Efesios 4:16 - Qheshwa Biblia DC

¹⁶ Paynejta tukuy cuerpoqa allin wakichisqa kashan. Pay kikimpi tukuy iman sumaj t'inkisqa ankuswan ujllaman tukunku, yanapanakuspa maychus sapa uj ruwasqanman jina; sayankutaj munakuypi sayachinakuspa.

DIOSPA QHELQACHISQAN DEUTEROCANONICAL

¹⁶ Cristomin Iglesiamanta tukuy kajkunata sumajta ujchaykun, sapa uj imachus ruwanankuta ruwajtinku. Ajinamanta sapa uj imachus ruwananta junt'ajtin, wajkuna wiñanankupaj yanapan. Jina kajtintaj, tukuy ukhu qhalilla wiñan, munakuywantaj junt'asqa kashan.

DIOSPA QHELQACHISQ

¹⁶ Cristomin Iglesiamanta tukuy kajkunata sumajta ujchaykun, sapa uj imachus ruwanankuta ruwajtinku. Ajinamanta sapa uj imachus ruwananta junt'ajtin, wajkuna wiñanankupaj yanapan. Jina kajtintaj, tukuy ukhu qhalilla wiñan, munakuywantaj junt'asqa kashan.

Quechua South Bolivia: Dios Parlapawanchej

¹⁶ Umanchej Cristoman allin c'ascaskataj sumaj casachiskataj cuerponka wiñan ujcuna ujcunanejta. Umaj callpachaskanmanjina waquichiska sapa uj ruwan maychus ruwananta tucuy cuerpon munacuypi wiñacunanpaj.

Efesios 4:16 Iomraidhean Croise

San Juan 15:5

Noqa uva sach'a kani, qankunataj ramas kankichej; pillapis noqapi kakojqa, noqataj paypi, chaymá ashkha poqoytaqa apan. Mana noqawanqa, mana imatapis ruwayta atinkichejchu.

Romanos 12:4

Cuerponchejpeqa ashkha partes tiyan, manataj tukuyninkuchu uj rejllata ruwanku.

1 Corintios 10:17

Ujlla t'anta kajtin, noqanchejtaj ashkhas kaspa uj cuerpolla kanchej, imaraykuchus tukuyninchej uj t'antallamanta mikhunchej.

1 Corintios 13:13

Kunanqa kashan fe, suyay, munakuy; kay kinsa kajkunamanta astawan kurajqa munakuy.

1 Corintios 8:1

Lantikunaman mikhuna jaywasqasmanta tukuy yachanchej; chay yachaytaj qhasi mana kajta umata oqharichin; munakuyrí Espirituman jina wiñachin.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Efesios 3:17

Creesqaykichejrayku Cristo sonqoykichejpi tiyakuchun, munakuypi sumaj saphinchasqas sayanaykichejpaj.

Efesios 3:7

Chay evangeliota willanaypajtaj noqa churasqa karqani, mana chaypaj jina kashajtiypis. Chaytarí ruwarqa Dios atiyninman jina.

Efesios 4:15

Chayrayku cheqa kajta qhatikuspa, munakuypi Cristowan khuska wiñana tukuy imapi; imaraykuchus Cristomin umaqa.

Filipenses 1:9

Kaytataj mañani Diosmanta, munakuyniykichej astawan ashkhayanampaj, astawanqa yachaypi, tukuy ima rejsiypitaj.

Colosenses 2:19

Paykunaqa Cristota mana kasunkuchu. Cristoqa uma kasqanrayku iglesiata tukuy cuerponta jina mikhuchin, ankuswan t'inkispataj wiñachin Dios wiñayta qosqanman jina.

Colosenses 2:2

Munani sonqosninku kallpachasqas kanankuta, munakuypi ujchasqas, qhapaj suyaytataj tarinankupaj. Ajinamanta Diospa pakasqa yachayninta rejsinankupaj. Chaytaj Cristo.

1 Tesalonicenses 1:3

Dios Tatanchejpa ñaupaqempi mana samaspa, yuyarikuykupuni feniykichejpa ruwayninmanta, munakuywan llank'asqaykichejmanta, Señorninchej Jesucristopitaj, pacienciakuywan suyakusqaykichejmanta.

1 Tesalonicenses 2:13

Chayrayku noqaykupis mana samaspa Diosman graciasta qoyku, maypachachus Diospa palabranta jap'isharqankichej noqaykumanta uyarispa; chaypacha mana runakunaj palabranta jinachu, cheqamanta Diospa palabranta jina jap'erqankichej. Chay palabrataj qankuna creejkunapi llank'ashan.

1 Tesalonicenses 3:12

Señortaj qankunata munakuywan junt'achichun, ashkhayachichuntaj qankuna ukhupi, wajkuna ukhupipis; imaynatachus noqaykupis qankunata munakuyku, ajinata.

2 Tesalonicenses 1:3

Qankunamanta hermanos, Diosman graciasta qonaykupuni tiyan, maychus cheqan kasqanman jina; imaraykuchus feniykichej ashkhata wiñashan, jinallatataj sapa ujniykichejpa munakuyniykichejpis, qankuna ukhupi mayta yapakushan, jinallatataj wajkuna ukhupipis.

1 Timoteo 1:5

Kay kamachiypa yachachiynenqa munakuymin; chaytaj llimphu sonqomanta llojsimun, allin concienciamanta, cheqa creeymantataj.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Juan 4:16

Noqanchej rejsinchej, creenchejtaj Dios munakuwasqanchejta. Diosqa munakuymin. Munakuypi kajqa Diospi kashan, Diostaj paypi.