Éxodo 19:9 - Qheshwa Biblia DC

⁹ Señortaj payman nerqa: Qhawariy, noqa jamusaj uj yanayarishaj phuyupi, qanwan parlasqayta israelitas uyarinankupaj, ajinamanta wiñaypaj parlasqaykita creenankupaj. Moisestaj ujtawan Señorman willarqa israelitas imastachus nerqanku chayta.

DIOSPA QHELQACHISQAN DEUTEROCANONICAL

⁹ Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

DIOSPA QHELQACHISQ

⁹ Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

Éxodo 19:9 Iomraidhean Croise

1 Reyes 8:12

Chanta Salomonqa nerqa: Qan Señor nerqanki laqhayaypi tiyakusqaykita.

2 Crónicas 20:20

Q'ayantintaj tutamanta jatarikorqanku, Tecoa ch'in pampanejman puririnankupaj. Puririshajtinkutaj Josafatqa sayarikuspa nerqa: Jerusalempi, jinataj Judapi tiyakojkuna uyariwaychej: Señor Diosniykichejpi atienikuychej, sumaj waqaychasqastaj kankichej, profetasnimpipis confiaychej, tukuy imapitaj allin risonqachej.

2 Crónicas 6:1

Chaypacha Salomonqa nerqa: Qan, Señor ninki laqhayaypi, pakaypipis kausasqaykita.

Salmos 97:2

Sinch'i yanayarishaj phuyus chaupipi kashan; cheqa kajwan, maychus kajwantaj tiyananta sayachin.

Salmos 99:7

Paykunawan Dios parlarqa sayt'u sayaj phuyu ukhumanta; nisqanta paykunaqa junt'arqanku, tukuy chay kamachisqasnintawan.

Éxodo 14:31

Israelitasqa chayta rikorqanku mayta musphaspa t'ukunata jina, imaynatachus Señorqa egipciosta ruwasqanta. Chaymanta israelitasqa Señorta manchachikorqanku, creerqankutaj Señorpi, jinallataj kasorqanku Señorpa kamachin Moisestapis.

Éxodo 19:16

Minchhantin sut'iyamuyta rikhurimorqa lliuj lliujkuna, qhon qhonkuna, uj yanayarishaj phuyutaj orqoman tiyaykamorqa. Uj pututoj waqayninta sinch'ita waqaspa tukuypa jarasninman uyaricherqa mancharikunata jina.

Éxodo 20:21

Chaykama runasqa karullapi kasharqanku; Moisestaj qayllaykorqa phuyu laqha kasharqa chay orqoman, maypichus Dios kasharqa chayman.

Éxodo 34:5

Señortaj chayman uraykamorqa phuyupi. Jinamanta payqa Señor sutinta oqharispa Moiseswan chaypi karqa,

Éxodo 4:31

Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

Éxodo 4:5

Chay kanqa uj señal, Señorqa qanman rikhurisusqanta, ñaupa tatasniykej Diosnin, Abrahampata, Isaacpata, Jacobpata ima.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Números 12:5

Señorqa uraykamorqa uj sankhu phuyupi, sayakorqataj Dioswan tinkukuna toldo punkupi. Chaymantataj Mariatawan Aarontawan wajyarqa, paykuna qayllaykojtinkutaj, Señorqa nerqa: Kay imatachus nisqayta uyariwaychej: Maypachachus qankuna ukhupi noqamanta uj sut'inchaj kajtenqa, noqa paykunaman parlani mosqoykunapi jina, mosqoykunapitaj.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

Marcos 9:7

Chay jinallaman phuyu rikhurimuspa paykunata llanthuykorqa. Diostaj phuyu ukhumanta nimorqa: Kaymin munasqa Chureyqa, payta uyariychej.

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Deuteronomio 4:10

Horeb orqopi Señor Diosniykichejpa ñaupaqempi kashajtiykichej, chaypacha Señor niwarqa: Israelitasta tantachipuway nisqasniyta uyarinankupaj, yachanankupajtaj imaynatachus noqamanta yuyarikunawankupaj sapa p'unchay tukuy kausayninkupi, jinallataj wawasninkumampis yachachinankupaj.

Deuteronomio 4:36

Payqa janaj pachamantapacha parlasqanta uyarichisorqachej yachachisunaykichejpaj. Kay jallp'a patapitaj atiyniyoj ninanta rikuchisorqachej. Nina chaupimantataj palabrasninta uyarinkichej.

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.