Éxodo 10:3 - Qheshwa Biblia DC

³ Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

DIOSPA QHELQACHISQAN DEUTEROCANONICAL

³ Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

DIOSPA QHELQACHISQ

³ Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 10:3 Iomraidhean Croise

1 Reyes 18:21

Eliastaj tukuynin runasman chimpaykuytawan nerqa: Mayk'ajkamataj iskay yuyayniyojllapuni qankuna kankichejri? Señorpuni Dios kajtenqa qhatiychej, chayri Baal dios kajtenqa qhepanta riychej. Runastaj mana imatapis kuticherqankuchu.

2 Crónicas 33:12

Maypachachus llakiy ñak'ariypi kaspallaña Señor Diosninman qhaparikorqa, mayta k'umuykukuspa ñaupa tatasnimpa Diosninman.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Éxodo 10:4

Manapuni saqenki llojsejta chayqa, q'ayapacha langostasta kachamusaj llajtaykiman.

Éxodo 16:28

Chaymanta Señorqa Moisesman nerqa: Mayk'ajkamataj mana kasuwankichejchu kamachisqasniyta, yachachisqasniyta imari?

Éxodo 4:23

Ña niykiña, wawayta saqey llojsejta, rispa yupaychamunawampaj. Qantaj llojsejta mana saqeshankichu, chayrayku noqaqa wañuchisaj kuraj wawaykita.

Éxodo 5:1

Chaymantaqa Moiseswan Aaronwan faraonman parlaj rerqanku, nispa: Israelpa Señornin, Diosnintaj ajinata nin: Saqepuway aylluy Israelta ch'inman rispa, chaypi yuyarikuwaspa qarakuta ruwanankupaj.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Proverbios 1:22

Mana ima yachajkuna, mayk'ajkamataj mana ima yachajllapuni kankichejri? Mayk'ajkamataj alqochakullankichejpuniri? Wampus, mayk'ajkamataj yachaytaqa chejninkichejri?

Proverbios 1:24

Noqa wajyamorqaykichej, qankunataj mana uyariyta munarqankichejchu; makiyta jaywamorqaykichej, qankunataj mana rikoj tukuwarqankichej.

Proverbios 18:12

Runaykachaypa qhepantapacha mana allinman urmayqa jamun; llamp'u sonqoman tukuypa qhepantataj allin kayman chayana jamun.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Jeremías 13:10

Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

Jeremías 13:18

Reyman niy, jinataj maman reinamampis, chay tronoykichejmanta pampallapi uraykuychej. Chay k'achanchakorqankichej chay pillu umaykichejmanta urmanña.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Ezequiel 5:6

Payrí leyesniypa contrampi, kamachisqasniypa contrampi ima oqharikorqa, muyuynimpi kashanku chay ayllusmanta, llajtasmantapis astawanraj. Leyesniyta mana kasunkuchu, nitaj kamachisqasniytapis junt'ankuchu.

Daniel (hebreo) 5:22

Belsasar, qantaj Nabucodonosorpa wawan kashaspa, allinta yachashaspataj imakunachus payman jamusqankuta, mana llamp'u sonqoyojchu kausarqanki.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Santiago 4:10

K'umuykukuychej Señorpa ñaupaqempi. Paytaj pataman oqharisonqachej.

1 Pedro 5:6

K'umuykukuychej atiyniyoj Diospa makinman. Paytaj wakichisqan p'unchaypi, jatumpi oqharisonqachej.