Efesios 2:4 - Qheshwa Biblia DC

⁴ Diosqa khuyakuypi qhapaj kaspa munakuwarqanchej chay jatun munakuyninwan.

DIOSPA QHELQACHISQAN DEUTEROCANONICAL

⁴ Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

DIOSPA QHELQACHISQ

⁴ Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Quechua South Bolivia: Dios Parlapawanchej

⁴ Diosrí qhuyacuyninpi ancha khapaj caspa maytapuni munacuwarkanchej.

Efesios 2:4 Iomraidhean Croise

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Salmos 145:8

Señorqa llamp'u sonqoyoj, khuyakuyniyojtaj, mana phiñakullanchu, jatun munakuyniyoj,

Salmos 51:1

Munakuwasqaykirayku, Diosníy, khuyakuway. Khuyaj sonqo kasqaykiwantaj, tukuy juchasniyta pampachay.

Salmos 86:15

Qanrí, Señor, llamp'u sonqoyoj Dios kanki, pacienciayoj, jatun munakuyniyoj, cheqantaj.

Salmos 86:5

Qanqa k'acha kanki, perdonankitaj, qanta wajyakojkunapaj jatun munakuyniyoj kanki.

Éxodo 33:19

Señortaj kuticherqa: Noqa k'acha sonqo kayniyta ñaupaqeykipi rikuchisqayki. Chaymanta Señor sutiyta oqharisaj. Chaypi khuyakuyniyta rikuchisaj pimanchus munasqayman; jinallataj tukuy munakuyniywan yanapasaj pitachus munasqayta.

Isaías 63:7

Noqaqa Señorpa khuyakuyninmanta yuyarikusajpuni, Señorta yupaychanasmanta, Señorpa kamachiwasqanchejman jina; chay jina atiyninta israelitasman rikuchisqanmanta, jatun khuyakuyninta, munakuynintataj rikuchiwasqanchejmantawan.

Jeremías 31:3

Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

Daniel (hebreo) 9:9

Señor Diosniyku, qampi kashan khuyakoyqa, juchasta pampachaypis. Noqaykoqa contraykita sayarerqayku.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

San Lucas 1:78

Diosninchejqa, khuyakoj sonqonrayku, patamantapacha k'anchamuspa watukuwarqanchej.

Romanos 10:12

Judío runawan, griego runawanqa uj rejlla kanku. Ujlla Señorqa tukuypata, qhapajtaj tukuy payta wajyakojkunapaj.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

Romanos 5:8

Chay tukuywampis Dios munakuyninta rikuchiwanchej, juchasapasllaraj kashajtinchej, Cristoqa wañorqaña noqanchejrayku.

Romanos 9:23

Ajinata ruwarqa janaj pachapi qhapaj kayninta rikuchinampaj, khuyakuyninmanta kajkunaman. Kaytaqa ñaupajmantaña wakicherqa janaj pacha k'anchaynimpi paykunapis kanankupaj.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Efesios 2:7

Kayta ruwarqa, jamoj p'unchaykunapi qhapaj khuyakuyninta, munakuynintawan noqanchejpaj Cristo Jesuspi rikuchinampaj.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

2 Tesalonicenses 2:13

Noqaykoqa qankunamanta Diosman graciasta qonaykupuni tiyan, Señorpi munasqa hermanosníy, imaraykuchus Diosqa qankunata qallariymantapacha ajllasorqachej salvaciompaj, Espíritoj llimphuchaynimpi, cheqa kaj fepitaj.

1 Timoteo 1:14

Señorninchejpa khuyakuynintaj astawan ashkhayarqa fewan, munakuywan ima Cristo Jesuspi.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.