Éxodo 10:14 - Qheshwa Biblia DC

¹⁴ Langostasqa Egipto jallp'a patapi manchayta urphurispa tukuynejman junt'aykorqa ima qhoraschá kaj chhikata mikhoj. Chay jinapuni langostasqa mana jayk'ajpis karqachu, nitaj jayk'ajpis kanqachu.

DIOSPA QHELQACHISQAN DEUTEROCANONICAL

¹⁴ Phinki phinkeqa tukuy Egipto suyuman phuyu jina tiyaykorqa. Chay chhika phinki phinkeqa mana jayk'ajpis karqachu, nitaj jayk'ajpis kanqachu.

DIOSPA QHELQACHISQ

¹⁴ Phinki phinkeqa tukuy Egipto suyuman phuyu jina tiyaykorqa. Chay chhika phinki phinkeqa mana jayk'ajpis karqachu, nitaj jayk'ajpis kanqachu.

Éxodo 10:14 Iomraidhean Croise

1 Reyes 8:37

Sichus kay jallp'api kanman yarqhay, chajra qhawiy, chajraspi onqoy, langostas, t'una khuruspis; sichus enemigosninku llajtasninkuta muyuykuspa maqaj sayaykunkuman, ima llakiyllapis onqoypis jamojtenqa, tukuy imata mayta mañakusqankuta mayqennillankupis, chayri tukuynin Israel llajtaykipis, pillapis sonqompi phutisqa kaspa, makisninta kay wasiman aysarisqa jamusunkiman chayqa, qan janaj pachamanta uyarimunki ari, maypichus tiyakunki chaymantapacha, perdonankitaj, sapa ujninkuman kausasqankuman jina qospa, imaraykuchus qanllamin tukuy runaspa sonqonkuta, tukuy yuyasqankutapis rejsinki.

Salmos 78:46

Poqochisqankuta khuruswan mikhucherqa, llank'asqankutataj langostaswan.

Éxodo 11:6

Egiptopeqa manchay waqay kanqa tukuynimpi, chaytaj ni jayk'aj karqachu, nitaj jayk'ajpis kanqachu.

Éxodo 9:18

Qhawariy, q'aya kay horasta manchay jatuchaj granizo parata parachimusaj, chay jina granizoqa ni jayk'ajpis karqachu kay Egiptopi kay mundo ruwakusqanmanta kunankama.

Proverbios 30:27

Langostaspis mana reyniyoj kashaspa, tukuyninku sinrulla cheqanta purinku.

Joel 1:7

Uvas sach'asninchejta q'araykunku, higos sach'asninchejta t'unaykunku, tukuyninta q'araykunku, ramasninta yurajllata saqerparinku.

Deuteronomio 28:38

Jallp'asniykichejpi ashkhasta tarpunkichej, pisistataj cosechasta oqharinkichej, imaraykuchus langostaslla mikhukaponqanku.

Deuteronomio 28:42

Tukuy sach'asniykichejta, jallp'asniykichejpa poqoynintapis onqoy chinkachenqa.