Éxodo 18:21 - Qheshwa Biblia DC

²¹ Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

DIOSPA QHELQACHISQAN DEUTEROCANONICAL

²¹ Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

DIOSPA QHELQACHISQ

²¹ Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Éxodo 18:21 Iomraidhean Croise

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

Génesis 42:18

Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj.

Génesis 47:6

Egipto jallp'aqa qampa nisqaykipi. Qan qoy paykunaman Egiptopi sumajnin kaj Gosén jallp'ata, paykuna chaypi tiyakunankupaj. Sichus mayqen sumajta uywasta michiyta yachanku chayqa, churay ovejasniyta michipunawampaj.

2 Samuel 18:1

Davidtaj taukuy paywan kajkuna soldadosninta waturerqa, t'aqararqataj waranqasman, pachajkunaman jinataj, sapa t'aqamantaj kamachejkunata churarqa.

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

1 Reyes 18:12

Noqa ripojtiytaj, Señorpa Espíritun wajnejman mana yachasqayman apasonqa. Noqa rispa Acabman willamojtiy, qanta mana taripasuspataj payqa wañuchiwanqa ari. Kay kamachiykeqa Señorta manchachikun juch'uyninmantapacha.

1 Reyes 18:3

Acabtaj Abdías mayordomonta wajyarqa. Abdiasqa maytapuni Señorta tukuy sonqonwan yupaychaj.

Esdras 7:25

Qantaj Esdras, Diosniyki yachayta qosunki chayman jinaqa, juecesta churay, kamachejkunatawan, Eufrates mayoj chimpampi kaj tukuy runasta cheqanchanankupaj, Diosniykej leyninta yachanku chaykunata. Manaraj yachankuchu chaykunamantaj yachachiy.

Nehemías 5:9

Noqataj chaypi nerqani: Imatachus ruwashankichej chayqa mana walejchu kashan. Qankunaqa Diosninchejta manchachikunaykichej karqa. Ajinamanta chay enemigosninchej Diosta mana manchachikojkuna ama asipayanawanchejpaj.

Nehemías 7:2

Chaymantataj hermanoy Hananita Jerusalempi kamachinampaj churarqani. Hananiastapis Jerusalempa pakakuna sinch'ichaspa wasinta qhawanampaj churarqani. Hananiasqa k'acha runa karqa waj runasmanta nisqaqa, Diostaqa astawan manchachikoj.

Job 1:1

Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

Job 29:16

Pisichikojkunaj tatanku karqani, karu llajtayojkunaj jark'ajnin karqani.

Job 31:13

Maypachachus kamachisniy imatapis mañakuwaj kanku chaypacha, paykunata uyarejpuni kani.

Salmos 15:1

Señor, pitaj wasiykipi tiyakonqa? Pitaj Santo orqoykipi tiyakonqa?

Salmos 15:5

Pichus qolqenta manun mana interesniyojta. Pichus mana rantichikunchu pillawampis, llimphu sonqoyoj contrampi. Jinata ruwaj runaqa ni jayk'aj urmanqachu.

Éxodo 17:9

Moisestaj Josueman nerqa: Wakin qharista ajllay, chaykunawan rispa amalecitaswan maqanakamuychej. Noqataj q'aya jatun orqo puntapi kamusaj, Diospa qowasqan tojnuta makiypi jap'irisqa.

Éxodo 18:25

Moisesqa israelitas ukhumanta sumaj yuyayniyojkunata ajllarqa, jinaspataj paykunata churararqa kurajkuna jina kamachinankupaj; wakenqa waranqa runasta, wakenqa pachajta, wakintaj phishqa chunkata, wakintaj chunka runaspaj.

Proverbios 28:2

Uj nación mana allinta purejtenqa, kamachejkunaqa yapakunku; sumajta kamachej runarí unayta allimpi kausachin.

Eclesiastés 12:13

Kay tukuy imasta uyarisqaykimantaqa kayta ruwan: Diosta munakuy, kamachisqasnenqa waqaychay. Kay imasllata runaqa astawan ruwanan tiyan.

Isaías 16:5

Chaypacha khuyakuywan kamachina tiyanata sayachenqa, chaypitaj Davidpa mirayninmanta uj rey tiyaykonqa. Payqa tukuy sonqowan cheqanchanqa, cheqan kajtataj sayachenqa, maychus kajtataj usqhayta ruwanqa.

Isaías 33:15

Pichus cheqanta ruwaspa purin, cheqantataj parlan, qhasimanta qolqe jap'inata chejnikun, mana qolqewan lluk'iykuchikuspa rantichikunchu, runata wañuchimuna nejtinkupis ningrinta wisq'aykun, sajra imastapis rikushaspa mana rikojman tukun.

Isaías 59:4

Mana pipis cheqan kajta munajqa kanchu, mana pipis cheqanta cheqanchajqa kanchu. Mana allin kajllaman atienekunku, manakaj imasllata parlankupis. Sajra imasllatapuni yuyanku, juchatataj wachanku.

Jeremías 5:1

Señorqa nin: Jerusalempa callesninta allinta qhawaspa muyuykachaychej, plazasnejta mask'aychej, ichachus pillatapis tarinkichej cheqan kajta ruwajta, tukuy ruwasqampi mana llullakojta. Pillatapis tarinkichej chayqa, Jerusalén llajtata qhespichisaj.

Ezequiel 18:8

Mañarispaqa mana qolqen mirayniyoj kanampajchu qon, nitaj kurajtachu orqhon, mana cheqa kaj ruwaymanta t'aqakun, astawampis cheqa kajwampuni runa masisninta cheqanchan.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Zacarías 8:16

Kayta qankunaqa ruwanallaykichejpuni kanqa: Amapuni llullataqa parlaychejchu ujkuna ujkunawan. Sumaj cheqa kajpi juzgaychej, allin kaypi ujkuna ujkunawan justicia wasi punkutapis pasaychej.

Números 1:16

Kaykuna karqanku israelitasta ajllasqasninku sapa ayllumanta kurajkuna, kamachinankupaj ayllusninkupi.

Números 1:4

Yanapachikuychejtaj sapa ayllumanta uj qhariwan, mayqenchus ayllupi kamachin chaywan.

Números 10:4

Maypachachus uj cornetalla waqanqa chayqa, tukuy kurajkunalla sapa ayllumanta ñaupaqeykiman tantakamonqanku.

San Lucas 18:2

Nerqataj: Uj llajtapi karqa uj juez. Payqa Diosta mana manchachikojchu, nitaj pitapis kasuta ruwajchu.

San Lucas 18:4

Jueztaj unayta mana uyariyta munarqachu. Chaymantaña yuyarikuspa nerqa: Diostaqa mana manchachikunichu, nitaj pitapis kasuta ruwanichu.

Hechos 20:33

Mana pejpa qolqenta, qorinta, nitaj p'achanta munapayarqanichu.

Hechos 6:3

Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

Deuteronomio 22:18

Chaymantataj, kurajkunaqa chay qharita presochaspa jasut'enqanku.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

Josué 22:14

Paywantaj rerqanku chunka israelitaspa kurajkunasninku sapa uj ayllumanta ujkama.

1 Samuel 8:12

Wakintaqa churanqa waranqa soldadosta kamachinampaj, wakintataj phishqa chunka soldadosta kamachinampaj. Wakintaqa jallp'asta llank'anaykichejpaj churasonqachej, chanta cosechasninta oqharinaykichejpaj, jinallataj armasta ruwanaykichejpaj, maqanakupaj carretasnimpipis armasta ruwachisonqachej.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.