Éxodo 15:26 - Qheshwa Biblia DC

²⁶ Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

DIOSPA QHELQACHISQAN DEUTEROCANONICAL

²⁶ Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

DIOSPA QHELQACHISQ

²⁶ Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 15:26 Iomraidhean Croise

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

1 Reyes 11:38

Sichus uyariwanki kay tukuy kamachisusqayta, ñankunasniypitaj puriwaj, noqaj ñaupaqeypi, cheqanta ruwaspa, waqaychaspa kamachisqasniyta, nisqasniytawan, kamachiy David ruwarqa jinata chayqa, qanwan noqa kasaj, wasiykitapis sumajta sayachisaj, imaynatachus Davidpajpis ruwarqani jinata, Israeltataj qanman qosqayki.

2 Reyes 2:21

Llojsispataj payqa yaku juturisman kachita jich'aykamorqa, nerqataj: Señorqa ajinata nin: Kay yakustaqa noqa llimphuchani, manañataj, nitaj onqoypis chaypi kanqañachu, nispa.

2 Reyes 22:2

Paytaj Señorpa ñaupaqempi cheqanta ruwarqa, ñaupa tatan Davidpa ñankunasnimpi purispa, nitaj lloq'eman, nitaj pañaman t'aqakuspa.

Job 5:18

Sichus pay nanaykuchin chayqa, payllataj thañichenqa. Sichus pay maqaykun chayqa, payllataj jampiykaponqa.

Salmos 103:3

Paypuni tukuy sajra ruwasqasninmanta perdonawan, onqoypipis pay thañichiwan.

Salmos 147:3

Payqa sonqo p'akisqasta thañichin. Nanasqasnintataj jampin.

Salmos 81:9

Ama waj dioskunayojqa kaychejchu. Ama waj dioskunataqa yupaychaychejchu.

Éxodo 12:29

Khuskan tutata Señorqa Egiptopi wañuracherqa sapa wasipi egipciospa kuraj wawasninkuta, tronopi tiyasharqa chay faraompa kuraj wawanta, presochasqa runa carcelpi kasharqa chaynintimpata, jinallataj tukuy uywasninkoj phiwi uñasnintapis.

Éxodo 19:5

Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

Éxodo 19:6

Tukuy qankunaqa kapuwankichej uj sumaj llimphuchasqa sacerdote aylluy. Kaykunata qan israelitasman willamuy.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 23:25

Señor Diosniykita yupaychanki. Pay bendicenqa t'antaykita, yakuykitawan. Noqa tukuy onqoykunata qankuna ukhumanta orqhosaj.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Isaías 57:18

Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

Jeremías 11:7

Ñaupa tatasniykichejta Egiptomanta orqhomorqani chaypachaqa nerqani kasunawankuta, chaymantapacha kunankamataj k'amillarqanipuni kasunawankuta.

Jeremías 17:24

Señor nillantaj: Cheqamanta kasuwaychej, amapuni samakuna p'unchaypeqa kay llajta punkusnejta cargasta apaychejchu. Chay p'unchaypeqa yupaychawaychej, t'aqasta kachun, amataj ima ruwana kajtapis ruwaychejchu.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Jeremías 8:22

Manachu ima jampipis Galaad llajtapi kanman? Manachu jaqaypi pipis jampiykurejqa kanman? Imaraykutaj kay aylloyqa mana walejyakuyta atinchuri?

Ezequiel 18:5

Cheqan kaj runaqa cheqa kajta ruwan, manataj pantanchu:

Oseas 11:3

Chaywampis Efrainta noqa makisninmanta jap'ispa puriyta yachacherqani, payri mana entienderqachu noqa kasqayta payta waqaychajqa.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Levítico 26:13

Noqamin kani qankunaj Señor Diosniykichejqa. Noqa Egiptomanta orqhomorqaykichej, manaña paykunaj wata kamachisnin kanaykichejpaj. Noqa yugoykichejpa coyundasninta p'itirani. Umaykichejta patata oqharichispa puricherqaykichej.

Levítico 26:3

Sichus leyesniypi purinkichej, allintataj waqaychankichej kamachisqasniyta, chaykunatataj kasunkichej chayqa, jallp'aykichejman parachimusaj maychus tiempompi. Jallp'aykichejqa sumajta poqonqa, poqoy sach'asniykichejpis sumaj poqoyniyoj kanqa.

Números 12:13

Chaymanta Moisesqa qhaparispa Señormanta mañarqa: Mañakuyki ari, Señor, thañichiy ari payta, nispa.

Deuteronomio 12:25

Ama mikhunkichejchu. Señorpa munasqanman jina ruwankichej chayqa, allin risonqachej, Jinallataj wawasniykichejmampis.

Deuteronomio 12:28

Uyariychej, junt'aychejtaj kamachisqasniyta, jinamanta allimpuni risunaykichejpaj, qankunata, wawasniykichejtapis, Señorpa ñaupaqempi allin kajta munasqanman jinataj ruwasqaykichejrayku.

Deuteronomio 13:18

Ajina kanqa Señor Diosniykichejta kasuwajchej chayqa, kay tukuy kamachisninta junt'aspa, kunan nishaykichej, chaykunata ruwaspataj allin kajllata Señor Diosniykichejpa ñaupaqempi.

Deuteronomio 28:27

Señorqa egipciosta jina llijti onqoywan llakichisonqachej, ch'upuwan, sarnawan, qhasqa onqoywan ima, nitaj imawampis jampikuyta atinkichejchu chaykunamanta.

Deuteronomio 28:58

Sichus kay libropi sumaj kamachiykuna qelqasqa kashan chaykunata mana junt'ankichejchu, nitaj Señor Diosniykichejpa, manchachikunapaj jina sumaj k'acha sutintapis yupaychankichejchu chayqa, Señorqa apachimusonqachej qankunaman, mirayniykichejmampis unaypaj manchay nanaykunata, millay onqoykunatapis mana thañiy atejta.

Deuteronomio 28:60

Qankunamampis apachimusonqachej Egiptopi tukuy sajra nanaykunata, qankuna manchachikorqankichej chaykunata. Chay onqoykuna unaypaj k'askaykukusonqachej.

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Deuteronomio 5:1

Moisesqa tukuy israelitasta tantachispa nerqa: Israelitas, uyariychej, kamachiykunasta, imastachus ruwana kasqanta, chaykunamanta kunan willasqaykichej. Allinta yachaychej, waqaychaychejtaj chaykunaman jina imatapis allinta ruwaspa.

Deuteronomio 7:15

Señorqa qankunaj ñaupaqeykichejmanta tukuy laya onqoykunata ayqechenqa, Egiptoman apachimorqa chay jasut'iykunata, qankuna chayta yachankichej. Manachayqa chaywan enemigosniykichejta chaykunawan ñak'arichimonqa.