Efesios 5:5 - Qheshwa Biblia DC

⁵ Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

DIOSPA QHELQACHISQAN DEUTEROCANONICAL

⁵ Kayta sut'ita yachaychej: Khuchiriyopi purej, millay kajta ruwaj, chayrí qolqemanta wañusqa kajqa mana yaykonqachu Cristojta, Diospatawan kamachiyninman. Qolqemanta wañusqa kajqa lantita yupaychajpis kanman jina, imajtinchus kay pachapi kajta yupaychan.

DIOSPA QHELQACHISQ

⁵ Kayta sut'ita yachaychej: Khuchiriyopi purej, millay kajta ruwaj, chayrí qolqemanta wañusqa kajqa mana yaykonqachu Cristojta, Diospatawan kamachiyninman. Qolqemanta wañusqa kajqa lantita yupaychajpis kanman jina, imajtinchus kay pachapi kajta yupaychan.

Quechua South Bolivia: Dios Parlapawanchej

⁵ Janaj pachapi Cristoka Dioswan camachin. Sumajta yachanquichejtaj: Manamin khencha, ni millay caj, nitaj munapayajpis janaj pachapi wiñay causayta jap'enkachu. Chay munapayayka ruwaska diosta yupaychaywan quiquinmin.

Efesios 5:5 Iomraidhean Croise

Éxodo 20:17

Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

Hechos 20:32

Kunantaj Diosman saqeykichej, sonqochaj palabranman ima. Payqa atiyniyoj kallpachanampaj, chayaqeykichejta pis qonampaj tukuy ajllasqasman ima.

Hechos 8:21

Kay ruwanapeqa mana kanchu parteyki nitaj suerteyki. Sonqoykeqa mana cheqanchu kashan Diospa ñaupaqempi.

Gálatas 5:19

Sut'i kanku aychaj ruwasqasnenqa: Qhenchachakuy, ch'ichichakuy, millay puriy, lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, waj yachachiykunata kasuy, chhoqonakuy, [runa wañuchiy,] machaykuna, qhochukuspi puriykuna, kayman rijch'akojkunapi ima. Chaykunata niykichej ama ruwanaykichejta, imaraykuchus ñaupajta nerqaykichejña. Kaykunata ruwajkunaqa Diospa chayaqenta mana jap'enqankuchu.

Efesios 5:3

Ama kachunchu qhenchachakuy, tukuy ch'ichi kay, chayrí munapayay ima. Chaykunataqa ama parlarillaychejpischu, imaynatachus Diospa ajllasqasnimpaj allin kan, ajinata.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

1 Timoteo 6:10

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.