Éxodo 14:22 - Qheshwa Biblia DC

²² Israelitastaj mar qochaj chaupinta yaykuspa ch'aki jallp'api pasarqanku, yakustaj qhepakorqa jatun perqa jina lloq'enkupi, pañankupitaj.

DIOSPA QHELQACHISQAN DEUTEROCANONICAL

²² Israelitakunataj mama qochaj chawpinta yaykuspa, ch'aki jallp'ata chimparqanku, yakutaj jatun perqa jina lloq'enkupi, pañankupitaj sayasharqa.

DIOSPA QHELQACHISQ

²² Israelitakunataj mama qochaj chawpinta yaykuspa, ch'aki jallp'ata chimparqanku, yakutaj jatun perqa jina lloq'enkupi, pañankupitaj sayasharqa.

Éxodo 14:22 Iomraidhean Croise

2 Reyes 2:14

Eliaspa ponchon urmaykamusqa chayta jap'ispataj yakusta wajtarqa: Maypitaj Eliaspa Señor Diosnin kashan?, nispa. Wajtasqantawantaj yakusqa iskayman t'aqakorqanku puraj ladoman. Eliseotaj mayuta chimparqa.

2 Reyes 2:8

Chanta Eliasqa qhatakuna p'achanta jap'ispa mayt'uykorqa, chaywantaj yakuta wajtarqa, yakutaj iskayman t'aqakorqa puraj ladoman, chantá ch'akita paykunaqa pasarqanku.

Nehemías 9:11

Ñaupaqenkupi mar qochata iskayman rak'erqanki, mar qochaj chaupintataj ch'aki pampata jina chimparqanku,. Enemigonku qhatiykamojkunata ukhunkama p'ultiykurarqanki, ukhu qochaman rumita choqaykunchej ajinata.

Salmos 106:9

Chay puka mar qochata k'amerqa, ch'akicherqataj. Chay mar khallasqa qocha ukhuta ch'aki jallp'ata paykunata chimpacherqa.

Salmos 136:13

Puka mar qochata iskayman khallajman, khuyakuynin wiñaypaj kasqanrayku;

Salmos 136:14

chay qocha chaupinta Israel nacionta chimpachejman, khuyakuynin wiñaypaj kasqanrayku;

Salmos 66:6

Mar qochata ch'aki jallp'aman tukucherqa. Ñaupa tatasninchej mayuta chakipi chimparqanku. Chayrayku Diospi kusikunachej!

Salmos 74:15

Qan yakusta p'utuchinki, juturispa, mayupi ima. Mana tukukoj yakusniyoj mayusta ch'akichinki.

Salmos 78:13

Mar qochata iskayman khallarqa, chaynintataj chimpaman chimpacherqa, uj perqata jina yakuta sayachispa.

Éxodo 14:29

Israelitasri mar qochata pasarqanku ch'akipi, yakustaj pañankupitaj, lloq'enkupitaj perqaspis kanman jina sayaykorqanku.

Éxodo 15:19

Mar qochaman yaykorqanku faraompa carrosnin, caballospi rejkuna soldadosnin, Señortaj mar yakuwan ujllata p'ampaykuchin. Israelitasrí chakipi pasarqanku mar qochata, ch'aki jallp'atapis rishankuman jina.

Éxodo 15:8

May phiñakuywan phukuspa yakusta k'uchuncharparinki; yaku ukhoqa wayq'o jina purajman khallarparikun. Yanayarishaj mar qochaj sonqon tikayarparin.

Isaías 11:15

Señorqa puka mar qochata ch'akichenqa, manchay atiyninwan makinta oqharenqa Eufrates mayunejman, uj sinch'i wayrata wayrachimuspataj chay mayuta qanchis mayusman t'aqarparenqa, chay jinamanta ujut'asnillankuwanña chimpanankupaj.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 43:16

Señorqa mar qochaj chaupinta uj ñanta khallarparerqa, sinch'ita correj yakoj chaupinta.

Isaías 51:10

Qanqa mar qochata ch'akicherqanki chay chhika ukhu yakuta, chaynintataj ñanta ruwarqanki, chayninta librasqa israelitas chimpanankupaj.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Isaías 63:13

Maytaj kunan chay jina mana purinasta pusaykachajri, caballo jina ch'in pampasta, mana imamampis misk'achispa pusaykachajri?

Zacarías 2:5

Chaywampis, noqa kikiy sayaykusaj Jerusalempa muyuynimpi nina perqa jina, kikin llajta chaupipitaj k'anchaj gloriayta rikuchisaj. Noqa Señorniykichej kayta nini.

Números 33:8

Pi-hahirotmanta rerqanku. Mar qochata chimpaytawantaj ch'in pampaman chayaspa, kinsa p'unchayta riytawan Marapi jarakorqanku.

1 Corintios 10:1

Hermanos, noqa munani qankuna yuyarikunaykichejta ñaupa tatasninchej phuyu urapi tukuy kasqankumanta, tukuytajmanta puka mar qochata pasasqankumanta.

Hebreos 11:29

Creesqankurayku israelitasqa puka mar qochaj chaupinta, ch'aki jallp'ata chimparqanku; Egipto llajtayojkunataj, jinallatataj ruwayta munaspa yakuwan p'ampachikorqanku.

Josué 3:16

Pata mayumanta jamoj yakoqa kikimpi sayaykorqa qocha jina, Adán nisqa llajtapi, chayqa kashan jark'ana, Saretán llajtawan khuska. Ñaupajman p'itikoj yakutaj Wañusqa Qocha nisqaman uraykorqa tukukunankama. Ajinata yakoqa mayupi iskayman t'aqarpayakorqa. Israelitastaj chayninta chimparqanku Jericó llajta cheqaman.

Josué 3:17

Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

1 Samuel 25:16

Paykunaqa tutapis p'unchaypis noqaykuta, ovejasniykutapis jark'awaj kayku.