Éxodo 19:18 - Qheshwa Biblia DC

¹⁸ Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta.

DIOSPA QHELQACHISQAN DEUTEROCANONICAL

¹⁸ Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

DIOSPA QHELQACHISQ

¹⁸ Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Éxodo 19:18 Iomraidhean Croise

Génesis 11:5

Señortaj uraykamorqa chay llajtata qhawarej, chay torretawan runas ruwasqankuta.

Génesis 15:17

Allin laqhayaykuytataj rikhurerqa uj horno, mayta q'osñishaj. Uj nina k'anchaytaj chay rak'isqa uywaspa chaupinta kayman jaqayman puriykachasharqa.

Génesis 19:28

Chaymanta qhawarerqa Sodomata Gomorratawan, chay tukuynin valletawan. Rikorqataj chay tukuyninmanta manchay q'osñilla llojsimushajta hornomanta jina.

Nehemías 9:13

Chaymantataj Sinaí orqoman uraykamorqanki, janaj pachamantataj paykunawan parlamorqanki. Cheqan kamachiykunastataj qorqanki, cheqan yachachiykunasta, leyesta, sumachaj kaj kamachiykunasta ima.

Salmos 104:32

Señor qhawarejtin jallp'aqa kharkatin, llankharejtintaj orqosqa q'osñirinku.

Salmos 114:4

Orqosqa carnero jina phinkiykacharqanku. Lomasqa oveja uñas jina phinkiykacharqanku.

Salmos 114:7

Qan, jallp'a, kharkatiy, Jacobpa Diosnin Señorpa ñaupaqempi.

Salmos 144:5

Señor, janaj pachaykita qhataray, uraykamuytaj, tapaykuy q'osñirinankupaj.

Salmos 18:9

Janaj pachata kayllaykuchimorka, paytaj uraykamorqa, chakisnin urapitaj yana phuyus karqa.

Salmos 68:9

Diosníy qan sumaj sinch'ita parachimorqanki, ch'aki jallp'aykita sumaj jallp'aman tukuchinaykipaj.

Salmos 77:18

Qhon qhonkunasniyki sinch'i sonaj wayrapi uyarikun. Lliuj lliujkunastaj kay pachantinta lliphipirin, jallp'ataj ikhakuywan kharkatin.

Salmos 77:19

Mar qochapi ñanta kicharerqanki, ashkha yakustataj pasarqanki, nitaj pipis lastroykita tarerqachu.

Éxodo 19:13

Chay orqomanqa ni makillankutapis churaykonqankuchu, pichus ajinata ruwajqa rumiwan ch'anqaspa wañuchisqa kanqa, chayri flechawan, uywaspis kachun, chayri runaspis kachun. Chay orqomanqa wicharenqanku maypachachus pututu unayta waqamojtillan.

Éxodo 19:17

Moisestaj tukuyninkuta jarasninkumanta llojsicherqa Dioswan tinkumunankupaj. Jinamanta tukuynin israelitas orqo k'uchukamalla chimparqanku.

Éxodo 20:18

Tukuy israelitas uyarerqanku rikorqankutaj lliuj lliujkunata, qhon qhonkunata, pututoj waqamusqanta, chay tukuy punta orqopis q'osñorisqanta ima. Chayta rikuspa israelitasqa mayta mancharikorqanku, karunchakorqankutaj, chay orqoman mana chimpaspa.

Éxodo 24:17

Chay p'unchaypi Señorpa kusiy k'anchaynin israelitasman rikhurimorqa uj nina qanqey jina.

Éxodo 3:2

Chaypitaj Señorpa angelnin rikhurerqa uj zarza nisqa sach'api nina lauraj ukhupi. Moisesqa chay zarzapi nina larwashajta allinta qhawarerqa, nitaj chay zarzataqa q'olasharqachu.

Éxodo 34:2

Chayrayku kunanqa usqhayta wakichikuy q'ayapaj, tutamanta wicharinki Sinaí orqo puntaman, chay orqo puntapi noqaman qayllamuwanki.

Isaías 6:4

Chay jinata qhaparisqankuwan Diosta yupaychana wasej punkusnin kharkatiterqa, chay ukhumantaj q'osñi junt'aykorqa.

Isaías 64:1

Señor, sichus janaj pachata llik'ispa uraykamuwaj chayqa, qampa ñaupaqeykipi tukuy orqos kharkatinkuman.

Jeremías 4:24

Orqosta qhawarerqani, manchayta ikharikusharqanku, tukuy juch'uy lomasnimpis kharkatishallarqankutaj.

Habacuc 3:6

Jallp'aqa kharkatitin, Pay sayaykojtenqa, qhawajtimpis chay naciones kharkatitinku; chay ñaupa orqosnenqa urmaykunku; chay ñaupa orqospis pampachakunku; chaywampis, Diospa ñankunasnenqa wiñaypaj kanku.

Zacarías 14:5

Qankunarí ayqenkichej, chay orqos chaupipi kanqa chay vallenejta chayaspa chay uj ladopi kashan chay Azalkama. Ayqenkichej qankunapis ñaupa tatasniykichej, maypachachus rey Uzías Judapi kamachishajtin jallp'a ikhakuy kajtin, ayqerqanku ajinata. Chaypachamin jamonqa Señor Diosneyqa tukuy payta qhatejkunawan khuska.

San Mateo 24:7

Uj nación waj naciompa contranta oqharikonqa; uj reinopis waj reinoj contranta; jinallataj kanqa yarqhaykuna, onqoykuna, jallp'a kuyuykuna ima; kaynejpi, chaynejpi.

Deuteronomio 33:2

Señorqa Sinaimanta jamorqa. Seirmantapacha k'anchamorqa. Parán orqomantapacha lliphipimorqa. Cades Meribamantapacha jamorqa. Pañampi nina ley kashan.

Deuteronomio 4:36

Payqa janaj pachamantapacha parlasqanta uyarichisorqachej yachachisunaykichejpaj. Kay jallp'a patapitaj atiyniyoj ninanta rikuchisorqachej. Nina chaupimantataj palabrasninta uyarinkichej.

Deuteronomio 5:22

Kay palabrastaqa Señorqa nerqa orqopi jatunmanta nina chaupimanta, laqha phuyu ukhumanta, tukuyninku orqo k'uchupi tantasqa kashajtinku. Chaymantaqa manaña imatapis nerqachu; chay palabrastataj uj palqayoj p'alta rumipi qelqarqa, chaytataj noqaman jaywawarqa.

Deuteronomio 5:4

Señorqa orqopi nina chaupimanta uyapura parlapayamusorqachej.

2 Tesalonicenses 1:7

Qankunamantaj, pikunachus llakisqas kashankichej chaykunaman, noqaykumanwan khuska samarikuyta qosonqachej; janaj pachamanta Señor Jesús atiynimpi, angelesninwan rikhurimojtin.

2 Tesalonicenses 1:8

Payqa nina larwaywan rikhurimuspa, juchachanqa Diosta mana rejsejkunata, Señorninchej Jesucristoj evangeliontapis mana kasojkunata.

Hebreos 12:18

Qankunaqa, mana qayllarqankichejchu llankhay atina orqoman, nitaj nina larwaymampis, nitaj laqhayajmampis, nitaj tutayajmampis, nitaj sinch'i para wayramampis.

Hebreos 12:26

Chaypacha paypa qhapariynenqa jallp'ata kuyuricherqa. Kunanqa willamullantaj: Uj kutitawan kuyuchisaj, mana jallp'allatachu, manachayqa janaj pachatawan.

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

Apocalipsis 15:8

Templotaj q'osñiwan junt'aykorqa, Diospa k'anchayninrayku, atiyninraykutaj. Manataj pipis temploman yaykuyta atejchu, chay qanchis angelespa, qanchis jasut'iykuna jap'isqanku junt'aykunankama.

Apocalipsis 9:2

Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.

Jueces 5:5

Señor, ñaupaqeykipeqa, Israelpa Diosnin, ñaupaqeykipeqa, qharkaterqanku orqokuna, Sinaipis qharkaterqa.