Éxodo 15:17 - Qheshwa Biblia DC

¹⁷ Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

DIOSPA QHELQACHISQAN DEUTEROCANONICAL

¹⁷ Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

DIOSPA QHELQACHISQ

¹⁷ Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Éxodo 15:17 Iomraidhean Croise

2 Samuel 7:10

Chay jawaqa wakichillanitaj uj lugarta Israel aylluypaj, chaypitaj churani kikin jallp'ankupi tiyakunankupaj, mana pipis paykunawan chejninakunampaj, nitaj chay sajra ruwaj runaspis ñaupajpi jina llakichisunaykichejpaj, maypachachus Israel aylluypi kamachejkunata churashajtiy jinataqa. Noqa kacharichisqayki tukuy enemigosniykimanta. Willachimuykitaj mirayniyki kananta.

1 Reyes 8:13

Noqataj ruwapuyki uj yupaychana wasita chaypi wiñaypaj tiyakunaykipaj.

Salmos 114:2

Judá jallp'aqa Señorpa santo wasinman tukorqa. Israeltaj paypa kamachinman tukorqa.

Salmos 2:6

Sión santo orqoypi, ajllasqayta rey kanampaj jawiniña.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

Salmos 68:16

Qankuna, alto orqos, imaraykutaj q'omerispa qhawankichej Diospa tiyakunan orqotarí? Cheqamanta Señorqa chaypi wiñaypaj kausakonqa.

Salmos 76:2

Santo wasenqa Sión orqopi kashan, chaytaj Jerusalempi.

Salmos 80:15

Qan kikiyki plantasqaykita, q'erqemojkunata sumajta wiñachisqaykita.

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

Éxodo 15:13

Khuyakuspa, munakuyniykiwan kay salvasqayki israelitasta pusashanki. Atiyniykiwan pusashanki llimphu k'achitu wasiykiman.

Éxodo 23:20

Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman.

Éxodo 25:8

Runasqa ruwapuwachunku uj toldota, noqataj paykuna ukhupi tiyakusaj.

Éxodo 32:34

Kunanqa rispa israelitasta pusay, maymanchus noqa pusay nerqayki chayman. Chaymantaj noqaj angelniy pusasonqa. Mayk'ajchus jasut'iy p'unchay chayamonqa, chaypacha noqa juchasninkumanta jasut'isaj paykunata.

Jeremías 2:21

Noqa qanta sumaj ajllasqa uvas sach'ata jina plantarqayki, chantapis sumaj ajllasqa mujuta jina. Kunantaj mana kaj sach'aman tukunki.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Jeremías 32:41

Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

Ezequiel 37:26

Paykunawan uj sonqo tiyakuy tratota ruwasaj, mana jayk'aj tukukojta. Paykunata ashkhaman mirachisaj, sumajtataj tiyaykuchisaj. Paykuna chaupipi Diosta yupaychana, ajllakusqay wasiyta wiñaypaj sayachisaj.

Ezequiel 37:28

Paykuna chaupipi Diosta yupaychana wasiyta churaspa wiñaypaj tiyakojtiy, waj jallp'asmanta kaj runas yachanqanku, Israel aylluta noqa Señor, noqapaj ajllakusqayta.

Deuteronomio 33:19

Paykunaqa nacionesta orqonkuman wajyanqanku. Chaypi maychus kaj rikuchikusta jaywanqanku. Ima qhapajyaykunachus mar qochapi tiyan chaykunawan kusikonqanku. Mar qocha cantospi qhapajyaykunasta tarispa kusikonqanku.

Josué 22:19

Sichus kay jap'ikusqaykichej jallp'a mana allinchu rijch'asunkichej chayqa, Señorpa jallp'anman jampuychej ari, maypichus Señorpa ajllakusqan jallp'a kashan chayman. Noqaykoj chaupiykupi tiyakuychej. Señorpa contrantataj ama juchallikuychejchu, amataj noqaykoj contraykumampis tukuychejchu, Señorninchejpa altarnin jawa waj altarta ruwaspa.