Éxodo 13:14 - Qheshwa Biblia DC

¹⁴ Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

DIOSPA QHELQACHISQAN DEUTEROCANONICAL

¹⁴ Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

DIOSPA QHELQACHISQ

¹⁴ Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Éxodo 13:14 Iomraidhean Croise

Génesis 30:33

Ajinamanta mayk'ajpis qhawaripuwanki, imaynatachus qanmanta ganakususqayta, qan yachanki imaynatachus pagawasqaykita Sichus uywasniy ukhupi kanqanku mana ch'ejchis, yanas, sañis chayqa, qan niwanki suwasusqayta.

1 Crónicas 16:12

Jatuchaj ruwasqasninmanta yuyarikuychej, chay t'ukuna ruwasqasninmantapis. Chay kamachiykunasta qosqasninmantapis yuyarikuychej.

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Salmos 136:11

Egiptomanta israelitasta orqhojman, khuyakuynin wiñaypaj kasqanrayku;

Salmos 145:4

Tukuy tiempo runa mitas ruwasqasniykirayku yupaychasonqanku, jatun ruwasqasniykitataj willanqanku.

Salmos 78:4

Mana pakaspa wawasninchejman willasunchej. Qhepa runa mitaswan Señorta yupaychasunchej. Parlasuntaj atiyninmanta, sumaj ruwasqasninmantawan.

Éxodo 10:2

Chayta qan willanaykipaj wawasniykiman, allchhisniykiman ima, noqa egipcio runa ukhuspi, jatuchaj t'ukunasta ruwasqasniyta ima; ajinapi yachankichej noqamin Señorqa kasqayta.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 13:8

Chantaqa chaypacha wawasniykichejman willankichej: Kaytaqa ruwashanchej yuyarikuspa, mayk'ajchus Egiptomanta orqhomuwarqayku ajinata ruwaspa, chayta.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Daniel (hebreo) 9:15

Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.

Hechos 13:17

Kay aylloj Diosnin, ñaupa tatasninchejta ajllarqa. Egiptopi waj llajtayoj jina tiyashajtinku, paykunata jatunyacherqa. Diostaj atiyninwan Egiptomanta orqhomorqa.

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Deuteronomio 6:12

Chaypacha amapuni Señorta qonqapunkichejchu. Paymin Egiptomantaqa orqhomusorqachej kamachis kashajtiykichej.

Josué 22:24

Noqaykoqa cheqamanta kayta ruwayku, yuyaspa, mayk'ajpis wawasniykichej wawasniykuman ama kay jinata ninankupaj: Ima ruwanaykichej tiyan qankuna Señorwan, israelitaspa Diosninwan?

Josué 24:17

Imaraykuchus Señor Diosninchejqa Egiptomanta orqhomuwarqanchej, jinallataj ñaupa tatasninchejtapis, maypichus karqa kamachi mana ruway atina chaymanta. Pay ruwarqa jatuchaj t'ukuna imasta, pay waqaychawarqanchej tukuy ñankunapi maykunatachus purisqanchejpi. Jinallataj tukuy llajtaspipis maynintachus purerqanchej chaykunapi.

Josué 4:6

Chaykuna qhepaman uj señal kanampaj, mayk'ajchus wawasniykichej tapusojtiykichej: Ima niytataj munan kay rumisri?, nispa.

Jueces 2:12

Saqerparerqankutaj ñaupa tatasninkoj Señor Diosninkuta, pichus Egiptomanta paykunata orqhomojta, chay qayllapi tiyakojkunajpa dioskunasninkuta yupaychaymantaj qokaporqanku, Señorta sinch'ita phiñachispa.