Esdras 1:1 - Qheshwa Biblia DC

¹ Persiamanta kaj rey Ciro uj watataña kamachishajtin, Señorpa parlasqan, Jeremiaspa siminnejta junt'anampaj, Señorqa rey Ciroman umallicherqa. Tukuynin reinompi kajkunaman willaracherqa, parlaypi, qelqasqapiwan kay kamachisqata:

DIOSPA QHELQACHISQAN DEUTEROCANONICAL

¹ Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

DIOSPA QHELQACHISQ

¹ Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Esdras 1:1 Iomraidhean Croise

Esdras 1:5

Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

Esdras 4:3

Zorobabel, Josué, chanta, wakin Israel aylluspa kuraj runasninku imataj kuticherqanku: Mana qankunawanqa Diosniykoj templonta ruwaykumanchu. Noqallayku ruwanayku tiyan Israelpa Señor Diosnimpa templontaqa. Ajinata kamachiwarqayku Persiapi kaj rey Ciroqa.

Esdras 6:14

Ajinamanta, judiokunata kamachejkunaqa, mosojmanta ruwasharqanku chay templota ruwallarqankupuni, profeta Hageoj nisqanman jina, chanta, Idompa wawan Zacarías profetaj nisqanman jinataj. Mosoj temploqa tukuychasqa karqa Israelpa Diosnin kamacherqa chayman jina. Chantapis, Persiamanta reykuna: Ciro, Darío, Artajerjes ima kamachisqankuman jinataj.

Esdras 6:22

Qanchis p'unchay junt'aqa mana levadurayoj t'anta nisqa fiestata may kusiywan ruwarqanku, imaraykuchus Señor paykunata kusicherqa, Persiapi kaj reypa sonqonta paykunaman kutirichimuspa, yanapananampajtaj Diospa templonta ruwaypi. Chay Diosqa, Israelpa Diosnin.

Esdras 6:3

Persianmanta kaj rey Ciroqa, uj watataña kamachishaspa kay jinata kamacherqa: Jerusalempi kaj Diospa templonqa qallarikuchun, ruwasqataj kachun, chaypi uywasta wañuchispa Diosman jaywanapaj. Chay waseqa pataman kanqa, iskay chunka qanchisniyoj metros, anchonmantaj iskay chunka qanchisniyoj metrosllataj.

Esdras 7:27

Chaypacha Esdrasqa Diosta yupaycharqa kay jinata: Tatasniykojpata Diosnenqa Señornintaj yupaychasqa kachun, Pay churarqa reypa sonqompi Jerusalempi kaj Señorpa templonta jatunchanampaj.

Salmos 106:46

Enemigosninkuwampis Señorqa paykunata khuyacherqa, paykunaj makisninkupi kashajtinku.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Isaías 45:1

Ajinata ajllasqa Ciroman Señorqa nin: Noqa qanqa paña makiykimanta jap'erqayki, ñaupaqeykipi nacioneswan kasuchikunaykipaj, tukuy reyesta munayniykipi apaykachanaykipaj. Ñaupaqeykipi punkusta kicharerqani, manataj saqerqanichu punkus wisq'akunanta.

Jeremías 1:1

Hilciaspa wawan Jeremiaspa parlasqasninmanta, ruwasqasninmantawan willaykunas. Benjamín aylloj jallp'ampi Anatot llajtapi, sacerdote ayllus tiyakorqanku. Jeremiastaj chay ujnin kaj ayllumanta karqa.

Jeremías 29:10

Noqa Señor nini: Qanchis chunka watas Babiloniapi junt'akojtinkama, qankunaman kutisqatañataj ruwasaj. Qankunata kay cheqaman kutichimunay karqa chayta junt'asaj.

Ezequiel 38:5

Persia llajtamanta kajkuna, Cusmanta kajkuna, Futmanta kajkunapis paykunawan kanqanku, tukuyninkutaj escudosniyojkuna, fierro monterayojtaj renqanku.

Daniel (hebreo) 1:21

Danieltaj chay llajtapi qhepakorqa, rey Ciro uj watata rey kayninta junt'anankama.

Daniel (hebreo) 2:1

Nabucodonosorpata ashkha mosqoynin tiyaporqa iskay wataña rey kashajtin. Chayrayku payqa anchata llakikuspa mana puñuyta aterqachu.

Daniel (hebreo) 6:25

Chanta rey Darioqa, qelqarqa tukuy nacionespi kaj runakunaman, tukuy llajtasman, kay pachapi kaj tukuy parlayniyojkunamantaj, kay jinata nispa: Munani qankuna sonqo tiyasqas kakunaykichejta, tukuy imapitaj allin risunaykichejta.

Daniel (hebreo) 9:2

Ñaupaj kaj watata rey kashajtin, noqa Daniel, Diospa palabranta leekusharqani profeta Jeremiaspa librompi, qanchis chunka watas junt'akuna kasqanta Jerusalén urmanampaj, profeta Jeremiasman Señorpa nisqanman jina.

San Juan 1:23

Juantaj nerqa: Noqa kani ch'innejpi qhaparej: “Señorpa ñanninta cheqanyachiychej”, nispa, profeta Isaiaspa nisqanman jina.