Éxodo 18:12 - Qheshwa Biblia DC

¹² Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

DIOSPA QHELQACHISQAN DEUTEROCANONICAL

¹² Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

DIOSPA QHELQACHISQ

¹² Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 18:12 Iomraidhean Croise

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 26:25

Isaacqa jaqaypi uj altarta ruwarqa, chaypi mañakunampaj Señorpa sutimpi. Chaynejpi jarakuspa toldota sayachikorqa, kamachisnimpis uj yaku pujyuta allachillarqataj.

Génesis 26:30

Chaymanta Isaacqa sumaj mikhuykunata wayk'ucherqa, jinaspata mikhorqanku, ujyarqankutaj.

Génesis 31:54

Chaymantaqa Jacob uj rikuchikuta Diosman qorqa chay orqopi, jinaspataj tukuy ayllusninta wajyarqa mikhunankupaj. Ajinata tukuyninku mikhorqanku, chay orqopitaj karqanku sut'iyanankama.

Génesis 4:4

Abelpis apallarqataj Señorman jaywanata ovejasninmanta uj sumajnin kajta, kuraj kaj uñasmanta. Señortaj may kusisqa Abelta qhawarerqa, jinallatataj oveja apasqan jaywanantapis.

Génesis 43:25

Paykunataj chapara apasqasninkuta wakicherqanku khuskan diata José chayamojtin jaywanankupaj; paykuna yacharqanku chaypi paykunawan mikhunanta.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

2 Samuel 9:7

Davidtaj nerqa: Ama manchachikuychu, noqaqa cheqamanta khuyasqayki, Jonatanta munakusqayrayku. Jatun tataykej Saulpa jallp'asninta kutichipunasunkuta kamachisaj, qantaj noqawampuni mesaypi mikhunki.

2 Crónicas 30:22

Ezequíastaj tukuynin levitasman allinta parlaykorqa kusiyninta rikuchispa ajinata Señorta yupaychasqankumanta. Qanchis p'unchay junt'ata mikhorqanku chay jatun fiestapi ñak'asqa uywasta aywasqankumanta, allinyakunapaj uywasta ñak'aspa, ñaupa tatasninkoj Señor Diosninkuta yupaychaspataj.

Job 1:5

Chay fiestasta tukojtinkutaj Jobqa wawasninta wajyaspa, tutamanta jatariytawan uj uywata ñak'aspa Señorpaj q'olacherqa, sapa ujninku juchasninkumanta llimphuchakunankupaj. Chayta Jobqa ruwajpuni, ichapis wawasniy chay fiestankupi sonqosninkupi Diospa contranta juchallikunku, nispa.

Job 42:11

Chaymantataj jamorqanku watukoj tukuy wauqesnin, panasnin kausaqesnin, ñaupajta tukuy kausaqesnin kajkunapiwan. Chay watukoj jamuspataj mayta kusikorqanku, jatuchaj mikhuykunata wayk'uspataj wasimpi mikhorqanku. Chaypi paykunaqa mayta llakiporqanku, sonqocharqankutaj, tukuy imasta Señorqa ñak'arichisqanmanta; jinaytawantaj paykuna sapa ujninku qolqesta qorqanku, uj qori sortijatawan.

Job 42:8

Kunanqa qanchis torosta, qanchis carnerostawan qhatirikuspa kamachiy Jobman riychej; chaypitaj q'olachispa jaywamuychej chay jinata parlasqaykichejmanta. Kamachiy Jobqa chaypi qankunapaj Señormanta mañapusonqachej, noqataj chay mañapusqasuykichejta uyarisaj, jinamanta mana jasut'isqaykichejchu; chaywampis qankunaqa jasut'isqapuni kanaykichej karqa, imaynatachus noqamanta mana cheqantachu parlasqaykichejrayku, imaynatachus kamachiy Job ruwarqa jinataqa.

Éxodo 18:13

Q'ayantintaj Moisesqa tiyaykukorqa tukuy ima quejasta cheqanchanampaj; israelita runasqa quejasninkuwan yaykoj llojsej kanku paqerinmanta ch'isiyanankama.

Éxodo 2:16

Chaypi tiyasqa kashajtintaj Madianmanta Reuel sacerdotej qanchis warmi wawasnin jamorqanku yakuta orqhospa bateaman junt'achinankupaj, tatankoj ovejasninman ujyachinankupaj.

Éxodo 2:20

Reuelqa wawasninman nerqa: Maypi kashan kunan chay runari? Imapajtaj sapanta saqerparinkichejri? Rispa wajyamuychej imallatapis mikhunampaj.

Éxodo 20:24

T'urumanta altarta ruwapuwankichej, chay patapi ruphachina rikuchikusta jaywawankichej, allinyanakuy ofrendata, wakasta, ovejasta ima apamuwasqaykichejta. Maypichari kay jinasta ruwaspa sutiymanta yuyarikunkichej chayqa, chayman jamuspa bendicisqaykichej.

Éxodo 24:11

Chay ajllasqa israelitastaqa Diosqa mana imanarqachu, paykunaqa tukuy sonqo Diosta rikorqanku, chantaqa mikhorqanku, ujyarqankutaj.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Éxodo 3:1

Moisesqa Jetro suegrompa ovejasninta michimoj. Jetroqa Madiampi sacerdote karqa. Uj p'unchayqa ovejasta qhatisqa ch'in pampasnejta Diospa jatun orqon Horeb nisqaman chayanankama.

Éxodo 33:7

Moisesqa toldo wasita oqharispa aparqa jaramanta karunejman, chaypi suticharqa Dioswan tinkukuna toldota. Pillapis Señorta mask'ajqa jaramanta llojsispa rej kanku Dioswan tinkukuna toldoman, mayqenchus jaramanta karunejpi kasharqa.

Daniel (hebreo) 10:3

Allin kaj mikhuytapis mana mikhorqanichu, mana aychata llamerqanichu, nitaj vinotapis. Nillataj q'apaj jawinawampis churakorqanichu, chay kinsa semanas tukukunankama.

Números 10:29

Uj kuti Moisesqa warmimpa turan Hobabta wajyacherqa. Hobabqa madianita Reulpa wawan Moisespata suegron karqa. Paymantaj nerqa: Noqayku rishayku Señor qosqayki niwayku chay jallp'aman. Qampis noqaykuwan jaku ari, imatapis allinta ruwapuwasqayku, imaraykuchus Señorqa niwayku, israelitasta sumaj khuyakuyninwan pusanawaykuta.

San Lucas 14:1

Samakuna p'unchaypi Jesús mikhoj yaykorqa uj kamachej fariseojman, wakin fariseostaj wateqasharqanku.

San Lucas 14:15

Kayta uyarispa mesaman tiyaykojkunamanta ujnin kaj nerqa Jesusman: Kusikuyniyoj kanqa Diospa reinompi mikhojqa.

1 Corintios 10:18

Qhawariychej Israel aylluta aychaman jina kausasqanta: Uywa wañuchisqasmanta mikhojkunaqa, manachu altarmanta jap'ishanku?

1 Corintios 10:21

Mana atiwajchejchu Señorpa copanmanta ujyayta, supaypa copanmantapis. Manataj atiwajchejchu Señorpa mesanmanta mikhuyta, supaykunaj mesanmantapis.

1 Corintios 10:31

Kunanqa mikhuspapis, ujyaspapis, imata ruwaspapis tukuy imata ruwaychej Diospa kusikuynimpaj.

Deuteronomio 12:7

Chaypi chay rikuchikusta Señor Diosniykichejpa ñaupaqempi mikhunkichej, tukuy familiasniykichejwan khuska kusikuspa, tukuy ruwasqaykichejta qhawarispa, imaynatachus Señor Diosniykichej bendicionninwan poqochin, chayta.

Deuteronomio 27:7

Chanta jaywallankichejtaj allinyakuy rikuchikusta. Chaypitaj Señor Diosniykichejpa ñaupaqempi mikhunkichej, kusikunkichejtaj.