Éxodo 10:2 - Qheshwa Biblia DC

² Chayta qan willanaykipaj wawasniykiman, allchhisniykiman ima, noqa egipcio runa ukhuspi, jatuchaj t'ukunasta ruwasqasniyta ima; ajinapi yachankichej noqamin Señorqa kasqayta.

DIOSPA QHELQACHISQAN DEUTEROCANONICAL

² Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

DIOSPA QHELQACHISQ

² Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 10:2 Iomraidhean Croise

2 Samuel 7:22

Chayraykuman jatunchasqa kanki Señor Diosníy! Imaraykuchus mana pipis qan jinaqa kanchu, manataj qanmanta jawaqa waj diosqa kanchu, noqayku kikiyku uyarisqaykuman jinaqa.

Salmos 44:1

Diosníy, ningrisniykuwan uyariyku, tatasniyoj siminkumanta, unay watas paykuna kausashajtinku ruwasqasniykimanta.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

Salmos 58:11

Chaypachataj nenqanku: Walejpuni Diosta qhatikoyqa. Uj Dios tiyan, kay pachata cheqanchaj.

Salmos 71:18

Achachiña yuraj umaña kashajtiypis, amapuni Señor saqerpariwaychu; jatun atiyniykimanta kunan runa mitasman, qhepa runa mitasmampis willanaykama.

Salmos 78:3

Imatachus uyarisqanchejta, tatanchejpa willawasqanchejtapis.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 14:18

Maypachachus atiyniyta rikuchisaj faraompi, carrosnimpi, caballospi rej soldadosnimpi, chaypacharaj egipciosqa yachanqanku noqa Señor kasqayta.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 7:17

Chayrayku Señorqa nimusunki: Kaypi yachawanki noqa Señor kasqayta: Kay tojnuywan kay mayupi kashaj yakuta wajtasaj, yakutaj yawarman tukonqa.

Éxodo 7:5

Chaymantaraj Egiptopi atiyniyta rikuchejtiy, egipciosqa yachanqanku noqa Señorqa kasqayta, paykunaj chaupinkumanta israelitasta orqhomusqaymanta.

Éxodo 8:6

Aarontaj makinta jaywarerqa Egipto yakus pataman, Jinajtinkamataj k'aylankulasqa yakusmanta llojsiykamorqanku tukuynin Egipto jallp'asman junt'aykunankukama.

Isaías 38:19

Pikunachus kausashanku chaykunalla qantaqa yupaychasunku, noqa kunan yupaychashayki ajinata. Tatasqa wawasninkuman cheqa kayniykimanta parlanku.

Ezequiel 20:26

Saqerqani ch'ichichakunankuta lantisman jaywanasta apaspa, kuraj wawasninkuta wañuchispataj ninapi ruphachispa jaywanankuta. Chayta ruwarqani paykunaj p'enqayninkupaj, rejsinawankupajtaj noqa Señor kasqayta.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Joel 1:3

Kaytaqa wawasniykichejman willaychej, paykunataj wawasninkuman willachunku, paykunatajrí willachunku qhepa tiempopi nacekojkunaman.

Efesios 6:4

Tata mamas, qankunaqa ama wawasniykichejta phiñachiychejchu, manachayqa allinta yachachispa, kasuchikuychej, Señorpa k'amiynimpitaj uywaychej.

Deuteronomio 4:9

Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.