Éxodo 15:20 - Qheshwa Biblia DC

²⁰ Aarompa panan María profetiza tamborsitota oqharikuspa llojserqa, qhepantataj tukuy warmis panderas oqharisqas tususpa llojsillarqankutaj, tocarispa.

DIOSPA QHELQACHISQAN DEUTEROCANONICAL

²⁰ Chantá Aaronpa panan María, Diosmanta sut'inchaj kasqanrayku, uj panderata oqharikuspa, tusoj llojserqa. Qhepantataj warmikuna pandera oqharisqa, tusurispa ima llojsillarqankutaj.

DIOSPA QHELQACHISQ

²⁰ Chantá Aaronpa panan María, Diosmanta sut'inchaj kasqanrayku, uj panderata oqharikuspa, tusoj llojserqa. Qhepantataj warmikuna pandera oqharisqa, tusurispa ima llojsillarqankutaj.

Éxodo 15:20 Iomraidhean Croise

Génesis 31:27

Imaraykutaj mana ima niwaspalla pakayllamanta ayqemunkiri? Yachaspaqa sumaj kusiywan kacharpayamuykiman karqa, cajata, arpata tocajkunawan.

2 Samuel 1:20

Ama willaychejchu Gat llajtapi, nillataj willaraychejchu Ascalón llajtapipis, ama chay filistea warmis kusikunankupaj, Diosta mana rejsejkuna warmis kusiywan ama phinkiykachanankupaj.

2 Samuel 6:14

Davidqa, linomanta efod p'achawan p'achallisqa risharqa tukuy kallpanwan tusurispa Señorpa ñaupaqempi.

2 Samuel 6:16

Señorpa trato ruwasqa cajonnin Davidpa llajtanman chayamojtintaj, Saulpa ususin Micalqa wasin ventananmanta qhawarimuspa, rey Davidta rikorqa tusushajta phinkiykachashajtataj Señorpa ñaupaqempi. Chayta rikuspa Micalqa sonqompi Davidta pisipaj qhawarqa.

2 Samuel 6:5

Chaykamataj, Davidwan tukuy israelitaswanqa Diospa ñaupaqenta risharqanku, tukuy kallpankuwan takispa, tususpa tocanasninkoj ch'ajwaynimpi. Tocaspa arpasta, salteriosta, panderosta, castañuelasta, platillosta ima.

2 Reyes 22:14

Chanta sacerdote Hilciasqa rerqa, Ahicamwan, Acborwan, Safanwan, Amasiaswan ima, profetisa Huldata watukoj. Payqa Salumpa warmin karqa; Saluntaj Ticvaj wawan karqa, Harhaspa allchhintaj. Harhasqa Diospa wasimpi p'achasta jallch'anampaj churasqa karqa. Huldaqa Jerusalempi tiyakorqa, mosoj wasis tiyan chaynejpi, payman qayllaspataj parlarqanku.

1 Crónicas 15:16

Chaymantataj kamachillarqataj, levitaspa kamachejkunasninta, paykuna ukhu ayllumanta mask'anankuta, takejkunata, tocanasnintinta, salteriosniyojta, arpasniyojta, platillosniyojta ima, sinch'ita sumaj kusiywan takerqanku.

1 Crónicas 6:3

Amrampa wawasnintaj karqanku: Aarón, Moisés, María ima. Aarompa wawasnintaj karqanku: Nadab, Abiú, Eleazar, Itamar ima.

Nehemías 6:14

Diosníy: Yuyarikuy ari Sanbalatwan, Tobiaswan ruwasqankumanta. Nillataj qonqapuychu warmi profetisa Noadiasmanta, nillataj qoqapuychu chay waj profetasmantapis mancharichiyta munawarqayku chaykunamanta.

Salmos 149:3

Tusuykunawan sutinta yupaychachunku. Arpaswan, chhulloj chhullojkunawan Señorman takichunku.

Salmos 150:4

Payta yupaychaychej tocaykunawan, tamborkunawan. Payta yupaychaychej qenaswan, charangoswan ima.

Salmos 30:11

Llakiyniyta kusiyman tukuchinki. Qhasqa p'achata orqhowaspa, kusiywan p'achallichiwanki.

Salmos 68:11

Señorqa uj palabrata qorqa, ashkha warmistaj mosoj willaykunata willajkuna karqanku.

Salmos 68:25

Takejkunaqa ñaupajta rinku, tocajkunarí qhepata rinku, chaupita sipaskuna rinku, tamboresta tocaspa rinku.

Salmos 68:26

Tukuyniykichej, Señor Diosta yupaychaychej, tukuy Israelmanta tantakojkuna yupaychaychej.

Salmos 81:2

Takiychej tamborwan, arpawan, charangoj misk'i waqayninwan ima.

Éxodo 2:4

Wawaj kurajnin imillitamantaj nerqa qhepakuspa karullamanta qhawananta, chay sullk'an wawa imanakonqachus chayta.

Eclesiastés 3:4

Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Números 12:1

Mariawan Aaronwan Moisespa contranta rimarqanku, uj etiope warmiwan casarasqanrayku.

Números 12:2

Chantaqa nillarqankutaj: Señorqa mana payllawanchu parlarqa, noqanchejwampis parlallarqataj, nispa. Señortaj chayta uyarerqa.

Números 20:1

Wata qallarikuy killapi israelitasqa tukuyninku Zin ch'in pampaman chayarqanku, jinata chayaspataj Cadespi jarakorqanku. Chaypitaj María wañuporqa, chay kikimpitaj p'amparqanku.

Números 26:59

Amranqa Levej ususin Jocabedwan casararqa. Jocabed wawanqa Leví Egiptopi kashajtillanraj nacekorqa. Amramwan, Jocabedwan Aaronpata, Moisespatawan, Mariajpatawan tatasnin karqanku.

San Lucas 2:36

Chaypi kashallarqataj Diosmanta profetizaj Ana sutiyoj Fanuelpa wawan Aserpa ayllunmanta. Payqa payaña karqa. Sipas kashaspa casarakusqanmantataj qanchis watallata qosanwan tiyakorqa.

Hechos 21:9

Felipejtataj tawa doncella ususisnin tiyarqa, paykunataj Diospa palabranta willaj kanku.

1 Corintios 11:5

Pi warmillapis mana uman suk'umpasqa Diosmanta mañakunman, chayrí Diospa palabranta sut'inchanman chayqa, uj p'enqay kanqa umampaj; chujchantapis k'utuchikunman karqa jina.

Jueces 11:34

Maypachachus Jefté Mizpapi wasinman kutiporqa chaypacha uj k'ata warmi wawan karqa chay llojsimorqa taripamoj pandereta tocana jap'irisqa phinkiykacharispa. Pay k'atalla wawanqa karqa.

Jueces 21:21

Sumajtataj qhawakunkichej. Silomanta sipaskuna pandillaspi llojsimojtinku, qankunapis llojsillaychejtaj chay pakaykunasmanta, sapa ujtaj uj sipasta jap'ispa llajtaykichejman apakapunkichej.

Jueces 4:4

Chay p'unchaykunapeqa israelitasta kamachisharqa uj profetisa, Débora sutiyoj, payqa Lapidotpa warmin karqa.

1 Samuel 10:5

Chay qhepantataj chayanki Diospa loman Gabaapi nisqaman, maypichus filisteokunaj soldadosnin kashanku chayman. Chay llajtaman yaykushaspataj tinkukunki uj t'aqa profetaswan, paykunaqa musphaypi jina parlaspa loma patapi Diosta yupaychana wasimanta uraykamushanqanku. Paykunaj ñaupaqenkutataj runas rishanqanku tamboresninkuta tocaspa, chanta cajasta, quenasta, arpasta ima tocaspa.

1 Samuel 18:6

David filisteota wañuchisqanmantaña, soldados kutimushajtinku tukuy llajtasmanta warmis rej kanku Saulta taripaj, kusiywan takispa, tususpataj chhullu chhullojninkuwan, chanta platillosninkuwan ima.