Esdras 4:2 - Qheshwa Biblia DC

² Chayrayku rerqanku parlaj Zorobabelwan, Josuewan, chanta aylluspa kuraj runasninkuwan ima, nerqankutaj: Noqayku kay templota ruwaysisqayku. Noqaykupis qankuna jina Diosniykichejman qayllaykullaykutaj. Chanta, Esar-hadón, Asiriapi rey kashajtin kayman pusamuwarqayku. Chay tiempomantapacha Diosman uywasta wañuchispa jaywashayku.

DIOSPA QHELQACHISQAN DEUTEROCANONICAL

² Chayrayku Zorobabelwan, Josuewan, ayllukunaj kurajninkuwan ima parlaj rispa, nerqanku: Noqayku kay Tata Diospa Templonta ruwaysisqayku. Noqaykupis qankuna jina Diosniykichejta yupaychallaykutaj. Esarjadón Asiriapi kuraj kamachej kashajtin, kayman apamuwarqayku, chaymantapachataj Diosman uywata ñak'aspa jaywashayku, nispa.

DIOSPA QHELQACHISQ

² Chayrayku Zorobabelwan, Josuewan, ayllukunaj kurajninkuwan ima parlaj rispa, nerqanku: Noqayku kay Tata Diospa Templonta ruwaysisqayku. Noqaykupis qankuna jina Diosniykichejta yupaychallaykutaj. Esarjadón Asiriapi kuraj kamachej kashajtin, kayman apamuwarqayku, chaymantapachataj Diosman uywata ñak'aspa jaywashayku, nispa.

Esdras 4:2 Iomraidhean Croise

Génesis 10:11

Chay jallp'amanta llojserqa Asur, ruwarqataj llajtasta: Niniveta, Rehobota, Calata, Resén jatun llajtatawan; chaytaj kashan Ninivewan Calawan chaupipi.

2 Reyes 17:24

Asiriamanta reyqa runasta apachimorqa Babiloniamanta, Cutamanta, Avamanta, Hamatmanta, Sefervainmantawan. Samaria llajtasmantaj paykunata churarqa israelitaspa cuentanmanta. Ajinamanta Samariata jap'ikaporqanku, llajtasnimpitaj tiyakorqanku.

2 Reyes 17:41

Chay runasqa Señorta manchachikoj kanku, chanta lantisninkutapis yupaychallajtaj kanku. Wawasninku, allchhisninkupis, imaynatachus tatasninku ruwaj kanku, ajinallatapuni kunankamapis ruwakushanku.

2 Reyes 19:37

Chanta uj p'unchay payqa diosnin Nisrocpa wasinman yaykuspa chaypi qonqorikushajtin, wawasnin Adramelecwan, Sarezerwantaj, cuchillowan wañucherqanku. Chaymantataj Ararat jallp'aman ayqekorqanku. Paypa cuentampitaj wawan Esarhadon kamacherqa.

Esdras 1:5

Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

Esdras 2:2

Paykunata pusarejkuna kaykuna karqanku: Zorobabel, Jesúa, Nehemías, Reelaías, Mardoqueo, Bilsán, Mispar, Bigvai, Rehum, Baana ima. Israel ayllumanta qharisqa kay jina yupasqas karqanku:

Esdras 3:12

Ashkha sacerdotes, levitas, chanta familiaspa tatasninkutaj machusña karqanku. Paykunaqa ñaupa templota rejserqanku, chayrayku jatunmanta qhaparispa waqarqanku, Señorpa templonta mosojmanta ruwakushajta rikuspa. Wakintaj kusiywan qhaparisharqanku.

Esdras 3:2

Chaypacha Josadacpa wawan Josué, chanta sacerdote masisnin, jinallataj Salatielpa wawan Zorobabel, chanta ayllu masisnin ima, Israelpata Diosnimpa altarninta ruwarqanku, chay patapi uywasta wañuchispa ruphachinankupaj, Diospa runan Moisespa leynimpi qelqasqanman jina.

Nehemías 9:32

Chayraykumari, noqaykoj Diosniyku, jatun Dios, atiyniyoj manachachikunataj kanki. Qanqa trato ruwasqaykipi munakuyniykitapis mana saqenkichu, ama qonqapuychu tukuy llakiykuna qhatirisqanmanta reyesniykuta, kurajkunasniykuta, sacerdotesniykuta, profetasniykuta, ñaupa tatasniykuta, jinataj tukuy aylluntinta, Asiriamanta reykunaspa tiemponmantapacha kunankama.

Salmos 73:8

Kusipayaspa, wapu wapus mana p'enqakuspa, sajrakunata sinch'i kallpankuwan ruwasaj ninku.

Isaías 37:37

Chaymanta Asiria rey Senaqueribqa tukuy imasninta oqharikuspa Ninivepi tiyakoj riporqa.

Isaías 37:38

Uj kutitaj Nisroc nisqa diosninta yupaychashajtin, iskaynin wawasnin Adramelecwan, Sarezerwan tatankuta espadawan wañurpacherqanku, chaymantataj Ararat nisqa jallp'aman ayqerqanku. Esarhadón wawantaj paypa cuentanmanta rey karqa.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Gálatas 2:4

Chaymantaj wakin llulla hermanos pakaymanta yaykumorqanku, wateqanawaykupaj Cristo Jesusnejta kacharisqaña kasqaykuta. K'amispataj ujtawan munasharqanku leypa kamachimpi kanaykuta.

2 Timoteo 3:8

Imaynatachus Janeswan, Jambreswan, Moisesta mana kasuyta munarqankuchu, ajinallatataj kaykunapis cheqa kajta mana kasuyta munankuchu. Sajra yuyayniyoj runas mana feniyojtaj kanku.