Apocalipsis 6:9 - Qheshwa Biblia DC

⁹ Phishqa kaj sellota kicharejtintaj, altar urapi almasta rikorqani, pikunachus wañorqanku Diospa palabranrayku, payta rejsichisqankuraykutaj.

DIOSPA QHELQACHISQAN DEUTEROCANONICAL

⁹ Maypachachus Cordero phishqa kaj sellota llik'erqa chaypacha, altar urapi rikorqani, pikunachus Diospa nisqanta cheqanta willasqankurayku wañuchisqa karqanku, chaykunata.

DIOSPA QHELQACHISQ

⁹ Maypachachus Cordero phishqa kaj sellota llik'erqa chaypacha, altar urapi rikorqani, pikunachus Diospa nisqanta cheqanta willasqankurayku wañuchisqa karqanku, chaykunata.

Quechua South Bolivia: Dios Parlapawanchej

⁹ Chay phishka caj sellota quicharejtintaj Diospa runasninpa almasnincuta ricorkani. Paycunaka jaywana altar urapi casharkancu. Runas paycunata wañuchiskancu Diospa niskanta willaraskancuraycu paypi jap'icuskancuta willacuskancuraycupis.

Apocalipsis 6:9 Iomraidhean Croise

Génesis 4:10

Diostaj nerqa: Imanarqankitajri? Wauqeykej yawarninta jich'asqaykeqa jallp'amantapacha qhaparimushawan.

Éxodo 29:12

Chay yawarman dedoykita chhapurispa altarmanta wajrasnin jina ruwasqasta jawiray. Chay puchojwantaj tukuyninwan altar urata ch'ajchorqoy.

Levítico 4:7

Chantaqa sumajta q'apashaj incienso altarpa wajras jina kaj esquinasninta uj pisi yawarwan jawiykonqa, Señorpa ñaupaqempi Dioswan tinkuna toldopi. Tukuynin puchoj yawartataj, rikuchikusta ruphachina altarpa uranman jich'aykonqa Dioswan tinkukuna toldo punkupi.

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

2 Corintios 5:8

Chaywampis, astawan kallpachakunchej. Astawanqa munasunman kay cuerpomanta t'aqakuyta, Señorwantaj kausamuyta.

Filipenses 1:23

Chay iskayninmantaqa mana ajllayta atinichu; astawanqa munayman wañupuyta, rispa Cristowan kanaypaj. Chaytaj astawan sumaj noqapajqa.

Filipenses 2:17

Yawarniy jich'asqa kanman chayqa ofrendasniykichej pataman, feniykichejpa patanmampis chayqa, chaymanta kusikuni jatun kusiywan tukuyniykichejwan khuska.

2 Timoteo 1:8

Chayrayku ama p'enqakuychu Señorninchejmanta willayta, nitaj noqamantapis payrayku carcelpi wisq'asqa kasqaymantapis. Astawanqa qampis noqawan khuska llakikuy evangeliorayku, Diospa atiyninman jina.

2 Timoteo 4:6

Noqaqa rikuchiku jina Diosman jaywasqa kanay tiyan. Wañuyniy qayllapiña kashan.

Hebreos 12:23

Ajinallatataj qayllaykunkichej ñaupa creejkunaj tantakunanku wasiman. Paykunaj sutisninkoqa janaj pachapi escribisqa kashanku; ajinallatataj, Diosman tukuypa juezninman, ajllasqa espiritusmanwan, pikunachus allinchasqas kanku, chaykunaman.

Apocalipsis 1:2

Juanqa willarqa chay tukuy imata rikusqanmanta, Diospa palabranmanta, Jesucristoj willasqanmantawan.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

Apocalipsis 14:18

Altarmantataj waj ángel llojsimullarqataj. Chaytaj ninata kamachej, qhaparerqataj chay filo ruthunayojta, nispa: Churay filo ruthunaykita, jallp'api uva sach'aj poqoyninta pallay. Uvasnenqa poqosqasña kanku.

Apocalipsis 16:7

Altarmantataj wajta uyarerqani, nejta: Arí, Señor Dios, Tukuy Atiyniyoj, juiciosniykeqa cheqa, cheqantaj kanku.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

Apocalipsis 2:13

Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 8:3

Waj angeltaj jamuspa altarpa ñaupaqempi sayaykorqa, qorimanta incienso q'osñichina oqharisqa. Ashkha inciensotaj payman jaywasqa karqa, tukuy ajllasqaspa mañakuyninkuman yapaykunampaj tronoj ñaupaqempi, chay qori altarpi.

Apocalipsis 9:13

Sojta kaj angeltaj trompetata waqacherqa. Uyarerqanitaj parlamojta, qori altarpa tawantin cantosninmanta. Chaytaj Diospa ñaupaqempi kasharqa.