

Éxodo 34:17

Amapuni qankunaqa ima lantitapis ruwakunkichejchu ima metalmantapis unuyachispa.

Ezequiel 20:39

Israel ayllu, kay jinata qankunaman Señorqa nisunkichej: Sichus noqata qankuna mana kasuwankichejchu chayqa, sapa ujniykichej lantisniykichejpa qhepanta ripuychej, paykunata yupaychamuychej. Ama llimphu sutiytaqa ch'ichichaychejchu rikuchikusniykichejta jaywaspa, nitaj lantisniykichejta yupaychaspapis.

Ezequiel 43:8

Diosta yupaychana wasiman k'askasqata ruwakorqanku. Uj perqallawan t'aqaspa Diosta yupaychana wasita paykunaj wasinkutawan ruwarqanku, millay juchasta ruwaspataj sutiyta ch'ichicharqanku. Chayrayku may phiñakuyniypi paykunata wañuracherqani.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Daniel (hebreo) 5:4

Tukuynin ujyarqanku vinota, chanta lantisninkutataj yupaycharqanku. Chay lantisninkoqa qorimanta, qolqemanta, broncemanta, fierromanta, k'aspimanta, rumimanta ima ruwasqas karqanku.

Levítico 19:4

Ama lantismanqa kutiriychejchu. Amataj dioskunata metal unuyasqamanta ruwakuychejchu. Noqamin Señor Diosniykichejqa kani.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Deuteronomio 27:15

Maldicisqa kachun imallamantapis lantita ruwajqa, pakayllamanta yupaychanampaj. Chay runaj makinwan ruwasqanqa Señorpa ñaupaqempi millay, nispa. Chayta uyarispa israelitas nenqanku: Ajina kachun, nispa.

Deuteronomio 29:17

Chaypitaj rikorqanchej millay ruwasqasninkuta, lantisninkutapis k'aspimanta, rumismanta, qorimanta ima ruwasqasta chay runas yupaychanku, chaykunata.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Jueces 17:3

Micaiataj chay waranqa pachajniyoj qolqeta mamanman kuticherqa. Mamantaj nerqa: Cheqamanta chay qolqetaqa Señorpaj t'aqarqani, chanta ruwachipunaypaj uj lantita sumajta qolqewan lluch'isqata. Qanqa qhepakuyta atinki chay qolqewan.