Éxodo 19:5 - Qheshwa Biblia DC

⁵ Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

DIOSPA QHELQACHISQAN DEUTEROCANONICAL

⁵ Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

DIOSPA QHELQACHISQ

⁵ Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Éxodo 19:5 Iomraidhean Croise

Génesis 17:9

Ujtawan Diosqa Abrahamman nillarqataj: Qan allinta waqaychanki tratoyta, jinallataj waqaychachunku wawasniyki, jinallataj wawasninkumanta wawasninkupis.

1 Reyes 8:53

Imaraykuchus qanqa paykunata ajllakorqanki chayaqeykipaj kay jallp'a patapi tukuy naciones ukhumanta, imaynatachus kamachiyki Moisesnejta nisqaykiman jina, maypachachus tatasniykuta Egiptomanta orqhomorqanki, Señor Diosníy, nispa.

1 Crónicas 17:22

Qanqa Israelta aylluykipaj wiñaypaj jap'erqanki, Señor Diosninkutaj kanki.

Job 41:11

Pitaj chimpanman, chantaqa mana imanasqa allintaj llojsinmanri? Kay mundontimpi ni pipis kanchu!

Job 41:3

Payqa nisunkimanchu paymanta khuyakunaykita, k'acha palabraswantaj imatapis allinta nisunanta?

Salmos 135:4

Pay Jacobta ajllakorqa, Israelta, qhapaj kapuynin kanampaj.

Salmos 24:1

Tukuy jallp'a Señorpata, tukuy ima chaypi kajpis; tukuy kay pachaqa paypata, tukuy ima chaypi kajkunapis.

Salmos 25:10

Khuyakuy, cheqantaj junt'a, Señorpa ñankunasnenqa, paywan trato ruwasqankuta kamachisqasnintawan, waqaychanku.

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Éxodo 23:22

Sichus cheqamanta paypa nisqasninta kasunki, ruwankitaj tukuy nisqasniyta chayqa, enemigosniykita jasut'isaj, llakichisajtaj qanta llakichisunki chaykunata.

Éxodo 24:7

Jinaspataj chay trato ruwasqan libro qelqasqanta runasman leerqa. Chaypachataj runasqa nerqanku: Noqaykoqa Señorpa palabrasninta, kamachisqasninta ima ruwasqayku, nispa.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Éxodo 8:22

Ajina kashajtintaj, Gosén jallp'apeqa mana kanqachu khanikoj ch'uspisqa, mayqempichus aylluy tiyakushan chaypi; ajinamanta yachanaykichejpaj noqa Señor kay jallp'a patapi kashasqayta.

Éxodo 9:29

Moisestaj nerqa: Kayqa kunitan kay llajtamanta llojsiytawan Señorman makisniyta oqharisaj mañakuspa, qhon qhonkunataj thañenqanku, granizopis manañataj kanqachu, yachanaykipaj kay jallp'a patapi Señorqa kasqanta.

TAKIYKUNA 8:12

Noqajta chay uvas chajraqa, chaytaj ñaupaqeypi kashan. Qampajqa Salomón waranqa kanqa, iskay pachajtaj qhawaspa poqochejkunapaj.

Isaías 1:19

Kasukuyta munankichej chayqa, sumaj jallp'aj poqoyninta mikhunkichej.

Isaías 41:8

Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 56:4

Señorqa ajinata nin: Chay kapasqa runas samakuna p'unchayta waqaychanku chayqa; sichus munakuyniyta junt'anku chayqa; sichus tratoyta ruwankupuni chayqa,

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Jeremías 13:11

Imaynatachus pipis chumpinta ñañu wasanman mat'iykukun, ajinallatataj ruwarqani Israel aylluywan, jinallataj Judá aylluywampis, noqaman sumaj ujchasqas kanankupaj, aylluytaj kanankupaj. Sutiymantataj yachachinankupaj, yupaychasqa, jatunchasqataj kanaypaj. Chaywampis, mana kasuwarqankuchu. Noqa Señormin chayta nini.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Levítico 20:24

Noqa niykichej dueños kanaykichejta chay runaspa llajtankumanta, noqa kikiy chay jallp'api qankunata mojonachisqaykichej, maypishus lechewan misk'iwan yaku jina corrishan chaypi. Noqamin Señor Diosniykichejqa kani. Tukuy llajtasmanta qankunata t'aqarqaykichej.

Amós 6:1

Ay, Siompi sumajta kausakojkunamanta! Ay, Samariapi k'achata kausakojkuna, chay llajtapi sumajta kamachejkuna, mayqenkunapichus israelitas atienekunku!

Malaquías 3:17

Tukuy Atiyniyoj Señorqa nin: Noqa wakichishani uj p'unchayta, mayqempichus paykuna watejmanta aylluy kanqanku. Imaynatachus uj tataqa payta sirvej wawanta khuyakun, ajinata noqapis paykunata khuyakusaj.

1 Corintios 10:26

Jallp'aqa Señorpata, jinallataj tukuy ima jallp'a patapi kajpis.

1 Corintios 10:28

Sichus pipis chaypi willasunkichejman: Kay aychaqa lantikunaman jaywasqa karqa nispa chayqa, ama mikhuychejchu chay willasqanrayku, chantá concienciaraykutaj; [imaraykuchus Señorpata jallp'aqa, tukuy ima junt'a kasqanwan].

Deuteronomio 10:14

Kunanqa yachanaykichej tiyan; janaj pachaqa janaj pachamanta aswan patapi kajkuna, kay pacha, chaypi imaschus kajkunasnintin, Señor Diosniykichejpata kashanku.

Deuteronomio 11:27

Benedicionqa kanqa kasojtiykichej Señor Diosniykichejpa kamachiykunasninta, kunan qosqaykichej chayta ima.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Deuteronomio 14:21

Wañupoj animalesta amapuni mikhunkichejchu, imaraykuchus qankunaqa Señor Diosniykichejpa ajllakusqan kankichej. Qankunaj llajtaykichejpi tiyakoj karu llajtayojkunaman chay aychasta qoyta atinkichej, paykunaqa atillanku mikhuyta. Atillankichejtaj vendeyta karumanta jamojkunaman. Ñuñushaj cabra uñastaqa ama mamampa lechempi chayachinkichejchu.

Deuteronomio 26:18

Señorpis kunanqa nillantaj, qankunalla paypa ayllun kasqaykichejta nisusqaykichejman jina, nisqasninta junt'anaykichejta.

Deuteronomio 26:19

Tukuy ruwasqan nacionesmanta qankunata aswan pataman churasonqachej, Pay yupaychasqa, rejsisqa, jatunchasqataj kanampaj. Ajinaqa qankunalla Señor Diosniykichejpa ajllasqa ayllun kankichej nisqanman jina.

Deuteronomio 28:1

Moisesqa nillarqataj: Sichus Señor Diosniykichejpa tukuy nisqasninta uyarispa junt'ankichej chayqa, pay tukuy nacionesmanta aswan pataman churasonqachej. Chay kamachiykunataqa kunan qoshaykichej.

Deuteronomio 28:9

Sichus kamachisqasninta sumajta waqaychankichej, ñannintataj allinta purinkichej chayqa, Señor Diosniykichej ajllasqa ayllunta jina tukuy imapi sumajta qhawasonqachej, nisusqaykichejman jina.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

Deuteronomio 5:2

Señor Diosninchej noqanchejwan Horeb orqopi uj tratota ruwarqa.

Deuteronomio 7:6

Qankunaqa Señor Diosniykichejpa t'aqasqa ayllun kankichej. Señorqa ajllasorqachej kay jallp'a patapi tukuy ayllun ukhumanta, qankuna Señorpa k'ata munasqa ayllun kanaykichejpaj.

Deuteronomio 9:29

Paykunaqa kanku qampa aylluyki, qampa chayaqeyki. Qanmin paykunata Egiptomanta orqhomorqanki jatun kayniykiwan, atiyniykiwantaj, nispa.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 11:8

Creesqanrayku Abrahampis wajyasqa kaspa, chayaqepaj jap'inan jallp'aman llojserqa, mana yachaspa maymanchus rishasqanta.

Josué 24:24

Israelitastaj Josueman nerqanku: Noqaykoqa Señor Diosniykoj kamachisqantapuni ruwasqayku, imatachus niwasqaykutataj ruwasqayku.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.