Efesios 1:18 - Qheshwa Biblia DC

¹⁸ Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.

DIOSPA QHELQACHISQAN DEUTEROCANONICAL

¹⁸ Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

DIOSPA QHELQACHISQ

¹⁸ Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

Quechua South Bolivia: Dios Parlapawanchej

¹⁸ Ajinapitaj sonkoyquichejpi reparaspa yachanquichej may sumaj may khapaj causaypaj Dios wajyasuskayquichejta. Chay janaj pachapi causayta suyasunchej Diospa t'akaska runasninwan cusca, niskanmanjina.

Efesios 1:18 Iomraidhean Croise

Job 42:5

Kunankama, uyarispalla qantaqa rejserqayki, kunanqa kikin ñawisniywan rikuyki.

Salmos 119:18

Ñawisniyta kichariy qhawanaypaj chay jina k'acha kamachisqasniykita.

Isaías 11:2

Chaypa patampi Señorpa Espíritun samarikonqa, chaytaj qonqa yachayta, yuyayta, yuyaychayta, atiyta, tukuy imata rejsiyta, Señorta manchachikuyta ima.

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 29:18

Chaypacha libromanta leesqa palabrasta joq'aras uyarenqanku, ciegospis laqha ukhupi kaspa sut'ita rikonqanku.

Isaías 32:3

Rikojkunaj ñawisnenqa mana chharpuyanqachu, uyarejkunaj ningrisninkupis sumajta uyarenqanku.

Isaías 42:7

Noqa wajyayki ciegosta qhawarichinaykipaj, carcelpi kajkunata orqhomunaykipaj, laqhayaj wasipi jap'isqa tiyajkunata sut'iman orqhomunaykipaj.

Isaías 6:10

Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

San Mateo 13:15

Kay runaspa sonqonqa rumiyasqa. Nak'ayllata uyarinku. Ñawisninkuta, ningrisninkutapis wisq'anku. Paykunachus ñawisninkuwan qhawankuman, ningrisninkuwan uyarinkuman, sonqonkuwantaj kutirimuwankuman chayqa, chaypacha noqaqa paykunata thañichiyman.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

San Lucas 24:45

Chaymantataj sut'incharqa, allinta unanchanankupaj Diospa palabranta; nispa: Ajina escribisqa kashan, jinatapuni Cristoqa ñak'arinan karqa; chantataj wañusqakuna ukhumanta kausarimunan karqa kinsa p'unchayninman.

Hechos 16:14

Ujnin warmitaj Lidia sutiyoj karqa, Tiatira llajtamanta. Payqa qhatoj may sumaj puka kulli generosta, Diostataj yupaychaj. Señortaj Lidiaj sonqonta kicharerqa, Pabloj nisqanta uyarinampaj.

Romanos 11:29

Diospa qosqasnenqa, wajyaynimpis mana qhechukuyniyojchu.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Gálatas 5:5

Noqaykoqa Espiritunejta, fenejtataj suyayku, Dios mana juchayojta jina rikhurichinawaykuta.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Efesios 2:12

Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.

Efesios 3:16

Janaj pacha qhapaj kayninman jina qosunkichej atiyta, Santo Espiritunejta kallpachasqas kanaykichejpaj.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Efesios 4:1

Noqa Señorninchejrayku presochasqa kani. Mañaykichej allinta purinaykichejta Diospa wajyasqasnin jina, ajllasqasnin jinataj.

Efesios 4:4

Tiyan uj cuerpolla, uj Espiritulla, imaynatachus uj suyayllaman wajyasorqachej, ajinata.

Efesios 5:8

Ñaupajtaqa laqhapi karqankichej, kunanrí Señorpi k'anchay kankichej. Puriychejtaj k'anchaypa wawasnin jina.

Filipenses 3:14

Ñaupajman rishani chayanaman chayanaykama t'inkata jap'inaypaj, patamanta Dios wajyawarqa Cristo Jesuspi, chayman.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Colosenses 1:5

Janaj pachapi suyakuyniykichejqa qankunapaj waqaychasqa kashan. Chaymantaqa uyarerqankichejña evangelioj cheqa kaj palabrannejta.

Colosenses 2:2

Munani sonqosninku kallpachasqas kanankuta, munakuypi ujchasqas, qhapaj suyaytataj tarinankupaj. Ajinamanta Diospa pakasqa yachayninta rejsinankupaj. Chaytaj Cristo.

Colosenses 3:15

Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.

1 Tesalonicenses 2:12

Umachajtaj kayku, Diospa wawasnin jina purinaykichejta; payqa wajyasorqachej reinonman, k'anchayninmantaj.

1 Tesalonicenses 5:8

Noqanchejrí p'unchaypata kaspa, ch'aki sonqos kana, fewan, munakuywantaj p'achallisqas, fierro pechoquerawan jina; salvación suyakuywantaj, monterawan jina.

2 Tesalonicenses 1:11

Chayrayku, mañakuykupuni Diosninchej allimpaj jap'isunaykichejta, wajyayninman jina; junt'anantataj tukuy k'acha munayninta, creespa ruwasqaykichejtapis paypa atiyninwan.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

Tito 2:13

Yachachillawanchejtaj suyananchejta chay kusikuyniyoj p'unchay jamunanta, maypachachus jatun Dios Salvadorninchej Jesucristo janaj pacha k'anchayninwan rikhurimunanta.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

Hebreos 10:32

Chayrayku yuyarikuychej ñaupa p'unchaykunamanta, maypachachus k'anchasqaña kaspa, ancha llakiywan maqanakupi karqankichej.

Hebreos 6:4

Manaña atinkuchu juchamanta kutiriyta, pikunachus uj kutita k'anchasqaña kaspa, janaj pacha Diospa qosqantapis jap'erqanku, Santo Espiritunejtapis chayaqepaj jap'erqanku.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.