Éxodo 18:19 - Qheshwa Biblia DC

¹⁹ Uyariway Moisés, noqaqa kay jinata yuyaychaykiman, Diostaj chay ruwayta yanapasuchun. Qanqa Diosmampuni qayllay runaspa cuentanmanta; imaschus mana allinchu kashan runas ukhupi chaykunatapis Diosman willay.

DIOSPA QHELQACHISQAN DEUTEROCANONICAL

¹⁹ Uyariway Moisés, noqaqa kay jinata yuyaychaykiman, Diostaj ruwayta yanapasuchun. Paykunaj sutinpi qan Diosman qayllay, paykuna ukhupi imachus mana allinchu kashan, chaykunata Diosman rejsichinaykipaj.

DIOSPA QHELQACHISQ

¹⁹ Uyariway Moisés, noqaqa kay jinata yuyaychaykiman, Diostaj ruwayta yanapasuchun. Paykunaj sutinpi qan Diosman qayllay, paykuna ukhupi imachus mana allinchu kashan, chaykunata Diosman rejsichinaykipaj.

Éxodo 18:19 Iomraidhean Croise

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

2 Samuel 14:17

Kay kamachiyki warmeqa suyashan qan, reyníy, imatachus ninaykita, sonqon tiyaykunampaj. Qan, reyneyqa, yachanki imachus allin, imachus mana allin kasqantapis, Diospa angelnin jina. Señor Dios qan reyniywan qhepakuchun!

Éxodo 18:15

Moisestaj payman nerqa: Runasqa jamuwanku Diosmanta tapukunawankupaj. Imaschus paykuna ukhupi kajtimpis noqaman jamuwanku noqa imatapis ninaypaj, mayqenchus juchayoj, chayri mana juchayojpis kasqankuta, chantapis noqa yachani Dios imatachus kamachisqanta, yachachisqasninta ima.

Éxodo 18:20

Yachachiy paykunaman Diospa kamachisqasninta yachachisqasnintawan, qan rikuchiy imaynatachus purinankuta, imastatajchus ruwanankutapis.

Éxodo 18:24

Moisesqa suegrompa nisqanta kasorqa, imastachus nisqasninta kikinta ruwarqa.

Éxodo 20:19

Chayrayku Moisesman nerqanku: Qanlla parlawayku, noqaykutaj kasusqayku imatachus niwasqaykuta. Diosqa ama noqaykuwanqa parlachunchu ari, pay parlapayawasqayku chayqa wañurasqayku.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Éxodo 4:12

Chayrayku kunanqa riy, noqa simiykinejta parlasaj, yachachisqaykitaj imatachus parlanaykita.

Éxodo 4:16

Qan parlanki, Aaronman noqapis parlashayman jina, paytaj runasman parlanqa qampis parlashawaj jina, imatachus parlanayki kashan chayta.

Proverbios 9:9

Yachayniyojman yachachiy, aswan yachayniyojtaj kanqa; allin runaman yachachisqaqa astawan yachachiyta yapanqa.

Números 27:5

Moisesqa Señorman willarqa chay warmispa mañakusqankuta.

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.

Deuteronomio 5:5

Chaypacha noqaqa chaupipi qankunawan Dioswan tinkuypi sayasharqani. Jinamanta Señorpa palabrasninta qankunaman willanaypaj, imaraykuchus qankunaqa ninata manchachikuspa chay orqoman mana wichariyta munarqankichejchu. Chaypacha Señorqa nerqa: Noqamin kani Señorqa, Diosniykitaj. Noqa Egiptomanta orqhomorqayki, maypichus wata runa kasharqanki chaymanta.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.