Efesios 2:11 - Qheshwa Biblia DC

¹¹ Chayrayku qankuna aychaman jina gentiles kasqaykichejta yuyarikuychej, unayqa mana circuncidasqas sutichasqas kasqaykichejtawan. Ajinata sutichasorqachej makiwan aychapi circuncidasqas kajkuna.

DIOSPA QHELQACHISQAN DEUTEROCANONICAL

¹¹ Ama qonqaychejchu qankuna mana judiokuna ñawpajta imaynachus kasqaykichejta. Judiokunaqa alqochakuspa jina mana circuncidasqamanta rejsisorqachej. Paykuna circuncidasqa kasqankumanta mayta runaykachanku, ukhullanku, manataj sonqonkuchu circuncidasqa kashajtinpis.

DIOSPA QHELQACHISQ

¹¹ Ama qonqaychejchu qankuna mana judiokuna ñawpajta imaynachus kasqaykichejta. Judiokunaqa alqochakuspa jina mana circuncidasqamanta rejsisorqachej. Paykuna circuncidasqa kasqankumanta mayta runaykachanku, ukhullanku, manataj sonqonkuchu circuncidasqa kashajtinpis.

Quechua South Bolivia: Dios Parlapawanchej

¹¹ Yuyaricuychej kancunaka mana israelcunamantachu nacecorkanquichej. Israelcunapaj kancunaka mana circuncidaskacuna sutichaska canquichej. Paycunaka circuncidaskacuna sutichacuncu. Chay señalta cuerpopi ruwancu camachiskasnincumanjina Diospa runasnin caskancuta ricuchinancupaj.

Efesios 2:11 Iomraidhean Croise

Ezequiel 20:43

Chaypitaj yuyarikunkichej tukuy mana allinta purisqaykichejmanta, sajra imasta ruwaspa ch'ichichakusqaykichejmantawan. Qankuna kikiykichejtataj millachikunkichej tukuy juchasniykichejmanta.

Ezequiel 36:31

Chaypachataj, mana allin purisqaykichejmanta, sajra imasta ruwasqaykichejmantawan yuyarikunkichej. Qankuna kikiykichej sajra purisqaykichejmanta, mana allin imasta ruwasqasniykichejmantawan p'enqakunkichej.

San Mateo 20:7

Paykunataj kuticherqanku: Mana pipis mink'akuwaykuchu. Paytaj nerqa: Qankunapis uvas chajrayman riychej llank'aj.

Romanos 11:17

Wakin judiosqa, olivo sach'aj ramasnin jina p'akirasqas karqanku. Qanqa monte olivo kashaspa, chay p'akirasqa palqasman t'inkisqa karqanki. Chaynejta cheqa olivoj saphinmanta, qhapaj kausayninmantawan kausayta paykunawan khuska ch'onqanaykipaj.

Romanos 2:26

Mana circuncidasqa kaj, leypa kamachisqanta waqaychanman chayqa, mana circuncidasqa kasqaykeqa, circuncidasqapis kawaj jina.

Romanos 2:27

Pichus cuerpompi mana circuncidasqa kajqa, leypa nisqanta waqaychan. Paytaj juchachasonqa, leypi escribisqa kajwan, circuncidasqa kasqayki leyta p'akisqaykimanta.

1 Corintios 12:2

Qankuna yachankichej, gentilesllaraj kashaspa, chay copa lantikunaman pusachikoj kankichej.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

Gálatas 2:15

Noqaykoqa nacisqaykumantapacha judíos kayku, manataj gentilesmanta juchasapaschu kayku.

Gálatas 6:12

Tukuy, aychaj munayninta ruwajkunaqa, munanku circuncidachikunaykichejta, ama Cristoj cruzninrayku qhatiykachachikunankupaj.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

Efesios 5:8

Ñaupajtaqa laqhapi karqankichej, kunanrí Señorpi k'anchay kankichej. Puriychejtaj k'anchaypa wawasnin jina.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Deuteronomio 16:12

Yuyarikuychej qankunapis Egiptopi kamachis kasqaykichejta; chayrayku kay kamachiykunataqa junt'aychejpuni.

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.

Deuteronomio 8:2

Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

Deuteronomio 9:7

Yuyarikuychejpuni Señor Diosniykichejta ch'in pampapi phiñachisqaykichejta, Egiptomanta llojsimuqaykichejmantapacha, kay jallp'aman chayamunaykichejkama, Señorpa contranta oqharikorqankichej.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Colosenses 1:21

Qankunapis jinallataj ñaupajta karqankichej, karunchasqas yuyayniykichejpi, Diospa enemigosnin, sajra imasta ruwaspa. Kunantaj Dioswan allinyasqasña kankichej.

Colosenses 2:11

Jinallataj paypi circuncidasqas kankichej, mana makiwan ruwasqawanchu. Qankuna aychaj juchanta wijch'orqankichejña, Cristopi circuncidachikuspa.

Colosenses 2:13

Qankunatapis juchapi wañusqas kashajtiykichej, aychaykichejpitaj manaraj circuncidasqas kashajtiykichej, Dios paytawan khuska kausarichimusorqachej, tukuy juchasniykichejta pampachaspa.

Colosenses 3:11

Mana kanchuña griego, judío, circuncidasqa, mana circuncidasqa, mana llajtayoj runa, k'ita runa, kamachipis, mana kamachipis. Manachayqa Cristomin tukuy ima, tukuypitaj kashan.

1 Samuel 17:26

Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.