Efesios 6:11 - Qheshwa Biblia DC

¹¹ Diospa maqanakunasninwan, p'achawan jina p'achallikuychej; chaykunawantaj, supay urmachiyta munasojtiykichej sinch'ita sayanaykichejpaj.

DIOSPA QHELQACHISQAN DEUTEROCANONICAL

¹¹ Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

DIOSPA QHELQACHISQ

¹¹ Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

Quechua South Bolivia: Dios Parlapawanchej

¹¹ Imaynachus soldadoka makanacuna p'achaswan p'achalliycucun atipananpaj, ajinallataj kancunapis Diospa tucuy makanacuna p'achasninwan p'achalliycucuychej. Ajinapi supay Satanaspa urmachej sajra yuyaskasninpa contranpi sinch'ita sayayta atinquichej.

Efesios 6:11 Iomraidhean Croise

Nehemías 4:13

Kamacherqanitaj runasta sapa familiamanta perqa wasasman pakaykukunankuta, chay t'oqosnimpi, chay q'asasnimpipis, sapa ujpis espadasninkuwan, lanzasninkuwan, armasninkuwan ima.

Marcos 13:22

Rikhurimonqankutaj llullamanta Cristos, llullamanta profetas ima. Paykunataj señalesta, milagrosta ima ruwaspa, runasta ch'aukiyanqanku, atispaqa Diospa ajllasqasnintinta.

Romanos 13:12

Tutaqa tukukapushanña, p'unchaytaj qayllamushan. Chayrayku amaña ruwanachu laqhayaypa ruwanasninta, astawanqa Diospa k'anchaynimpa maqanakunasninwan p'achallikuna.

Romanos 13:14

Astawanqa Señor Jesucristomanta p'achallikuychej; amataj aychaj munayninta ruwaychejchu.

1 Corintios 10:13

Qankunaqa kallpaykichejman jinalla tentaciontaqa aguantankichej. Diosqa cheqamin, manataj saqesonqachejchu tentasqa kanaykichejta, mana atipay atina tentacionwanqa. Astawanqa tentación jamojtin, Diosllataj yanapasonqachej imaynatachus chay tentacionmanta llojsinaykichejta, ajinapi atipayta atinaykichejpaj.

2 Corintios 10:4

Maqanakunayku armasqa, mana aychaman jinachu, astawanqa Diospa atiyninwan thuñinaykupaj sinch'i jark'akuna wasista.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

2 Corintios 6:7

Cheqa kaj palabrawan, Diospa atiyninwan, cheqa kaj armasta oqharikuspa pañamanta lloq'eman kutichikuspa.

Efesios 4:24

Chay mosoj runamanta p'achawan jina p'achallikuychej; mayqenchus Diosman jina ruwasqa karqa, cheqan kaypi, llimphu kaypi, cheqa kaypitaj.

Efesios 6:13

Chayrayku Diospa tukuy maqanakunasninta jap'iychej, sajra p'unchaypi sinch'ita sayanaykichejpaj. Kayta ruwaspataj sinch'ita sayaychej.

1 Tesalonicenses 5:8

Noqanchejrí p'unchaypata kaspa, ch'aki sonqos kana, fewan, munakuywantaj p'achallisqas, fierro pechoquerawan jina; salvación suyakuywantaj, monterawan jina.

Hebreos 7:25

Chayrayku payqa atin wiñaypaj salvayta, paynejta Diosman qayllakojkunata. Payqa kausallanqapuni paykunapaj Diosmanta mañapuspa.

Santiago 4:7

Astawan Diosta kasuychej. Supaypa contrampi sayakuychej. Paytaj qankunamanta ayqekonqa.

1 Pedro 5:8

Maychus kajta kausakuychej, allinta qhawakuspa; imaraykuchus chejnisojniykichej supayqa, león jina qhaparqachaspa muyupayashasunkichej, mayqellantapis oqoykunampaj.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Apocalipsis 12:9

Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

Apocalipsis 2:24

Tiatirapi kajkunamantaqa wakin mana chay millay yachaykunata qhaterqankichejchu. Mana yachakorqankichejchu imatachus chaykuna Satanaspa pakasqa imasninta ninku chayta. Noqaqa niykichej: Mana waj q'epita pataykichejman churaykusajchu, nispa.

Jueces 3:2

Señorpuni saqerqa israelitas maqanakuyta yachanankupaj chay pischus ni jayk'aj maqanakuman chayarqankuchu chaykunapaj.