Éxodo 10:7 - Qheshwa Biblia DC

⁷ Faraonmantaj kamachisnin qayllaykuspa nerqanku: Mayk'ajkamataj kay runaqa tukuy imaymanasta jasut'ichiwasunri? Saqey llojsejta chay runasta, rispa yupaychamuchunku Señor Diosninkuta. Manachu yachanki Egiptoqa kay jina q'ala jasut'isqaña kasqanta?

DIOSPA QHELQACHISQAN DEUTEROCANONICAL

⁷ Chantá faraonta yuyaychajkuna nerqanku: Mayk'ajkamataj kay runa umanchejta nanachiwasunri? Chay runakunata kacharipuy, ch'innejman rispa Tata Diosninkuta yupaychamunankupaj. Manachu yachanki Egiptoqa kay jina sonqo nanay phirisqaña kashasqanta? nispa.

DIOSPA QHELQACHISQ

⁷ Chantá faraonta yuyaychajkuna nerqanku: Mayk'ajkamataj kay runa umanchejta nanachiwasunri? Chay runakunata kacharipuy, ch'innejman rispa Tata Diosninkuta yupaychamunankupaj. Manachu yachanki Egiptoqa kay jina sonqo nanay phirisqaña kashasqanta? nispa.

Éxodo 10:7 Iomraidhean Croise

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Éxodo 12:33

Egipto runasqa usqhay usqhayta israelitasta yanaparqanku chay jallp'ankumanta usqhayta ripunankupaj; imaraykuchus nerqanku mana riponqanku chayqa, tukuyninchej wañurasunchej, nispa.

Éxodo 23:33

Chantaqa ama chay jallp'aykipi kakojta saqenkichu, ama chaykuna juchallichisunankupaj noqaj contrayta dioskunasninkuta yupaychaspa, chaytaj qampajqa mana allinchu kanqa.

Éxodo 7:5

Chaymantaraj Egiptopi atiyniyta rikuchejtiy, egipciosqa yachanqanku noqa Señorqa kasqayta, paykunaj chaupinkumanta israelitasta orqhomusqaymanta.

Éxodo 8:19

Chaymantaqa chay layqas faraonman nerqanku: Kayqa Diospa jasut'iynin, nispa. Faraonqa astawan sonqonta rumiyacherqa; mana imatapis kasorqachu, Señorpa nisqanman jina.

Proverbios 29:6

Juchasapaj tojllanqa kikin juchasnillantaj; cheqanta purej runarí, kusisqalla sonqo junt'asqataj tiyakun.

Eclesiastés 7:26

Noqa rikuni warmeqa wañuymantapis aswan mana allin kasqanta: Uj warmej sonqonta uj lazo jina, ch'ipa jinataj, makisnimpis jap'ispa mana kacharinchu. Diosta munakoj runaqa chay warmimanta ayqekonqa; uj juchasapa runarí chay warmiwampuni jap'ichikonqa.

Isaías 14:20

Qantaqa mana chay waj reyesta jinachu p'ampasonqanku; llajtaykita chinkachisqaykirayku, runasniykitapis wañuchisqaykirayku. Sajra runaspa mirayninkoqa mana jayk'ajpis yuyarisqachu kanqa.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Jeremías 48:4

Moab llajtaqa raqaykunasllapiña; nanaywan qhaparqachasqasninku Zoar llajtakama uyarikun.

Jeremías 51:8

Jinapis, Babiloniaqa ujllata urmarqa phirikunankama. Paymanta waqaychej. Chay nanachikusqasnimpaj jampista apamuychej ichapis thañikonqaraj.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.

1 Corintios 7:35

Kayta niykichej qankuna allin kanaykichejpaj, mana misk'anata churanaypajchu; astawanqa allin kajta ruwanaykichejpaj, cheqan kajtawan, mana ima jark'anayoj Señorman qayllaykunaykichejpaj.

1 Samuel 18:21

Saulqa yuyasharqa wawanta qojtenqa payrayku Davidqa filisteospa makimpi wañunanta. Chaypacha Saulqa ujtawan Davidman nerqa: Kunanqa tolqay kanayki tiyan.

1 Samuel 5:11

Chay llajtamanta kajkunaqa tukuyninku maytapuni mancharikorqanku, Dios paykunata sinch'ita jasut'isqanrayku. Chaypacha wajyachimorqanku filisteospa kurajkunasninkuta, paykunamantaj nerqanku: Kaymanta apakapuychej chay israelitaspa Diosnimpa trato cajonninta, kutichipuychej maymantachus apamorqankichej chayman, ama tukuyninchejta wañuchinawanchejpaj.