Éxodo 20:18 - Qheshwa Biblia DC

¹⁸ Tukuy israelitas uyarerqanku rikorqankutaj lliuj lliujkunata, qhon qhonkunata, pututoj waqamusqanta, chay tukuy punta orqopis q'osñorisqanta ima. Chayta rikuspa israelitasqa mayta mancharikorqanku, karunchakorqankutaj, chay orqoman mana chimpaspa.

DIOSPA QHELQACHISQAN DEUTEROCANONICAL

¹⁸ Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

DIOSPA QHELQACHISQ

¹⁸ Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

Éxodo 20:18 Iomraidhean Croise

Génesis 15:17

Allin laqhayaykuytataj rikhurerqa uj horno, mayta q'osñishaj. Uj nina k'anchaytaj chay rak'isqa uywaspa chaupinta kayman jaqayman puriykachasharqa.

Génesis 3:10

Qharitaj kuticherqa: Uyarerqayki huerta ukhupi purishajta, manchachikorqayki q'alalla kaspa, chayrayku pakaykukorqani.

Salmos 81:7

Llakiyniykipi wajyawarqanki, noqataj librarqayki, qhon qhon phuyu ukhumanta kutichimorqayki. Meriba yaku chimpapi probarqayki.

Jeremías 23:23

Señorqa nillantaj: Karupi chayri qayllapipis noqa Dios kani.

Deuteronomio 18:16

Qankunaqa chaytapuni Señor Diosniykichejmanta Horeb orqopi mañakorqankichej, maypachachus chaypi ujllapi tantakorqankichej, kay jinata nispa: Mana ujtawan uyariyta munaykuchu Señor Diosniykoj parlamusqanta, nitaj kay jina jatun ninata rikuyta munaykuchu ama wañunaykupaj.

Deuteronomio 4:36

Payqa janaj pachamantapacha parlasqanta uyarichisorqachej yachachisunaykichejpaj. Kay jallp'a patapitaj atiyniyoj ninanta rikuchisorqachej. Nina chaupimantataj palabrasninta uyarinkichej.

Deuteronomio 5:23

Maypachachus chay parlamojta laqhayaj ukhumanta uyarerqankichej, chaypacha rikorqankichej Sinaí orqo tukuynin laurarishajta; jina kajtintaj tukuyniykichej, sapa ayllumanta kamachejkuna, kurajkunas ima noqawan parlaj jamuwarqankichej, nispa: Cheqamanta Señor Diosninchejqa jatun k'anchayninta, atiyninta ima rikuchiwayku, parlamusqantataj uyariyku, nina lauraj chaupimanta. Kunanqa yachayku Diosqa runasman parlasqanta, chaywampis runasqa kausankuraj.

Deuteronomio 5:25

Kunanqa imaraykutaj wañusqaykuri? Kay sinch'i ninaqa tukuchiwasqayku. Sichus ujtawan Señor Diosninchejpa parlamusqanta uyarisqayku chayqa, wañusqayku.

Deuteronomio 5:27

Qanqa qayllay uyariytaj Señor Diosninchej imatachus nisonqa chayta. Qanrí willawasqayku, noqaykutaj allinta ruwasqayku niwasqaykuman jina.

Deuteronomio 5:5

Chaypacha noqaqa chaupipi qankunawan Dioswan tinkuypi sayasharqani. Jinamanta Señorpa palabrasninta qankunaman willanaypaj, imaraykuchus qankunaqa ninata manchachikuspa chay orqoman mana wichariyta munarqankichejchu. Chaypacha Señorqa nerqa: Noqamin kani Señorqa, Diosniykitaj. Noqa Egiptomanta orqhomorqayki, maypichus wata runa kasharqanki chaymanta.