Éxodo 2:14 - Qheshwa Biblia DC

¹⁴ Chay runataj kuticherqa: Pitaj qanta churasunki noqaykuta kamachinawaykupaj, juezniyku kanaykipaj ajinata ninawaykupajri? Egipcio runata wañucherqanki jinatachu wañuchiyta munashawanki? Moisestaj chayta uyariytawan mancharikorqa, nerqataj: Cheqamanta egipcio runa wañuchisqayqa yachakunña, nispa.

DIOSPA QHELQACHISQAN DEUTEROCANONICAL

¹⁴ Chay runarí Moisesta kuticherqa: Pitaj churasunki noqaykuta kamachinawaykupaj, juezniykutaj kanaykipajri? Imaynatachus Egipto llajtayojta wañucherqanki, jinatachu noqatapis wañuchiyta munashawanki? nispa. Moisés chayta uyarispa, mancharikorqa, nerqataj: Egipto llajtayojta wañurparichisqayqa yachakunña, nispa.

DIOSPA QHELQACHISQ

¹⁴ Chay runarí Moisesta kuticherqa: Pitaj churasunki noqaykuta kamachinawaykupaj, juezniykutaj kanaykipajri? Imaynatachus Egipto llajtayojta wañucherqanki, jinatachu noqatapis wañuchiyta munashawanki? nispa. Moisés chayta uyarispa, mancharikorqa, nerqataj: Egipto llajtayojta wañurparichisqayqa yachakunña, nispa.

Éxodo 2:14 Iomraidhean Croise

Génesis 13:8

Uj p'unchay Abramqa Lotman nerqa: Qanwan noqawanqa aylluntin kanchej, mana atisunmanchu phiñanakuyta noqanchejpura, nitaj michejkunasninchejpis phiñanakuyta atinkuchu.

Génesis 19:9

Paykunataj kuticherqanku: Jatariy chaymanta! Qan jina karu llajtayoj runachu noqaykuta kamachiwasqayku? Kunanqa astawan mana allinta qanta ruwasqayku paykunamanta nisqaqa. Paykunataj Lotman maqaj phinkiykorqanku, jinaspataj punkuta khakoj qayllaykorqanku.

Génesis 34:27

Jacobpa wakin wawasnintaj jamuspa wañusqaspa patasninta llajtaman yaykuspa sakeyarqanku, panankoj honranta t'akasqanmanta aynita kutichispa.

Proverbios 19:12

Reypa phiñakuynenqa leompa qhaparisqan jina, khuyakuyninrí qhora patapi chhulla jina.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

Números 16:13

Qampajqa pisichu, lechewan misk'iwan correj jallp'amanta orqhomuwasqayku, kay ch'in pampapi wañuchinawaykupaj, chantapis noqaykuta kayman jaqayman munasqaykita pusaykachanawaykupajqa?

Números 16:3

Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

San Mateo 21:23

Jesús temploman kutiykuspa yachachishajtintaj, kuraj sacerdotes, llajtapi kuraj runas ima, payman qayllaykuspa taporqanku: Ima atiywantaj kay imasta ruwankiri? Pitaj kay atiyta qosorqa?

San Lucas 12:14

Jesustaj kuticherqa: Imanayasunkitaj runa, pitaj churawarqa juezta jina, qankunaman rak'inaypaj?

San Lucas 19:14

Llajta masisnintaj chejnej kanku, chaynejta, kachasta qhepanta kachamorqanku, ninankupaj: Mana payta munaykuchu reyniykupaj, nispa.

San Lucas 19:27

Jinallatataj, jaqay contrariosniy mana rey kanayta munajkunata, kayman pusamuychej, noqaj ñaupaqeypitaj wañurachiychej.

Hechos 7:35

Kaymin chay Moisesqa pitachus israelitakuna qhesachaspa nerqanku: Pitaj qanta churasorqa, kamachejniyku, juezniykutaj kanaykipajri? Paytataj Dios kacharqa, paykunaj kamachejnin kanampaj, kacharichejnintaj; chay larwashaj zarzapi ángel rikhurejnejta.

Hebreos 11:27

Creesqanrayku Egiptomanta riporqa, reypa phiñakuyninta mana manchachikuspa; kallpachakuspataj sayarqa, mana rikukoj Diostapis rikushanman jina.