Efesios 1:13 - Qheshwa Biblia DC

¹³ Qankunapis paynejta cheqa kaj palabrata, salvaj evangeliota ima uyarerqankichej. Paypi creespataj, Diospa qosqayki nisqan chay santo Espirituwan sellasqas karqankichej.

DIOSPA QHELQACHISQAN DEUTEROCANONICAL

¹³ Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

DIOSPA QHELQACHISQ

¹³ Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Quechua South Bolivia: Dios Parlapawanchej

¹³ Kancunapis uyarerkanquichej cheka niskanta imaynachus juchamanta cachariskas canayquichejta. Chay sumaj willanasta uyarispataj Cristopi jap'icorkanquichej. Ajinata jap'icojtiyquichejtaj Diospa sumaj niskanmanjina Santo Espíritu sonkoyquichejta sellarka. Chayka Diospa runasnin caskayquichejta ricuchinanpajmin.

Efesios 1:13 Iomraidhean Croise

Salmos 119:43

Cheqa parlaytaqa ama jayk'ajpis simiymanta qhechuwaychu, imaraykuchus palabraykipi atienekuni.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

San Lucas 11:13

Chayrayku, qankunachus sajra runas kashaspa, allin kajta wawasniykichejman qoyta yachankichej chayqa, mashkhatarajchus janaj pachapi kaj Tataykichejqa Santo Espirituta qonqa mañakojkunaman.

San Lucas 24:49

Qhawaychej noqa kachamusqaykichej, Dios Tatay qosunaykichej karqa chayta; chaykamarí, qhepakuychej Jerusalén llajtapi; patamanta atiywan kallpachasqas kanaykichejkama.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

San Juan 3:33

Pillapis yachachisqanta jap'ikojqa, willallantaj Diosqa cheqapuni kasqanta, imaraykuchus Diospa kachamusqanqa, Diospa palabranmanta parlan, Diosqa Espiritunta mana tupusqata qosqanrayku.

San Juan 6:27

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

Hechos 1:4

Apostolesninwan tantasqa kashaspataj, paykunaman Jesús kamacherqa: Jerusalén llajtamanta ama ripunkichejchu, manachayqa suyaychej Dios Tataj nisqan junt'akunanta; mayqentachus noqamanta uyarerqankichej, kay jinata: Juanqa yakuwan bautizarqa. Kaymanta pisi p'unchaykunamantajrí, qankuna Santo Espirituwan bautizasqa kankichej, nispa.

Hechos 13:26

Hermanos, Abrahampa ayllunmanta kajkuna, qankuna ukhupi Diosta manchachikojkuna ima. Qankunaman Dios apachimusunkichej kay salvaj palabrata.

Hechos 2:33

Ajinamanta Jesusqa Diospa pañanman oqharisqa karqa. Paytaj Santo Espirituta Diospa nisqanman jina jap'erqa. Chaytataj chayacherqa imaynatachus rikushankichej, uyarishankichej jina.

Romanos 1:16

Mana p'enqakunichu evangeliomanta, imaraykuchus evangelioqa Diospa atiynin tukuy creejkunata salvanampaj; ñaupajta judiosta, chaymantataj griegosta.

Romanos 4:11

Circuncisiontaqa jap'erqa uj señalta jina, Diospa cheqan kayninta sellota jinalla fenejta, manaraj circuncidasqa kashaspa; mana circuncidasqa creejkunaj tatanku kanampaj, paykunamampis Diospa cheqan kaynin fenejta qosqa kanampaj.

Romanos 6:17

Ñaupajta juchaj kamachisnin karqankichej. Kunantajrí Diospa khuyakuyninrayku tukuy sonqowan kasunkichejña, chay yachachiy qosqaman jina, mayqempichus yachachisqas karqankichej.

2 Corintios 1:22

Payllataj sellaykuwanchej, qowanchejtaj Santo Espirituta uj señata jina sonqonchejpi.

2 Corintios 6:7

Cheqa kaj palabrawan, Diospa atiyninwan, cheqa kaj armasta oqharikuspa pañamanta lloq'eman kutichikuspa.

Efesios 4:30

Diospa Santo Espiritunta ama llakichiychejchu. Paywan sellowan jina kankichej salvación p'unchaypaj.

1 Tesalonicenses 2:13

Chayrayku noqaykupis mana samaspa Diosman graciasta qoyku, maypachachus Diospa palabranta jap'isharqankichej noqaykumanta uyarispa; chaypacha mana runakunaj palabranta jinachu, cheqamanta Diospa palabranta jina jap'erqankichej. Chay palabrataj qankuna creejkunapi llank'ashan.

2 Timoteo 2:15

K'uchi kaywan Diospaj allimpaj qhawasqa kayta munay, uj llank'aj runa jina, mana imamanta p'enqakuspa; cheqa kaj palabratataj allinta willaspa.

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

2 Timoteo 3:15

Qanqa, wawamantapacha yachakuyta qallarerqanki ajllasqa Escriturasta. Chaykunataj yachayta qosonqanku, salvacionta tarinaykipaj, fenejta Cristo Jesuspi.

Tito 2:11

Dios rikuchiwanchej khuyakuyninta, tukuy runas salvasqas kanankupaj.

Santiago 1:18

Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

1 Pedro 2:10

Ñaupa p'unchaykunapeqa manaraj aylluchu karqankichej, kunanrí Diospa ayllunña kankichej. Jinallataj, ñaupa p'unchaykunapeqa Diospa khuyakuyninta manaraj tarerqankichejchu, kunantaj tarinkichejña.

Apocalipsis 7:2

Rikullarqanitaj waj angelta inti llojsimuynejmanta wicharimojta, kausaj Diospa sellon oqharisqata. Qhaparerqataj sinch'ita chay tawa angelesta, paykunamantaj atiy qosqa karqa, mar qochata, jallp'atawan nanachinankupaj.