Éxodo 12:3 - Qheshwa Biblia DC

³ Qankuna parlaychej israelitasman, ajinata: Kay killapi chunka día kashajtin, sapa ujniykichej ñak'aychej uj allinnin kaj corderota sapa ayllupi, chaytaj kachun sapa wasipi.

DIOSPA QHELQACHISQAN DEUTEROCANONICAL

³ Qankuna tukuy israelitakunata ninkichej: Kay killamanta chunka kaj p'unchaypi sapa wasi ayllu uj corderota, chayrí chivota t'aqaychej. Sapa ayllupaj uj uywa kachun.

DIOSPA QHELQACHISQ

³ Qankuna tukuy israelitakunata ninkichej: Kay killamanta chunka kaj p'unchaypi sapa wasi ayllu uj corderota, chayrí chivota t'aqaychej. Sapa ayllupaj uj uywa kachun.

Éxodo 12:3 Iomraidhean Croise

Génesis 22:8

Abrahamtaj nerqa: Dios maymantapis rikhurichimullanqa paypaj ovejata q'olachinanchejpaj, wawáy. Jinamanta khuska rillarqankupuni.

Génesis 4:4

Abelpis apallarqataj Señorman jaywanata ovejasninmanta uj sumajnin kajta, kuraj kaj uñasmanta. Señortaj may kusisqa Abelta qhawarerqa, jinallatataj oveja apasqan jaywanantapis.

2 Crónicas 35:7

Chaymantataj Josiasqa kikin uywasninmanta qorqa, Pascua fiestata ruwanankupaj tantasqas kasharqanku chay runasman: Ovejasta, corderosta, cabrasmanta ima. Tukuynimpi kinsa chunka waranqa uywasta qorqa. Torillostataj kinsa waranqata qorqa.

Éxodo 12:2

Qankunapajqa kay killa kanqa killaspa qallarikuynin; qankunapajqa chay kanqa wataspa qallarikuynin killa.

Éxodo 12:21

Chaymantaqa Moisés tantacherqa tukuy kurajkuna israelitasta, nerqataj: Rispa ajllamuychej watayoj corderota chayri watayoj cabritota sapa uj familiasniykichejpaj, chaytataj ñak'ankichej Pascuata ruwaspa mikhunaykichejpaj.

Éxodo 12:4

Sichus wakin wasispi pisislla kanku, mana chay corderota tukunankupaj jina chayqa, piwanchá qayllapura kanku chaywan, mashkhachá kasqankuman jina uj corderota ñak'achunku; mashkhatachus sapa uj runa mikhuyta yachasqanman jina.

Éxodo 12:6

Chaykunataqa waqaychallankichej kay killapi chunka tawayoj p'unchaykama. Chayllapi ñak'ankichej sapa ujniykichej chay uywasta ña ch'isiyaykushajtinña.

Éxodo 14:15

Chaypachataj Señorqa Moisesman nerqa: Imaraykutaj qanqa noqamanta yanapata mañakuwankiri? Niy israelitasman ñaupajman rinallankutapuni.

Éxodo 20:19

Chayrayku Moisesman nerqanku: Qanlla parlawayku, noqaykutaj kasusqayku imatachus niwasqaykuta. Diosqa ama noqaykuwanqa parlachunchu ari, pay parlapayawasqayku chayqa wañurasqayku.

Éxodo 4:30

Aarontaj paykunaman willarqa, imastachus Señorqa Moisesman nerqa chayta. Chantapis Moisesqa jatuchaj t'ukunasta ruwananta runaspa ñaupaqempi Diospa kamachisqanman jina.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Ezequiel 40:1

Iskay chunka phishqayoj watasña presochasqas kasqaykumanta chay wata qallariypi ñaupaj killamanta chunka p'unchaynimpi, Jerusalenta jap'isqankumantataj chunka tawayoj wataña kashajtin, chay kikin p'unchaypi Señorpa makimpi karqani, chantá chay llajtaman pusawarqa.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Números 15:11

Ajinata ruwankichej sapa novillowan, carnerowan, corderowan, chayri cabrata qospapis.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

San Juan 1:36

Juantaj, chaynejpi Jesús purishajtin, payta rikuspa nerqa: Kayqa, Diospa Corderon kaypi kashan.

San Juan 12:1

Pascuapaj sojta p'unchay kashajtin, Jesús rerqa Betaniaman, chaypitaj Lázaro kasharqa. Payta wañusqamanta kausaricherqa.

San Juan 12:12

Q'ayantintaj ashkha runa Pascuaman jamorqanku, yachaspa Jerusalenman Jesús chayamunanta.

1 Corintios 5:7

Llimphuchakuychej ari chay mauk'a levaduramanta, mosoj masa kanaykichejpaj; qankunaqa mana levadurayoj t'anta jina kankichej. Cristomin Pascuanchejqa. Pay ñak'arerqa noqanchejrayku.

Josué 7:14

Q'aya ayllumanta ayllu chimpamunkichej, ima ayllutachá noqa nisaj, chay ayllutaj sapa familiata chimpachenqa. Ima familiatachá noqa nisaj chaytaj sapa uj jarayojta chimpachenqa; ima jaratachá noqa nisaj chaytaj sapa qharita chimpachenqa, sapa ujta sutinmantakama.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

1 Samuel 7:9

Samueltaj uj juch'uy ñuñushaj corderota jap'ispa tukuyninta Señorpaj ruphacherqa, chaymantataj Señormanta yanapata mañaporqa, Señortaj uyarerqa.