Esdras 10:3 - Qheshwa Biblia DC

³ Tratota ruwasqayku waj llajtamanta kaj warmismanta wawasninkumanta t'aqakunankuta maychus leypa nisqan junt'akunampaj; imaynatachus qan, chanta pikunachus Señorpa kamachisqanta kasunku chaykuna yuyaychawarqanku chayman jina.

DIOSPA QHELQACHISQAN DEUTEROCANONICAL

³ Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

DIOSPA QHELQACHISQ

³ Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Esdras 10:3 Iomraidhean Croise

2 Reyes 11:17

Chaymantataj Joiadaqa uj tratota ruwarqa Señorwan, llajtawan ima Señorpa llajtan kanankupaj; ajinallatataj ruwarqanku reywan, llajtawampis.

2 Crónicas 29:10

Noqaqa niniña Israelpa Señor Diosninwan tratota ruwanayta, jinamanta phiñakuyninta noqanchejmanta t'aqanampaj.

2 Crónicas 30:12

Jinallatataj Judamanta kaj runaspis Diosqa sonqosninkuta kuyucherqa, reypa jinataj kamachejkunaspa nisqankuman jina junt'anankupaj, Señor imaynatachus kamachisqanman jina.

2 Crónicas 34:21

Riychej Señorta tapumuychej noqamanta, Israelpi, Judapiwan puchojkuna runasmanta, kay tarisqaykichej libropi nisqasninmantawan. Señorqa sinch'i phiñasqa kashan noqanchejpaj, imaraykuchus ñaupa tatasninchejqa mana waqaychasqankuchu Señorpa nisqanta, manataj ruwasqankuchu kay libropi qelqasqa kasqanman jina.

Esdras 10:11

Chayrayku tatasniykichejpa Señor Diosnimpa ñaupaqempi qankunaqa juchayoj kasqaykichejta reparakuychej, Señorpa munaynintataj junt'aychej. T'aqakuychej Diosta mana kasojkuna runakunamanta, jinataj waj llajtayoj warmismantapis, nispa.

Esdras 10:44

Kay tukuyninku waj llajtayoj warmiswan casarasqanku. Chay warmisninkutataj wawasninkutawan kacharpayarqanku.

Esdras 10:9

Chayrayku Judamanta kajkuna, Benjaminmanta kajkunapis Jerusalempi tantakorqanku kinsa kaj p'unchaypi isq'on killamanta iskay chunka p'unchaypi. Diosta yupaychana wasej plazampi tukuyninku tiyarakorqanku, kharkatitispa imatachus parlanankumanta, manchayta paramusqanmantawan.

Esdras 9:4

Noqaman tantakamorqanku presochasqamanta kutirimojkunaj juchankurayku Israelpata Diosnimpa jasut'iyninta manchachikojkuna. Noqataj tiyaspallapuni karqani manchay phutisqa, ch'isiyaykuyta Diosman uywa wañuchisqata jaywana horaskama.

Nehemías 10:1

Chay tratota ruwasqankuman sutisninkuta qelqajkunaqa karqanku: Hacaliaspa wawan kamachej Nehemiaswan, Sedequiaswan. Sacerdotestaj karqanku: Seraías, Azarías, Jeremías, Pasur, Amarías, Malquías, Hatús, Sebanías, Maluc, Harim, Meremot, Obadías, Daniel, Ginetón, Baruc, Mesulam, Abías, Mijamín, Maazías, Bilgai, Semaías ima.

Nehemías 8:14

Chaypitaj tarerqanku Señorpa kamachisqan Moisesnejta qelqasqa kasqanta, chay qanchis killa kaj yuyarikuy fiestata ruwashaspaña ramadas ukhupi israelitasqa tiyakunankuta.

Nehemías 9:38

Chay tukuy imasrayku noqaykoqa tukuy sonqowan kay qelqasqa tratota ruwayku. Kay sellasqa trato ruwasqamantaj sutisninkuta qelqaykunku kuraj kamachiwajkunasniyku, levitasniyku, jinataj sacerdotesniykupis.

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

Salmos 119:59

Imaynatachus kausasqaymanta allinta yuyarikuni, watejmantataj kamachisqasniykita junt'aj churakorqani.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

Deuteronomio 29:12

Ajinaqa qankuna juraspa ninkichej, kunan kay tratota Señor Diosniykichej qankunawan ruwashan chayta.

Josué 9:6

Gilgalman chayamuspataj jarampi kashajtin Josueman israelitasmanwan nerqanku: Karu llajtamanta jamuyku, munaykutaj qankunawan uj tratota ruwayta, nispa.