Apocalipsis 9:14 - Qheshwa Biblia DC

¹⁴ Nerqataj sojta kaj angelman, pichus trompetata jap'isharqa chayman: Eufrates jatun mayu qayllapi tawa watasqa angelesta phaskaramuy, nispa.

DIOSPA QHELQACHISQAN DEUTEROCANONICAL

¹⁴ Chantá chay parlamojqa sojta kaj angelman, pichus trompetanta jap'isharqa, chayman nerqa: Éufrates jatun mayu qayllapi watasqa kashanku, chay tawa angelkunata phaskaramuy, nispa.

DIOSPA QHELQACHISQ

¹⁴ Chantá chay parlamojqa sojta kaj angelman, pichus trompetanta jap'isharqa, chayman nerqa: Éufrates jatun mayu qayllapi watasqa kashanku, chay tawa angelkunata phaskaramuy, nispa.

Quechua South Bolivia: Dios Parlapawanchej

¹⁴ Cornetayoj sojta caj angelmantaj nerka: —Jatun mayu Eufratespi cashancu, chay tawa jarc'aska angelesta cachariy, —nispa.

Apocalipsis 9:14 Iomraidhean Croise

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Génesis 2:14

Kinsa kaj mayoj sutenqa Tigris; chaytaj muyuykushan Asiriaj inti llojsimuyninnejta. Tawa kaj mayoj sutintaj Eufrates.

2 Samuel 8:3

Davidqa atipallarqataj Hadad-ezerta, payqa karqa Rehobpa wawan, Sobaj reynin. Davidqa Hadad-ezerta atiparqa Eufrates mayu chaynejman jallp'anta kutichikapoj rishaspa.

Jeremías 51:63

Ña kay qelqasqata leeyta tukuspañari, uj rumiman wataykuytawankama Eufrates mayuman wijch'uykuy, niytaj: Babiloniaqa ajinatamin chinkaponqa, manañataj ujtawan jatarimonqañachu, Señor apachimunan kashan chay ñak'ariypi urmasqanmantaqa, nispa. Kaykamalla Jeremiaspa nisqanqa.

Deuteronomio 1:7

Tukuy imasniykichejta oqharikuspa amorreospa orqosninkuman riychej, tukuy vecinosninkoj muyuyninkupi kaj jallp'asninkuman ima. Arabaman, sach'arara lomasman, vallesman, Neguevman, mar qocha cantosman, cananeospa jallp'anman, Libanoman, Eufrates jatun mayukama.

Josué 1:4

Chay jallp'astaj kanqa ch'innejmantapacha Líbano orqokama, Eufrates jatun mayumantapacha Mediterráneo mar qochakama. Chantá tukuynin heteospa jallp'asnintin qankunajta kanqa.

Apocalipsis 16:12

Sojta kaj angeltaj Eufrates jatun mayuman copanmanta jich'aykorqa, yakuntaj ch'akiporqa, inti llojsimuynejmanta reyespaj ñan wakichisqa kanampaj.

Apocalipsis 7:1

Kay imas qhepata rikorqani tawa angelesta, jallp'aj tawantin cantompi sayashajta. Paykunataj jallp'aj tawantin wayrasta jark'asharqanku, ama ima wayra jallp'a pataman wayramunampaj, nitaj mar qocha pataman, nitaj ima sach'a patamampis.

Apocalipsis 7:2

Rikullarqanitaj waj angelta inti llojsimuynejmanta wicharimojta, kausaj Diospa sellon oqharisqata. Qhaparerqataj sinch'ita chay tawa angelesta, paykunamantaj atiy qosqa karqa, mar qochata, jallp'atawan nanachinankupaj.

Apocalipsis 8:2

Rikorqanitaj Diospa ñaupaqempi qanchis angelesta sayashajta. Paykunamantaj qanchis pututus qosqa karqa.

Apocalipsis 8:6

Qanchis angelestaj, sapa uj trompetanta waqachinampaj wakichikorqanku.

Apocalipsis 9:15

Chay tawa angelestaj phaskarasqas karqanku, pikunachus chay horapaj, chay p'unchaypaj, chay killapaj, chay watapaj wakichisqas karqanku, runaspa kinsa kaj t'aqanta wañurachinankupaj.