Eclesiastés 7:2 - Qheshwa Biblia DC

² Llakiy wasiman reyqa aswan allin, kusiy wasiman rinamanta nisqaqa. Runaspa tukukuynenqa wañuypuni, Pichus kausajqa chayta unanchachun.

DIOSPA QHELQACHISQAN DEUTEROCANONICAL

² Wañuy wasiman rina aswan allin raymi wasiman rinamanta nisqaqa, imaraykuchus tukuy runaj tukukuyninchejqa wañuymin. Kawsashajkunaqa chayta yuyarikunanchej tiyan.

DIOSPA QHELQACHISQ

² Wañuy wasiman rina aswan allin raymi wasiman rinamanta nisqaqa, imaraykuchus tukuy runaj tukukuyninchejqa wañuymin. Kawsashajkunaqa chayta yuyarikunanchej tiyan.

Eclesiastés 7:2 Iomraidhean Croise

Salmos 90:12

Yachachiwayku p'unchaykunasniykuta allinta yupayta, yuyayniyoj sonqota jap'inaykupaj.

Eclesiastés 2:14

Yachayniyoj runaqa umampi ñawisniyoj, wampu runarí laqhayajpi purin. Chanta repararqani, chay tukuy imasqa tukuypaj uj rejlla kanqa.

Eclesiastés 2:16

Ni yachayniyojmanta, nitaj wampumantapis wiñaypaj yuyarikunaqa kanchu. Qhepa p'unchaykunamanqa tukuy imas qonqasqa kanqa, ajinallatataj yachayniyojpis wampu runapis wañuraponqanku.

Eclesiastés 3:19

Runaswan uywaswanqa uj rejllapuni rinku: Uywas wañunku, runaspis wañullankutaj, jinallataj samayninkupis iskayninkojta uj rejlla. Runasqa mana uywasmanta astawanchu. Chay tukuy imasqa qhasi manakajlla.

Eclesiastés 3:20

Tukuyninku kikillanmantaj rinku: jallp'amanta ruwasqa kasqankurayku, jallp'allamantaj tukonqanku.

Eclesiastés 6:6

Sichus chay wawaqa iskay waranqa watasta kausanman karqa, tukuy imas kajwan mana kusikuspalla chayqa. Chay tukuywampis manachu tukuyninku rinku chay kikin cheqallanmantaj?

Eclesiastés 9:2

Kay tukuy imasqa uj rejllapuni tukuypajpis: Cheqan runaspaj, juchasapa runaspaj; k'acha runaspaj, llimphu runaspaj, mana llimphu runaspajpis; uywa wañuchisqasta jaywajpaj, mana jaywajpajpis, k'acha kajpaj, juchachakoj kajpajpis; juraj kajpaj mana jurayta munajpajpis.

Eclesiastés 9:3

Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

Eclesiastés 9:5

Kausashajkunaqa wañunankuta yachakunku; wañusqasrí mana imatapis yachankuchu, manataj imatapis tarinkuñachu, imaraykuchus paykunaqa qonqapunku.

Isaías 47:7

Qanqa nerqankitaj: Wiñaypaj noqaqa kamachejllapuni kasaj, nispa. Qanqa kay imasmanta mana yuyarerqankichu, manataj yuyarikorqankichu imaynapichus tukukunaykita.

Jeremías 16:8

Maypichus qhochukusta ruwashanku chay wasiman ama yaykuychu paykunawan tiyaykukuspa mikhoj, ujyajtaj.

Hageo 1:5

Noqa, Tukuy Atiyniyoj Señormin niykichej: Allinta reparakuychej purisqaykichejta.

Números 23:10

Paykunaqa jallp'a t'iyu jina kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman kay cheqan runas jina wañunay, ajinamanta noqaj tukuyneyqa paykunajta jina kanman!

San Mateo 5:4

Kusikuyniyoj kanku waqajkunaqa, imaraykuchus paykunataqa Dios sonqochanqa.

Deuteronomio 32:29

Sichus paykuna yachayniyoj kankuman chayqa, umachakunkuman, imamanchus tukunankuta.

Deuteronomio 32:46

Chaymantataj Moisesqa israelitasman nerqa: Kay tukuy nisqasniyta allinta sonqoykichejpi unanchaychej, kunan nishaykichej chaymanta. Ajinamanta mirayniykichejta kamachinaykichejpaj, tukuy kay leyta waqaychanankuta, junt'anankuta ima.

Filipenses 3:19

Paykunaj tukukuynenqa wañuy, diosninkutaj wijsanku. P'enqaykunata ruwaspa kusikunku. Paykunaqa kay pachapi kajkunallata mask'ashanku.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.