Efesios 1:10 - Qheshwa Biblia DC

¹⁰ Cristopi tukuy imata tantayta munarqa, churasqa p'unchaykuna junt'akojtinku, janaj pachapi kajkunata, jinallataj kay pachapi kajkunatapis.

DIOSPA QHELQACHISQAN DEUTEROCANONICAL

¹⁰ Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

DIOSPA QHELQACHISQ

¹⁰ Ajinamanta señalasqa p'unchay chayamojtin, Diosqa janaj pachapi kajkunata, jinallataj kay pachapi kajkunatapis ujllaman tantanqa, chantá Cristoj kamachiyninman churanqa.

Quechua South Bolivia: Dios Parlapawanchej

¹⁰ Chaymanjinataj yuyarka pay quiquinman tucuy imata ujchayta Cristo uma cananpaj. Ajllaskan tiempo junt'acojtin janaj pachapi cajcunata cay pachapi cajcunatapis Cristonejta ujchayta munarka.

Efesios 1:10 Iomraidhean Croise

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Malaquías 3:1

Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

San Mateo 25:32

Tukuynejmantataj tukuy laya runas ñaupaqenman tantakamonqanku. Paytaj ujkunata ujkunamanta t'aqanqa; imaynatachus michejpis, ovejasta cabrasmanta wajman t'aqan, ajinata.

1 Corintios 10:11

Kay tukuy imas qhatirerqa ñaupa tatasninchejta, escribisqapitaj churasqa kashan noqanchej yachananchejpaj, kay qhepa p'unchaykuna kausajkuna.

1 Corintios 11:3

Munani yachanaykichejta Cristoqa tukuy qharispa uman kasqanta, qharitaj warmej uman, Diostaj Cristoj uman.

Gálatas 4:4

Chantá p'unchaykuna junt'akojtintaj, Dios kachamorqa Churinta, ley kamachishajtin, uj warmimanta nacikojta.

Efesios 1:22

Dios tukuy imata Cristoj chakisnin uraman churarqa, tukuy imapi iglesiapi uma kanampaj.

Efesios 2:15

Cristo kikin aychapi chejninakuyta chinkacherqa, leypa kamachisqasninta ruwanapaj churasqasta ima. Pay kikin iskaynin laya runasta mosoj runaman tukucherqa. Ajinapi paykuna ukhupi sonqo samakuyta churaspa.

Efesios 3:15

Tukuy ayllu paymanta jap'in sutita janaj pachapi jinallataj kay pachapipis.

Efesios 3:2

Qankuna uyarerqankichejña, Diospa khuyakuyninmanta qankunawan llank'anaypaj kamachisqa kasqayta.

Colosenses 1:16

Paypi tukuy ima ruwasqa karqa patapi kajkuna, jallp'api kajkunapis; mana rikukojkuna, sut'ipi kajkunapis. Jinallataj tronospis, qhapaj suyuspis, kuraj kamachejkunapis, atiyniyojkunapis. Ajina tukuy ima ruwasqa karqa, paynejta paypajtaj.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

Colosenses 3:11

Mana kanchuña griego, judío, circuncidasqa, mana circuncidasqa, mana llajtayoj runa, k'ita runa, kamachipis, mana kamachipis. Manachayqa Cristomin tukuy ima, tukuypitaj kashan.

Hebreos 1:2

Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

Hebreos 11:40

Diosqa aswan allin imasta noqanchejpaj wakichisharqa; mana noqanchejwan khuskarí, paykunapis mana allinchasqa kayta aterqankuchu.

Hebreos 9:10

Chaykunaqa mikhunasllapi, ujyanasllapi, mayllakunasllapi, aycha jawa churasqas karqanku, allinchay tiempo jamunankama.

1 Pedro 1:20

Cristo chaypaj wakichisqa karqa, manaraj kay pacha ruwasqa kashajtin. Qhepantataj p'unchaykunapi rikhurimorqaña qankunata munakusqanrayku.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.