Apocalipsis 7:9 - Qheshwa Biblia DC

⁹ Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.

DIOSPA QHELQACHISQAN DEUTEROCANONICAL

⁹ Jinallataj chay qhepata may chhika runata rikorqani, yupay mana atinata tukuy suyumanta, tukuy ayllumanta, tukuy imaymana rijch'aj runamanta, tukuy parlaykunamantawan. Paykuna kamachina tiyanaj ñawpaqenpi, chantá Corderoj ñawpaqenpi ima kasharqanku, yuraj p'achawan p'achallisqa, makinkupitaj palma jap'irisqa.

DIOSPA QHELQACHISQ

⁹ Jinallataj chay qhepata may chhika runata rikorqani, yupay mana atinata tukuy suyumanta, tukuy ayllumanta, tukuy imaymana rijch'aj runamanta, tukuy parlaykunamantawan. Paykuna kamachina tiyanaj ñawpaqenpi, chantá Corderoj ñawpaqenpi ima kasharqanku, yuraj p'achawan p'achallisqa, makinkupitaj palma jap'irisqa.

Quechua South Bolivia: Dios Parlapawanchej

⁹ Chay imasmantataj may ashqha runasta ricorkani. Paycuna ancha ashqhas cancu mana yupay atina. Tucuy jallp'amanta, ayllusmanta, llajtasmanta, tucuy laya parlaycunamanta cancu. Atipajcuna caskancuraycu yuraj khoysu p'achawan p'achalliskas, maquisnincupitaj palmas okhariskas cashancu. Jatun tiyanaj ñaupakenpi Corderoj ñaupakenpiwan sayaskas cashancu.

Apocalipsis 7:9 Iomraidhean Croise

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Salmos 2:8

Mañaway chayaqeykipaj nacionesta, tukuy kay pachatataj k'uchunkama qampata kanampaj qosqayki.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Salmos 76:4

Qan jatun kanki, Señorníy, orqosmantapis aswan jatun kanki.

Salmos 77:2

Llakikuyniy p'unchaypi Señorta mask'ani, mana sayk'usqataj makisniyta payman oqharini. Sapa ch'isi paymanta mañakuni, mana sonqochakuyta atinichu.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Ezequiel 47:5

Uj phishqa pachajtawan miderqa, kay kutipitaj uj jatun mayuña karqa, manaña yakuta chimpayta aterqanichu. Ukhu yakuyoj mayumanña tukupusqa, mana chimpay atina, wayt'aspalla chimpanapaj jinaña karqa.

Daniel (hebreo) 4:1

Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

Daniel (hebreo) 6:25

Chanta rey Darioqa, qelqarqa tukuy nacionespi kaj runakunaman, tukuy llajtasman, kay pachapi kaj tukuy parlayniyojkunamantaj, kay jinata nispa: Munani qankuna sonqo tiyasqas kakunaykichejta, tukuy imapitaj allin risunaykichejta.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Levítico 23:40

Ñaupaj kaj p'unchaypi tantakunkichej sumaj kaj sach'aspa poqoykunasninta, palma ramasta, ramarara sach'aspa palqasninta, mayu saucesta ima. Ajinata qanchis p'unchay junt'ata kusikunkichej Señor Diosniykichejpa ñaupaqempi.

Zacarías 10:8

Noqa wajyakapusaj, tantaykusajtaj paykunata salvasqayrayku. Chay waj tiempopi jina ujtawan may chhikaman ashkhayallanqankutaj.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

San Lucas 12:1

Runas tantakamorqanku waranqa waranqasmanta. Anchata k'iskikamuspataj sarunakusharqanku; ñaupajtataj yachachisqasninman nerqa: Qhawakuychej fariseospa levaduranmanta. Chayqa puraj uya kayninku.

San Lucas 21:36

Qhawarikuychej ari, Diosmanta mañarikuspa tukuy tiempopi, kay tukuy ima jamojmanta ayqenaykichejpaj; allimpi rikhurinaykichejpajtaj Runaj Churimpa ñaupaqempi.

San Juan 12:13

Palma ramasta jap'ispa, Jesusta taripaj llojserqanku, qhaparerqankutaj: Kausachun! Yupaychasqa kachun Israelpa Reynin, Señorpa sutimpi jamojqa!

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Efesios 6:13

Chayrayku Diospa tukuy maqanakunasninta jap'iychej, sajra p'unchaypi sinch'ita sayanaykichejpaj. Kayta ruwaspataj sinch'ita sayaychej.

Hebreos 11:12

Chay jinamanta, uj runamanta wañusqa jina kajmantaña, patapi qoyllurkuna jina runa mirarqa, mar qocha cantompi t'iyu jinataj, mana yupay atina.

Hebreos 12:22

Qankunataj Sión orqoman qayllaykunkichej, kausaj Diospa llajtanman, chay Jerusalenman, ashkha waranqa angelespa t'aqanman.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 22:3

Manañataj astawan ima maldiciompis kanqañachu; Diospa tronontaj Corderojpatawan chaypi kanqa; kamachisnintaj payta kasonqanku.

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

Apocalipsis 4:4

Chay tronoj muyuynimpitaj, iskay chunka tawayoj tiyanas karqanku. Chay tiyanas patapitaj iskay chunka tawayoj kuraj runasta rikorqani tiyasqasta, yuraj p'achawan p'achallisqasta, umasninkupi qori pillusniyojtataj.

Apocalipsis 5:11

Chantá qhawarqani, uyarerqanitaj ashkha angelespa parlayninta, chay animalespatapis, kuraj runaspatapis tronoj muyuynimpi. Paykunaqa waranqa waranqa karqanku.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Apocalipsis 6:11

Yuraj p'achasta sapa ujninkuman qorqanku, nerqankutaj uj pisitawan samarinankuta, kamachi masisninku, hermanosninku ima junt'amunankukama. Paykunapis wañuchisqasllataj kananku tiyan.

Apocalipsis 7:8

Zabulompa ayllunmanta chunka iskayniyoj waranqa. Josejpa ayllunmanta chunka iskayniyoj waranqa. Benjamimpa ayllunmantapis chunka iskayniyoj waranqa sellasqas.