Éxodo 19:20 - Qheshwa Biblia DC

²⁰ Señorqa Sinaí orqoman uraykamorqa, kikin orqo puntaman. Moisestataj wajyarqa chayman wicharinanta, paytaj wicharerqa.

DIOSPA QHELQACHISQAN DEUTEROCANONICAL

²⁰ Chantá Tata Diosqa Sinaí orqo pataman urayk'amorqa. Jinaspataj Moisesta orqo pataman wicharinanpaj wajyarqa. Paytaj rerqa.

DIOSPA QHELQACHISQ

²⁰ Chantá Tata Diosqa Sinaí orqo pataman urayk'amorqa. Jinaspataj Moisesta orqo pataman wicharinanpaj wajyarqa. Paytaj rerqa.

Éxodo 19:20 Iomraidhean Croise

1 Reyes 19:11

Señortaj nerqa: Llojsimuy jawaman, chay orqopitaj Señorpa ñaupaqempi sayakuy. Señortaj pasarqa, uj jatun wayrataj qaqasta urmachimuspa wayrarqa Señorpa ñaupaqempi, Señortaj mana chay wayrapichu kasharqa; chay wayraj qhepampitaj uj jallp'a ikhakuy karqa, Señortaj mana chay jallp'a ikhakuypichu kasharqa.

Nehemías 9:13

Chaymantataj Sinaí orqoman uraykamorqanki, janaj pachamantataj paykunawan parlamorqanki. Cheqan kamachiykunastataj qorqanki, cheqan yachachiykunasta, leyesta, sumachaj kaj kamachiykunasta ima.

Salmos 81:7

Llakiyniykipi wajyawarqanki, noqataj librarqayki, qhon qhon phuyu ukhumanta kutichimorqayki. Meriba yaku chimpapi probarqayki.

Éxodo 19:11

Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta.

Éxodo 19:3

Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman:

Éxodo 24:15

Chayta paykunaman willaytawan Moisesqa orqoman wicharerqa, phuyutaj chay ratopacha chay orqota pakaykorqa.

Éxodo 24:18

Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.

Éxodo 34:2

Chayrayku kunanqa usqhayta wakichikuy q'ayapaj, tutamanta wicharinki Sinaí orqo puntaman, chay orqo puntapi noqaman qayllamuwanki.

Éxodo 34:4

Moisestaj ñaupajta jina ruwallarqataj uj palqayoj p'alta rumita. Q'ayantintaj chay rumita oqharikuspa tutamanta wicharerqa Sinaí jatun orqoman, imaynatachus Señor payman kamachisqanman jina.

Deuteronomio 33:2

Señorqa Sinaimanta jamorqa. Seirmantapacha k'anchamorqa. Parán orqomantapacha lliphipimorqa. Cades Meribamantapacha jamorqa. Pañampi nina ley kashan.

Deuteronomio 9:9

Chay orqoman wicharerqani Señormanta jap'imoj palqayoj p'alta rumipi qelqasqa kamachiykunata, qankunawan Señor tratota ruwarqa chaykunata. Chaypitaj chinkamorqani tawa chunka p'unchaykunata tawa chunka tutastawan mana t'antata mikhuspa, nitaj yakuta ujyaspa.