Éxodo 19:10 - Qheshwa Biblia DC

¹⁰ Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku.

DIOSPA QHELQACHISQAN DEUTEROCANONICAL

¹⁰ Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

DIOSPA QHELQACHISQ

¹⁰ Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 19:10 Iomraidhean Croise

Génesis 35:2

Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

2 Samuel 19:24

Chantá Saulpa wawan Mefi-bosetpis llojsillarqataj reyta taripamunampaj. Rey llojsisqanmantapacha walejlla kutimpunankama, Mefi-bosetqa chaskisninta mana mayllakusqachu, nitaj sunkhasnintapis k'utukusqachu, nillataj p'achasnintapis t'ajsakusqachu.

2 Crónicas 29:34

Pisilla sacerdotes kasqankuraykutaj, q'olachinapaj kaj uywaspa qarasninta ch'uskiyta mana tukuchiyta aterqankuchu, chaynejta levitasqa hermanosninkuwan yanapachikoj kanku tukunankukama. Levitasqa llimphuchakunankupaj sacerdotesmanta nisqaqa aswan k'uchis karqanku.

2 Crónicas 29:5

Nerqataj: Levitas uyariwaychej: Kunan llimphuchakuychej, Señor Diosnimpa wasintapis llimphuchallaychejtaj, ñaupa tatasniykichejpa Señornimpaj t'aqasqa cheqamanta tukuy ch'ichi kajta wijch'uychej.

Job 1:5

Chay fiestasta tukojtinkutaj Jobqa wawasninta wajyaspa, tutamanta jatariytawan uj uywata ñak'aspa Señorpaj q'olacherqa, sapa ujninku juchasninkumanta llimphuchakunankupaj. Chayta Jobqa ruwajpuni, ichapis wawasniy chay fiestankupi sonqosninkupi Diospa contranta juchallikunku, nispa.

Levítico 11:25

Pillapis chay wañusqa animalesta oqharejqa p'achasninta t'ajsakonqa, ch'isiyaykuykama ch'ichipaj qhawasqa kanqa.

Levítico 15:5

Pillapis chay runaj puñunanta llankhanman chayqa, chay llankhaj runaqa p'achasninta t'ajsakunan tiyan, paypis yakuwan mayllakunan tiyan. Ch'isiyaykama mana llimphupajchu qhawasqa kanqa.

Números 11:18

Chantaqa nillaytaj q'ayapaj runas llimphuchakunankuta, aychatataj mikhonqanku. Noqa paykunata waqashajta uyarini, nishajtataj: Mana aycha kanchu mikhunanchejpaj! Kaymanta nisqaqa allinta Egiptopi kakusharqanchej! Chayrayku kunanqa noqa qosaj aychata mikhunankupaj.

Números 19:19

Chaytaqa ch'ajchumonqa pichus llimphupaj qhawasqa kajlla, ujta kinsa kaj diapi, ujtataj qanchis kaj diapiwan. Chay qanchis kaj diapi ch'ajchuchikoj runataj, kutimuspa p'achasninta t'ajsakonqa, jinallataj ukhuntapis pay kikin mayllakonqa; jinamanta ch'isimpaj llimphupaj qhawasqa kanqa.

Números 31:24

Qanchis kaj p'unchaypi p'achasniykichejta t'ajsakunkichej, ajinamanta llimphupaj qhawasqas kankichej. Chaymantaraj jaramanta yaykunkichej.

Números 8:21

Levitasqa llimphuchakorqanku, p'achasninkutapis t'ajsakorqanku. Jinamanta Aaronqa Señorman paykunata jaywarqa, sumaj rikuchikuta jina. Ajinamanta Aaronqa paykunamanta uj rikuchikuta jina ruwarqa, paykunata llimphuchaspa.

Números 8:7

Llimphuchakushajtenqa kay jinata llimphuchachinki. Llimphuchaj yakuwan paykunaman chhallunki. Chaymantataj paykuna tukuy ukhunkumanta pelosta k'utukonqanku, p'achasninkutataj t'ajsakuchunku; ajinamanta paykunaqa llimphupaj qhawasqas kanqanku.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

Josué 3:5

Josuetaj israelitasman nerqa: Llimphuchakuychej, imaraykuchus q'aya rikunkichej, Señor milagrosta ruwashajta.

Josué 7:13

Sayarispa israelitasta tantachimuy, llimphuchachimuytaj. Niy, q'aya ñaupaqeyman chimpamunankupaj wakichikunankuta; imaraykuchus noqa Señor, Israelpa Diosnin ajinata nini: Qankuna israelitas imachus phirikunan kajta mana phirichinkichejchu. Manachus tukuyninta phirinkichej, manatajchus qanmanta jawaman wijch'unki chayqa, manapuni enemigosniykichejta atipayta atinkichejchu.

Apocalipsis 22:14

Kusikuyniyojmin kanku p'achasninkuta t'ajsajkunaqa. Paykunaqa kausay sach'amanta jap'inankupuni tiyan kausayta, punkusnejtataj llajtaman yaykonqanku.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

1 Samuel 16:5

Samueltaj kuticherqa: Arí, nispa. Jamushani Señorman uj rikuchikuta jaywaj. Llimphuchakuychej, noqawan khuskataj Señorman jamuychej rikuchikuta jaywaj. Chaymantataj Samuelqa Isaita wawasnintawan llimphucharqa, wajyarqataj Señorpa rikuchikunman.