Éxodo 20:2 - Qheshwa Biblia DC

² Noqa Señor Diosniyki kani, Egiptomanta orqhomorqayki, kamachillapuni kanaykimanta.

DIOSPA QHELQACHISQAN DEUTEROCANONICAL

² Noqa Tata Diosniyki kani, pichus Egiptopi wata runa kashajtiyki orqhomorqayki, chay.

DIOSPA QHELQACHISQ

² Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 20:2 Iomraidhean Croise

1 Reyes 18:39

Tukuy runastaj chayta rikuspa, qonqorikuspataj pampakama k'umuykorqanku; nerqankutaj: Señorlla Diosqa, Señorlla Diosqa!, nispa.

2 Reyes 17:12

Lantista yupaycharqanku, mayqenkunamantachus Señorqa ñaupajtaña kamacherqa, ama ajinataqa ruwankichejchu, nispa.

2 Reyes 17:7

Chayqa karqa israelitas Señor Diosninkoj contrampi juchallikusqankurayku, pichus paykunataqa Egiptomanta rey faraompa makinmanta orqhomorqa chaypa contrampi, waj dioskunata yupay chasqankurayku.

2 Crónicas 28:5

Chayrayku Señor Diosnenqa Siriaj reynimpa makisninman jaywaykorqa. Siriostaj atipaykorqanku, ashkha presostataj jap'iykuspa Damascoman apakaporqanku. Jinallataj Señorqa jaywarqa Israelpa reyninman, atiparqataj may chhikata wañurachispa.

Salmos 50:7

Israel ayllúy, uyariway. Tukuy imata qanwan contraykita sut'ita parlasaj. Noqa Dios kani, Diosniykitaj.

Salmos 81:10

Noqa Señor Diosniykichej kani. Noqa orqhorqaykichej Egipto jallp'amanta. Simiykita kichariy, noqataj, munayniykita junt'asaj.

Salmos 81:11

Aylluy mana uyariwarqachu; Israelqa mana kasukuwarqachu.

Salmos 81:7

Llakiyniykipi wajyawarqanki, noqataj librarqayki, qhon qhon phuyu ukhumanta kutichimorqayki. Meriba yaku chimpapi probarqayki.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 15:13

Khuyakuspa, munakuyniykiwan kay salvasqayki israelitasta pusashanki. Atiyniykiwan pusashanki llimphu k'achitu wasiykiman.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Éxodo 20:1

Diosqa kay tukuy palabrasta parlamorqa, ajinata nispa:

Éxodo 29:46

Ajinamanta yachanqanku noqa Señor Diosninku kasqayta, pichus paykunata Egiptomanta orqhomorqa, paykunaj chaupinkupi kanaypaj. Noqamin kani Señor Diosninkoqa.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Isaías 43:3

Noqaqa Señor Diosniyki, Israelpa Santo Diosnin salvajniyki kani. Qanta Egiptota, Etiopiata, Sebastawan qorqani cuentaykimanta.

Jeremías 16:14

Chaywampis waj tiempopi chayamorqa, noqa Señor chayta nini, chaypeqa manaña jurankichejchu, nispa: Señorpa kausayninrayku, pichus israelitasta Egipto jallp'amanta orqhomorqa, nispa.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 31:1

Señorqa nillantaj: Chay p'unchaypeqa tukuy Israel aylluspa Diosninku kasaj, paykunataj aylluy kanqanku, nispa.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Ezequiel 20:19

Paykunata nerqani: Señor Diosniykichejqa noqa kani. Kamachisqasniyta ama pantaspa junt'aychej, yachachisqasniyta waqaychaychej, ruwaychejtaj.

Ezequiel 20:5

Noqamanta paykunaman niy: Señorqa kay jinata nin: Israelta ajllakorqani chaypachaqa, makiyta oqharispa Jacobpa ayllunman jurarqani, maypachachus paykunaman Egiptopi rikhurerqani chaypacha. Sumajtapuni paykunaman jurarqani, noqa Señor Diosniykeqa kani, nispa.

Ezequiel 20:7

Tukuy paykunata kamacherqani millay dioskunasninkuta saqenankuta, Egiptopi kaj lantiswan ama ch'ichichakunankuta, imaraykuchus noqa Señorman Diosninkoqa kani, nispa.

Oseas 12:10

Noqa parlarqani profetasman, astawanqa mosqoykunapi k'iskimanta parlarqani, paykunajtataj kikinchachina ruwaykunasta churarqani.

Oseas 13:4

Señor nin: Noqa Señor Diosniyki kani Egiptopi kasqaykimantapacha: Ama pitapis Diosniykipaj jina rejsiychu manachayqa noqallata, noqallamin salvajniykeqa kani.

Levítico 11:45

Noqaqa Señor kani, Egiptomanta orqhomorqaykichej Diosniykichej kanaypaj. Chayrayku qankunaqa llimphuspuni kanaykichej tiyan, imaraykuchus noqaqa santomin kani.

Levítico 19:36

Qankunaqa cheqan balanzasniyoj kankichej, jinallataj cheqan pesasniyoj, cheqan chimpusniyoj ima. Noqamin Señor Diosniykichejqa kani. Noqamin qankunataqa Egiptomanta orqhomorqaykichej.

Levítico 23:43

Ajinamanta tukuy mirayniykichej yachanqanku noqa Egiptomanta israelitasta orqhomushajtiy, paykunata ramadas ukhupi tiyachisqayta. Noqa qankunaj Señor Diosniykichej kani.

Levítico 25:38

Noqamin kani Señorqa qankunaj Diosniykichej, Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj.

Levítico 25:42

Paykunaqa noqaj kamachisniy, noqa Egiptomanta orqhomorqani. Chayrayku paykunataqa mana vendekuyta atinkuchu wata runasta jina.

Levítico 25:55

Israelitasqa kamachisniy, noqa kikiypa kamachisniy. Noqa Egiptomanta orqhomorqani. Noqamin kani paykunaj Diosnin.

Levítico 26:1

Ama ruwakunkichejchu ima lantitapis, nitaj imaman rijch'akojtapis. Llajtaykichejpeqa yupaychana rumitapis ama sayachinkichejchu, nitaj rumispipis warawasta ruwankichejchu. Chantaqa ama chaykunaman qonqorikunkichejchu, imaraykuchus noqamin kani qankunaj Señor Diosniykichej.

Levítico 26:13

Noqamin kani qankunaj Señor Diosniykichejqa. Noqa Egiptomanta orqhomorqaykichej, manaña paykunaj wata kamachisnin kanaykichejpaj. Noqa yugoykichejpa coyundasninta p'itirani. Umaykichejta patata oqharichispa puricherqaykichej.

Amós 2:10

Qankunatataj Egiptomantapacha orqhomorqaykichej, tawa chunka watastataj pusaykacharqaykichej ch'in pampaspi, chay runaspa jallp'asninkuta qankunaman qonayrayku.

Romanos 10:12

Judío runawan, griego runawanqa uj rejlla kanku. Ujlla Señorqa tukuypata, qhapajtaj tukuy payta wajyakojkunapaj.

Romanos 3:29

Diosqa judiospa Diosnillanchu? Manachu gentilespatapis Diosnillantaj? Cheqamanta paykunajtapis Diosnillantaj.

Deuteronomio 13:10

Payta rumiwan ch'anqanki wañunankama Señor Diosniykimanta t'aqasuyta munasqanrayku. Chay Señor Diosniykeqa Egiptomanta orqhomusorqa kamachillapuni kashajtiyki.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Deuteronomio 7:8

Señorqa ajllasunkichej munakususqaykichejrayku. Chayrayku payqa Egiptopi ñak'arishajtiykichej, faraompa kamachimpi kashajtiykichej jatun atiyninwan orqhomusorqachej, ñaupa tatasniykichejman imatachus ruwapusqaykichej nisqanta junt'ananrayku.

Jueces 2:1

Señorpa angelnin rerqa Gilgalmanta Boquinman, israelitasmantaj nerqa: Noqa Egiptomanta orqhomorqaykichej qankunata, ñaupa tatasniykichejman qosqaykichej nerqani chay jallp'akama pusamorqaykichej, chaypacha paykunaman nerqani: Mana jayk'ajpis qankunawan tratoyta p'akisajchu, sichus qankuna chay llajtayojkunawan waj tratota mana ruwankichejchu chayqa, manachayqa altaresninkuta phirinkichej nerqani. Qankunataj mana kasuwarqankichejchu. Imaraykutaj jinata ruwarqankichejrí?

Jueces 6:10

Nerqaykichejtaj qankunaman, noqa kasqayta qankunaj Señor Diosniykichej, manataj manchachikunaykichejta amorreospa dioskunasninkumanta, kunampis paykunaj jallp'ankupi kashankichej, chaywampis qankunaqa mana kasuwarqankichejchu.