Esdras 8:1 - Qheshwa Biblia DC

¹ Kaykuna kanku sapa aylloj tatasninkoqa, sapa ujninkumanta qelqasqaman jina, Artajerjes kamachishajtin, Babiloniamanta noqawan khuska kutimporqanku chaykunaqa:

DIOSPA QHELQACHISQAN DEUTEROCANONICAL

¹ Kaykuna kanku wasi ayllu kamachejkuna, ayllunkumanta qhelqasqaman jina, Artajerjes kamachishajtin, Babiloniamanta noqawan khuska kutimporqanku, chaykunaj sutinku:

DIOSPA QHELQACHISQ

¹ Kaykuna kanku wasi ayllu kamachejkuna, ayllunkumanta qhelqasqaman jina, Artajerjes kamachishajtin, Babiloniamanta noqawan khuska kutimporqanku, chaykunaj sutinku:

Esdras 8:1 Iomraidhean Croise

1 Crónicas 24:31

Ajinallatataj paykunapis mit'asta rak'inakorqanku suerteta choqaspa, wasi ayllumanta kurajkuna, sullk'akunapis Aarompa mirayninmanta kajkuna jinallataj, chay tukuyta ruwarqanku rey Davidpa ñaupaqempi, Sadocpapi, Ahimelecpapi, jinataj sacerdotespa levitaspa wasi ayllusninkoj kamachejkunaj ñaupaqenkupi ima.

1 Crónicas 26:32

Wauqesninkuwan imaqa iskay waranqa qanchis pachajniyoj wapu runas karqanku wasi ayllusninkumanta kamachejkuna. Chaykunatataj David churarqa Ruben ayllupi, Gad ayllupi, Manasespa khuskan ayllumpi ima kamachejkunapaj, Señorpaj nisqa ruwanasmanta, reypaj ruwanas kajkunamantapis.

1 Crónicas 4:33

Jinataj Baalatkama, kay llajtaspa qayllampi, kay ranchospiwan. Paykunaqa kay cheqaspi tiyakorqanku. Kaytaj ayllusninkumanta qelqasqa listaqa.

1 Crónicas 9:1

Jinamanta tukuynin Israel aylloqa qelqaykusqa karqa Israelpa reykunasnimpa librompi. Judá ayllumanta kajkunataj juchasninkurayku Babiloniaman wijch'usqas karqanku.

1 Crónicas 9:34

Kaykuna karqanku levitaspa wasi ayllusninkupi kamachejkunaqa, tatasninkoj ayllusninkuman jina, paykunaqa Jerusalempi tiyakorqanku.

2 Crónicas 26:12

Wapu maqanakojkuna soldados familiapi kamachejkunaqa, tukuypi karqanku iskay waranqa sojta pachajniyoj.

Esdras 1:5

Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

Esdras 2:2

Paykunata pusarejkuna kaykuna karqanku: Zorobabel, Jesúa, Nehemías, Reelaías, Mardoqueo, Bilsán, Mispar, Bigvai, Rehum, Baana ima. Israel ayllumanta qharisqa kay jina yupasqas karqanku:

Esdras 2:3

Parospa ayllunmanta: Iskay waranqa pachaj qanchis chunka iskayniyoj.

Esdras 2:62

Kaykunataj ñaupa tatasninkoj sutisninkuta mask'arqanku, maypichus sutis qelqakoj chay libropi, manataj tarerqankuchu. Chayrayku manaña sacerdotespaj qhawasqachu karqanku.

Esdras 7:13

Noqa kamachini, reinoypi kashanku chay tukuy israelitasmanta qanwan khuska Jerusalenman ripuyta munajkunaqa ripullachunku, chanta sacerdotespis, jinallataj levitaspis.

Esdras 7:28

Paytaj rikhuchiwarqa k'acha kayninta reypa ñaupaqempi, umachajkunasnimpa ñaupaqenkupi, chanta reinompi kuraj runaspa ñaupaqenkupitaj. Dios sonqochawarqa. Paypa yanapayninwan tantaykuyta aterqani, Israelpa kuraj runasninta, noqawan khuska kutimpunankupaj, nispa.

Esdras 7:6

Kay Esdrasqa may umayoj yachachej karqa, Israelpa Señor Diosnin kamachiyta Moisesman qorqa chaymanta sumajta pay yacherqa. Señortaj paywan karqa yanapanampaj, chaynejta rey Artajerjesqa tukuy ima mañasqanta payman qorqa. Chay jinamanta Esdrasqa kutimporqa Babiloniamanta Jerusalenman. Paywantaj kutimporqanku ashkha israelitas. Chaykunamanta wakin karqanku sacerdotes, wakintaj levitas, takejkuna, punkuta qhawajkuna, wakintaj templopi sirvejkuna. Paykunaqa Babiloniamanta llojsimusqanku rey Artajerjes qanchis watataña kamachishajtin.

Esdras 8:2

Gersón, Fineespa mirayninmanta. Daniel, Itamarpa mirayninmanta. Hatús, Secaiaspa wawan, Davidpa mirayninmanta.