Éxodo 18:7 - Qheshwa Biblia DC

⁷ Moisestaj jaramanta llojserqa suegron Jetrota taripaj. Ñaupaqenman k'umuykuspa much'aykorqa. Chaymantataj jaranman pusaykorqa.

DIOSPA QHELQACHISQAN DEUTEROCANONICAL

⁷ Chantá Moisesqa suegron Jetrota taripaj llojserqa. Ñawpaqenpi k'umuykuspataj, much'aykorqa. Chaymantataj, imaynachus kashasqankuta tapunakuytawan, Moisés suegron Jetrota toldonman pusaykorqa.

DIOSPA QHELQACHISQ

⁷ Chantá Moisesqa suegron Jetrota taripaj llojserqa. Ñawpaqenpi k'umuykuspataj, much'aykorqa. Chaymantataj, imaynachus kashasqankuta tapunakuytawan, Moisés suegron Jetrota toldonman pusaykorqa.

Éxodo 18:7 Iomraidhean Croise

Génesis 14:17

Abram maqanakusqanmanta, Quedorlaomerta, jinallataj paywan khuska reyestapis atipaspa kutimushajtin, Sodoma rey taripaj rerqa Save valleman, mayqenchus reypa vallen, nisqa chayman.

Génesis 18:2

Abrahamqa qhawarispa rikorqa kinsa qharista ñaupaqempi sayashajta. Sayaykuspataj qayllaykorqa usqhay usqhayta, jinaspataj qonqoriykukorqa umanta pampaman chayachinankama, nerqataj: Wiraqochíy, kamachiykita waturikuwanki, yaykurimuy ari.

Génesis 19:1

Ña chharpuykushajtinña iskaynin ángeles Sodomaman chayarqanku. Lotqa Sodoma llajtaman yaykuy punkupi tiyakusharqa, maypichus runa tantakojpuni chaypi. Paykunata rikuytawantaj sayarikorqa; ñaupaqenkumantaj qonqoriykukorqa pampaman umanta chayachinankama, nispa: Wiraqochisníy, kunan ch'iseqa wasiypipuni qheparikuychej ari, kamachiykichejpa wasimpi; chakisniykichejtapis mayllarikullankichej, q'ayataj tutamanta ripullankichej. Paykunataj nerqanku: Mana, imaynatapis jawapi kallasqayku.

Génesis 29:13

Labantaj Jacobmanta parlajta uyariytawan, panampa wawan kasqanta yachaytawan, usqhay usqhayta kachaykukorqa taripaj. Taripaytawantaj ujllaykuspa much'aykorqa, jinaspataj wasinman pusarqa. Chaypi Jacobqa willarqa tukuy ima kausayninkupi kasqanmanta.

Génesis 31:28

Mana saqewankichu wawasniyta, allchhisniyta much'aykurejllatapis. Loco jina kaytaqa ruwanki.

Génesis 43:26

José chayamojtintaj qonqoriykukuspa, pampakama umankuta chayachispa paykunaqa chapara apasqankuta jaywarqanku.

Génesis 45:15

Chaymantataj Joseqa sapa uj wauqesnintañataj waqarikuspa, waqarikuspa ujllaykuytawan much'aykuspataj waqarikorqa. Chaymantaña wauqesnenqa ñak'ayta parlapayarqanku.

2 Samuel 11:7

Uriasqa Davidpaman rerqa, paytaj taporqa, Joab jinataj soldadospis imaynachus kashasqankumanta, maqanaku imaynachus rishasqantapis tapullarqataj.

1 Reyes 2:19

Betsabetaj jamorqa rey Salomompaman Adoniaspaj parlapayapoj. Reyqa jatarikorqa mamanta taripaj, chimpaspataj payman k'umuykorqa. Chantaqa watejmanta tronoman tiyaykukorqa, mamampajtaj uj jatun tiyanata churachiporqa, mamantaj paña ladompi tiyaykukorqa.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

Éxodo 18:6

Moisesmantaj nerqa: Noqa suegroyki Jetro jamuyki qanta waturikoj warmiykita, iskaynin wawasniykitawan pusarikuspa.

Éxodo 33:7

Moisesqa toldo wasita oqharispa aparqa jaramanta karunejman, chaypi suticharqa Dioswan tinkukuna toldota. Pillapis Señorta mask'ajqa jaramanta llojsispa rej kanku Dioswan tinkukuna toldoman, mayqenchus jaramanta karunejpi kasharqa.

Éxodo 4:27

Chaymantataj Señorqa Aaronman parlarqa: Riy ch'in pampaman Moisesta taripaj, nispa. Paytaj kachaykukuspa Moisesta taripamorqa Diospa orqon nisqa chaypi, napaykuspataj wauqenta much'aykorqa.

Números 22:36

Balactaj Balaam jamushasqanta yachaytawan, taripaj llojserqa, Arnón mayu chimpapi Moab llajtaman, chayqa chay jallp'aj tinkuyninña karqa.

San Lucas 7:45

Mana much'awarqankichu; payrí yaykumuytawan chakisniyta much'aspa mana sayk'unchu.

Hechos 20:37

Tukuyninkutaj mayta waqarqanku, Pablota ojllaykuspataj much'aykorqanku.

Hechos 28:15

Romapi hermanostaj chayanaykumanta yachaspa, ñanman taripaj llojsimorqanku Apio Forokama, wakintaj kinsa Tabernas nisqaman. Pablotaj hermanosta rikuspa Diosman graciasta qorqa, kusiywantaj astawan kallpachakorqa.

Jueces 11:34

Maypachachus Jefté Mizpapi wasinman kutiporqa chaypacha uj k'ata warmi wawan karqa chay llojsimorqa taripamoj pandereta tocana jap'irisqa phinkiykacharispa. Pay k'atalla wawanqa karqa.

1 Samuel 17:18

Apallaytaj kay chunka quesosta waranqa soldadosta kamachishan chaypaj. Yachamuytaj imaynachus wauqesniyki kashasqankuta. Apamuwankitaj imallankutapis allillan kashasqankuta yachanaypaj.

1 Samuel 17:22

Davidqa chay apasqan q'episninta saqerqa, pichus armasta mikhuykunastapis qhawaj chay runaman. Usqhayta rispataj maqanakoj soldados ukhuman yaykuykorqa, tapunampaj imaynachus wauqesnin kashasqankuta.