Apocalipsis 9:21 - Qheshwa Biblia DC

²¹ Manataj kutirikorqankuchu juchasninkumanta, runata wañuchisqankumanta, layqachisqankumanta, qhenchachakusqankumanta, suwasqasninkumanta ima.

DIOSPA QHELQACHISQAN DEUTEROCANONICAL

²¹ Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

DIOSPA QHELQACHISQ

²¹ Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

Quechua South Bolivia: Dios Parlapawanchej

²¹ Chaywanpis chay runaska mana sakerkancuchu runa wañuchiyta, ni laykayta, ni khenchachacuyta, ni suwacuyta. Ajinallatapuni causasharkancu.

Apocalipsis 9:21 Iomraidhean Croise

Isaías 47:12

Kunanqa yatirisniykiwan layqasniykiwan, ima, kallaypuni. Chaykunata qanqa ruwachej kanki sipas kasqaykimantapacha. Ichapis allin risonqa, ichapis runaswan allimpi qhawachikuwaj ari.

Isaías 47:9

Chay iskaynin llakiykuna ujllata uj p'unchayllapi qhatirisonqa, ujllapi mana wawasniyoj, mana qosayojtaj rikhurinki. Chay jina yatirisniyoj, layqasniyoj kashajtiykipis, chay llakiykunaqa kaymanta jinalla chayamusonqa.

Isaías 57:3

Qankuna layqa warmej wawasnin jamuychej kayman. Qankunaqa millay qhencha warmej miraynin.

Daniel (hebreo) 11:33

Llajtapi kaj yachayniyojkunaqa, ashkha runasta yachaykuchenqanku. Chay yachayniyojkunatataj wakinta ruphachenqanku, wakinmantataj tiyapuyninta suwanqanku, wakinkunataj apasqas kanqanku. Pisi tiempollata ajina kanqa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 15:19

Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

Apocalipsis 13:13

Manchay jatuchaj rikuchinasta ruwarqa, ninatapis janaj pachamanta kay pachaman uraykuchimorqa runaspa ñaupaqenman.

Apocalipsis 13:15

Payman atiyta qorqanku, phiña animalpa lantinman kausaj espirituta qonampaj, lantintaj parlanampaj. Kamacherqataj phiña animalpa lantinta yupaychanankuta, mana yupaychajtarí wañuchinankuta.

Apocalipsis 13:7

Payman qollarqankutaj Diospaj ajllasqasninwan maqanakuspa atipanampaj. Ajinallatataj aterqa kamachiyta tukuy ayllusta, llajtasta, waj laya parlaykunapi parlajkunata, tukuy runasta ima.

Apocalipsis 14:8

Waj angeltaj payta qhaterqa, nispa: Urmanña, urmanña jaqay jatun Babilonia llajta, pichus millay qhenchachakuy vinonta tukuy llajtasman ujyacherqa, chay.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Apocalipsis 17:2

Paywan jallp'api kaj reyes qhenchachakorqanku, kay pachapi tiyakojkunapis qhenchachakusqan vinowan machaykorqanku.

Apocalipsis 17:4

Warmitaj kulli puka p'achawan p'achallisqa karqa, qoriwan k'achanchasqa, k'anchaj, qhapaj rumiswan, walqaswan ima allinchasqa; makimpitaj qori copayoj millaykunawan junt'asqa, qhenchachakusqampa ch'ichinwan ima.

Apocalipsis 17:5

Frentempitaj uj suti escribisqa karqa: Pakasqa yachay, jatun Babilonia, qhenchachakoj warmispa maman, kay pachapi millaykunajtapis.

Apocalipsis 18:3

Tukuy llajtakuna ujyarqanku qhenchachakusqampa vinota. Kay pachapi reyestaj paywan qhenchachakorqanku. Kay pachapi qhatojkunapis kusiy kausaypa atiyninwan qhapajyarqanku.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.