Eclesiastés 4:1 - Qheshwa Biblia DC

¹ Noqa rikuni kay pachapi runasqa tukuy sajra imasta ruwasqankuta. Wajcha runaspa waqasqankuta, mana pipis sonqochaykurej kanchu. Enemigosninkoqa manchayta ñak'arichinku, ni pipis paykunaman sayakoj kanchu sonqochaykurinampaj.

DIOSPA QHELQACHISQAN DEUTEROCANONICAL

¹ Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

DIOSPA QHELQACHISQ

¹ Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Eclesiastés 4:1 Iomraidhean Croise

Job 16:4

Sichus qankuna kunan noqa jina kawajchej chayqa, noqapis qankuna jina parlaykichejman; qankunaj contraykichejta may jinata parlariyman, qankunata kusipayaspa umayta khiwiriyman.

Job 35:9

Runasqa qhaparinku pipis anchakama ñak'arichejtillan, mask'ankutaj chay atiyniyojkunamanta pipis orqhonanta.

Job 6:29

Kunanqa kutirichiychej chay nisqaykichejta, ama sajrasqa kaychejchu, reparaychej cheqan runa kasqayta.

Job 9:24

Kay mundotaqa juchasapaspa makinman jaywan, juezkunaj ñawisninkutataj tapaykun. Sichus mana Dioschu ruwan chayqa, pitaj chantari, maypitaj kashanri?

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

Salmos 142:4

Paña ladoman kutirikuni, mana pipis yanapawaj jamojqa kanchu. Mana pipis kutikuwajqa kanchu. Mana pipis noqata qhawariwajqa kanchu.

Salmos 142:5

Qanmanta qhaparikuyki Señor, niykitaj: Qan pakakunay kanki, tukuy kapuyneyqa qanlla kanki.

Salmos 42:3

Maytaj Diosniykiri?, nispa, sapa rato tapushawajtinku, tuta p'unchay waqaynillay mikhunayqa karqa.

Salmos 42:9

Jark'akuwaj Diosniyta nini: Imaraykutaj qonqawankiri? Imaraykutaj llakisqa purinay tiyan enemigosniypa sarusqanri?

Salmos 69:20

Qhesachawasqankumanta sonqoy llakisqa kashan. Mana kallpayoj, uj jinayasqa kashani. Qhasillata mask'arqani sonqochawajta, noqamanta khuyakojta, manataj tarerqanichu.

Salmos 69:21

Mikhunayman jayaq'eta churaykunku, ch'akiwajtintaj vinagreta ujyachiwanku.

Salmos 80:5

Waqayniykuta mikhuchiwayku, jik'un jik'unta waqasqaykutataj ashkhata ujyachiwayku.

Éxodo 1:16

Hebreas wawata nacechikushajtinku yanapankichej chayqa, allinta qhawankichej, qhari kajtenqa wañuchinkichej; warmi kajtintaj saqellankichej kausajta.

Éxodo 1:22

Chaymanta faraonqa tukuy llajtata wajyachispa nerqa: Kunanqa tukuy qhari wawas nacejkunata mayuman wijch'umuychej, warmi wawastataj saqellaychej kausajta.

Proverbios 19:7

Wajcha runataqa wauqesnimpis chejninku, kausaqesnenqa astawanraj karunchakunku paymantaqa. Chaymantaqa mask'an pipis parlaykurinanta, nitaj pipis kanchu parlapayaykurej.

Proverbios 28:3

Wajchasmanta suwaj runaqa, cosechasta chinkachej llojlla paraman rijch'akun.

Proverbios 29:2

Cheqan kajkuna tukuy imata paykunalla ruwajtinku, runasqa mayta kusikunku. Sajra runaslla imapipis ñaupajpi kajtinku, runasqa mayta llakikunku.

Eclesiastés 3:16

Kay pachapi rikuni, cheqan imasta ruwaykunamantaqa millay ruwaykunalla tiyasqanta. Imapis cheqan kananmantaqa sajra kajlla tiyan.

Eclesiastés 5:8

Sichus may naciompi wajchasta ñak'arichejta rikunki, cheqan kajtapis mana kajman tukuchejta, jinallataj cheqanchaypis mana kajtenqa, ama chaykunamanta mancharikunkichu. Paytaqa uj kuraj kaj qhawamushan, paytataj uj aswan kuraj kajñataj qhawamushan, paytapis aswan kuraj kaj patamanta qhawamushallantaj.

Eclesiastés 7:7

Cheqamanta sajra ruwaykunaqa yachayniyojta wampuykachachin; lluk'iykunataj sonqonta waj jinayachin.

Eclesiastés 8:9

Chay tukuy imasta yacharqani, kay pachapi imaschus ruwakun chaykunata tukuy sonqoywan allinta unanchaspa. Mayk'ajpis runaqa, runa masinta kamachin, paypa mana allinnillampajtaj.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Isaías 51:23

Chaytataj llakichisunki chaykunamanñataj qosaj, pikunachus pampaman siriykuy, pataykita purinaykupaj, nisunku chaykunaman. Qantaj paykunata kasuspa pampaman sirerqanki, paykunataj pataykita ñanta jina purerqanku.

Isaías 59:7

Chakisninkoqa sajra ruwanallapaj corren, usqhayta rinku mana juchayojta qhasimanta wañuchinankupaj. Yuyayninkupeqa sajra ruwayllapuni junt'a kashan. Maypichus purisqankupeqa mana allin imasta ruwaspa, may llakiyta saqerparinku.

Jeremías 16:7

Chay wañojpa ayllusninta sonqochaykunampaj mana pipis qorpachakusta ruwanqachu, nitaj tatan wañupojtin, chayri maman wañupojtimpis.

Lamentaciones 1:16

Chayrayku noqaqa manchayta waqarikuni; ñawisniymanta waqayqa sururishan. Mayta kusichispa sonqochawajneyqa saqerpariwan. Wawasneyqa tukuynin wañurachisqas kanku, enemigosniykutaj atipawaykupuni.

Lamentaciones 1:17

Sión llajtaqa makisninta jaywarikamun, manataj pipis kanchu payta sonqochaykurej. Señorqa uj kamachiyta Jacobpa contranta orqhomorqa, qayllampi kaj llajtasllataj enemigosnin kanankupaj. Jerusalenqa paykunaj chaupinkupi millachikunaman tukun.

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Amós 3:10

Señorqa nin: Mana yachankuchu imatapis allinta ruwayta, palaciosninkupitaj kallpawan mithaspa suwasqasninkuta waqaychanku.

Amós 3:9

Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

Malaquías 2:13

Qankunataj chaymantapis aswan imastaraj ruwankichej. Señorpa altarninta waqaywan p'ampaykunkichej, jatun ayqoywantaj waqankichej, imaraykuchus Señorqa ofrendaykichejta manaña tukuy sonqowanchu jap'ikun.

Malaquías 3:18

Chaypacha qankuna ujtawan reparakunkichej, imachus allin, imatajchus mana allin kasqanta, reparakunkichejtaj pichus Diosta yupaychasqanta, pitajchus Diosta mana yupaychasqantawan.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 26:56

Kay tukuy imaqa ruwakun profetaspa escribisqan junt'akunampaj. Chaymantataj tukuynin yachachisqasnin saqerpayaspa ayqerqanku.

Deuteronomio 28:33

Jallp'asniykichejpi llank'aspa poqochikusqaykichejta mana rejsisqaykichej runas mikhonqanku. Sapa kuti sarusqas, k'umuykuchisqas kankichej.

Deuteronomio 28:48

Señorpa kachamusqan enemigosniykichejpa kamachisqasninta ruwankichej. Chantapis yarqhayniyoj, ch'akiyniyoj, pisi p'achayoj ima kankichej, tukuy imataj pisisonqachej. Señor sinch'ita llakichisonqachej chinkanaykichejkama.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.

Jueces 4:3

Jabimpata isq'on pachaj fierromanta carrosnin karqa, iskay chunka watastaña israelitasta sinch'i llakiypi ñak'arichisqa, chayrayku paykunaqa Señormanta yanapayninta mañakuspa qhaparikorqanku.