Éxodo 18:20 - Qheshwa Biblia DC

²⁰ Yachachiy paykunaman Diospa kamachisqasninta yachachisqasnintawan, qan rikuchiy imaynatachus purinankuta, imastatajchus ruwanankutapis.

DIOSPA QHELQACHISQAN DEUTEROCANONICAL

²⁰ Diospa kamachisqanta, yachachisqantawan paykunaman yachachiy. Jinallataj imaynatachus kawsanankuta, chantá imatachus ruwanankutapis yachachillaytaj.

DIOSPA QHELQACHISQ

²⁰ Diospa kamachisqanta, yachachisqantawan paykunaman yachachiy. Jinallataj imaynatachus kawsanankuta, chantá imatachus ruwanankutapis yachachillaytaj.

Éxodo 18:20 Iomraidhean Croise

Deuteronomio 5:1

Moisesqa tukuy israelitasta tantachispa nerqa: Israelitas, uyariychej, kamachiykunasta, imastachus ruwana kasqanta, chaykunamanta kunan willasqaykichej. Allinta yachaychej, waqaychaychejtaj chaykunaman jina imatapis allinta ruwaspa.

Salmos 143:8

Tutamanta munakuyniykimanta yachachiway, imaraykuchus qampi atienekuyki; kausanayta yachachiway, imaraykuchus tukuy sonqoywan qanllaman chimpamuyki.

Deuteronomio 1:18

Chaypacha allinta willarqaykichej, imaynatachus qankuna imatapis ruwanaykichejta.

Salmos 32:8

Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

Deuteronomio 4:5

Noqa yachacherqaykichej Señorpa kamachisqasninta, imatachus nisqasninta. Chaykunata Señor Diosniy kamachiwarqa qankunaman yachachinayta, qankuna chaykunata ruwanaykichejpaj, mayqen jallp'atachus jap'ikapunkichej chaypi.

Deuteronomio 4:1

Kunanqa, israelitas, sumajta uyariychej kamachiykunasta, chayman jina ruwanaykichejpaj. Jinamanta allinta kausakunaykichejpaj, ima jallp'apichus Señor, ñaupa tatasniykichejpa Diosnin qosonqachej, chaypi.

Miqueas 4:2

May chhika llajtastaj jamonqanku nispa: Jamuychej, Señorpa orqonman wicharinachej, Jacobpa Diosnimpa chay yupaychana wasinman, Pay ñankunasninta rikuchinawanchejpaj, purinanchejpajtaj chay ñankunasninta, imaraykuchus Sionmanta llojsimonqa Señorpa yachachiykunasnenqa, kamachiykunasnintaj Jerusalenmanta.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Isaías 30:21

Chantaqa wasaykipi kay palabrasta nishajta uyarinki: Kaymin cheqan ñanqa; chayninta riy, ama pantaychu pañaman, nitaj lloq'emampis.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

Deuteronomio 7:11

Waqaychaychej ari kamachiykunasniyta, leyesniyta, imatachus nisqasniyta ima kay p'unchaypi qankunaman, junt'anaykichejpaj chayta qoykichej.

Marcos 13:34

Kayqa karu llajtaman ripojman rijch'akun. Wasinta saqespa atiyta qorqa sapa uj kamachisninman. Punku qhawajtapis nerqa allinta qhawananta.

Deuteronomio 5:27

Qanqa qayllay uyariytaj Señor Diosninchej imatachus nisonqa chayta. Qanrí willawasqayku, noqaykutaj allinta ruwasqayku niwasqaykuman jina.